Тюку яля’ мань Михаил Иванович Косков’ нямна паднадм’, Тикы хасава Хонгурей ӈэсы’ тер’’.

Тэхэ’’на’’ манзарана хасавам’, ӈэсыхынандо’ илена’’ хибяри’’ хардахана ӈояк’ маниесетыдо, пыда хусувэй по’ ӈокаюв ялуда хойхана, тыта’’ поӈгана мэцетыда, пили’’ манзаяхананда мэсеты.

Михаил мал’ перенида’’ тыдо’ маниесь ӈахы’ похот’’ вымна мюсерта’’ хибяри’’ ӈэвы’’. Ирината’’ ири’’, ирида’’, нисяда мяд’ терсавэй Нюдя’ явна мюсермы’’ ненэця’’ ӈэвыць.

Нисяда’ Иван Иванович Косков манзаямда теневана ненэць, илевада мал’ ты’’ хэвхана ваерась. Косков’’ тэнзхад перена’’ хасава’’ ныхата’’, пон’ илена’’, манзарась теневана’’ хибяри’’ ӈэвыць. Иван Иванович Косков’ небяда’ Анастасия Степановна, нисяда’ Иван Максимович – мал’ илевади’, манзаравади’ «Нярьяна ты» колхозхана ваерась, таняна ӈод’’ сидя хасава нюди’ Иван няби Семён манзараӈаханзь.

Нюхуюди’ школан’ хэванди ӈэсонд’ небянди’, нисянди’ хэвхана мякана илеӈаханзь. Нюдяюм’ Иван тикахад Няръяна маркана ненэцие’ школа-интернатхана тоходанась. Тикы’ пуд’’ ханзер’’ ӈэбнанда’ тара, луца’ вадавна хэтанзь – срочной службам’ армияхана минресь, таняхад томахаданда таминда’ хоян танэяць, тэхэ’’на’’ мэнаӈэ «Нярьяна ты» колхоз’ нябимдей бригадан’ товысь, бригадирӈэ тикахана Егор Федулович Хозяинов таравысь.

Сян’ по’’ ваерась Иван нелевыць, семьяда ӈадимясь, пухуцяданда’ Елизавета Талеевам’ ханавысь. Пирибтя’ небяда’, нисяда’ ӈобтарем’ хойхана мюсерта’’ ненэцяӈгат’’ перевэхэ’, тэхэ’’на’’ мюсермэхэнзь. Елизавета школамда сававна тоходанась ёльцедась, тикы пуд’’ тамна нерня’ Пушкин’ маркана сельскохозяйственной’ институтм’ ёльцевы, сян’ по’’ экономистӈэ колхозхана манзарась. Хаюпась хэ’’мяхаданда, нюда’’ соявандо’ сер’’ харад’ манзаи’’ пэрмысь.

Косков’ тэнз’ минрена ненэця’ не нюти’ хавна, няхар’’ хасава нюди’’ вадюданаць. Иван Иванович хасава ӈацекыда харта пэрцетыда. Пыда нюдякоходанда нисяндо’ няюв та’ мальӈгана хоян’ ядэрцеты’’. Нисяндо’ хэвхана, нисяндо’ манзаравам’ маниесь янамбовна тыбэрма серт’ тоходанасеты’’. Нисядо’ хан’’ сертабаӈгу , тынзям’ паӈгалпаӈгу, тыда’ пидтембаӈгу сырта’’. Ныхыто’ пирувна нисямдо’ нядабасетыдо’. Школахана тоходанавамдо’ ёльце’’махадандо’, ханяна манзаравандо’ нямна хасавако’’ пон’ нидаць ибедор’’, няхар’’ хасава нюда’’ хойхана манзаравам’ тэраць. Михаил ёнэйдо, 1983 похона ты’’ сапола ирий’ юдимдей толыркана соявы. Ӈэсыхына садикан’ ядэрӈась, паднась, толанзёсь, толаӈгось Хонгурейхана начальной школахана тоходанась. Тикы’ пуд’’ Оксинохона хасую’’ классм’ ёльцевы. Хасава ӈацекы харвась тоходанась, хусувэй предмет’ ивнанда ӈэвысь, тоходанавада нензелмана миӈась, тарем’ ӈод’’ хасую’’ класс’ пуд’’ школахана тоходанавамда’ хаедась.

Я’’авлада хасавако тамальӈгана ида’ нянэювна хой’ нямна ядэрцеты, тэхэ’’ хэван’ харвавы, таняна нисяда’ манзарась. Миша школан’ хэванда нерцюна хусувэй по’ таӈы ирий’’ хойхана мадабасетыда, каникулта’ мальӈгана таминда’ хой’ няюв хэванзь’ парумдасеты. Ӈока ялуда’’ ӈарка хибяри’’ поӈгана мэцеты, пыдо’ манзаито’ нямна минрена лаханавидо’ нянда мэкархаць. Няндо’ инзелесь, мер’’ харта ямда’, ты’’ сававна теневана хибяриӈэ хэван’ харвась.

Мат’’ яӈганя похонанда’ хардахад хоян’ хуныць. Тоходанвамда сававна минрена хасава нюхунди’ небяда, нисяда масетыхы’ – нерня’ тоходана’’, ивнанд’ ӈэда манзаям’ тохола’’, специальностяр’ танеӈгу, тарем’ лаханась выдараӈаханзь, хасава нюди’ пуня’ нись ӈа’’.

– Валакада хоян’, тэхэ’’на’’ мэван’ харвадм’ – хасава ӈацекы масеты.

Ханзер’’ нисяда’ ӈэӈгу, сменамда’ мэ’’манзь хоян’ хэбнанда, хасава нюмда’ нянанда ханада.

Тарця серт’ хасавако ёльце маймбись, хоян’ тэвась Михаил харвась, сер’’ теневана тотрев тыбэрта’’ хасави’’ нядабась’ парумбасеты. Ӈамгэм’ нида’’ хэтаӈгу’’, мал’ сававна сертаӈгуда. Ханяна пям’ ма’’лаванзь ханцеты, идм’ мят тэврабсеты, тикахад ӈарка нида’’ яля’ мальӈгана тэхэ’’ ядэласетыдо’, ханяна пий’ еванзь хэвханандо’ тэворцеты…

2001 похона Михаил армиян’ хаясь, сидя по’’ ваерась хардаханда тось, тикахад таминда хоян’ танэяць.

Тарем’ няхар’’ юд’ мян’ по’’ ямбан пили’’ хойхана манзара, теда’ «Нярьяна ты» сельскохозяйственной предприятиехэна Михаил’ ня, харвась тэхэ’’на’’ хасава няхаюда’ Валерий няби Степан манзараӈаха’.

Пыдо’ нисянато’, иринато’ манзаям нерня’ минрена’’, харто’ илевамдо’ тэси’’ нидо’ мание’’, хойхана мюсерма ивнандо’ ӈа’’.

Яханана’’ тарця хибяри’’ тыбэрма’ сер’’ мэёвна ня’’амбидо’.

Перевод на русский язык

Только в тундру, только к оленям…

Сегодня герой моего материала – Михаил Иванович Косков, житель Хонгурея.

Хотя земляки крайне редко видят его в деревне, большую часть года мужчина проводит в стойбище.

Михаил из семьи потомственных оленеводов. Его прадеды и деды кочевали по Малоземельской тундре, там родились и родители.

Отец, Иван Иванович, был опытным оленеводом. Мужчины из рода Косковых славились здоровьем и долголетием, умением трудиться. Родители Ивана Ивановича – Анастасия Степановна и Иван Максимович – ветераны оленеводства колхоза «Нарьяна ты», там работали их сыновья.

До школы они жили в чуме возле родителей. Младший, Иван, потом учился в школе-интернате в Нарьян-Маре. Как положено, отслужив срочную службу, вернулся и пошёл пастухом во вторую бригаду к Егору Федуловичу Хозяинову.

Позже Иван обрёл свою семью, его женой стала Елизавета Талеева, тоже из рода потомственных оленеводов. Она с отличием окончила Пушкинский сельскохозяйственный институт, работала экономистом в колхозе. После замужества и рождения детей стала домохозяйкой.

В семье подрастали три сына, Иван Иванович занимался воспитанием мальчишек. Они с отцом часто выезжали в стойбище, познавали премудрости профессии оленевода. Учились изготавливать нарты, плести аркан, ставить клеймо. После окончания школы, когда пришло время выбирать профессию, трое сыновей предпочли жизнь в тундре.

Средний, Михаил, герой нашего материала, родился 10 марта 1983 года. Посещал детский сад, читать, писать, считать научился в хонгурейской начальной школе, затем до 9-го класса учился в Оксино, с желанием и лёгкостью изучал школьные предметы, но дальше не продолжил.

Шустрого мальчика тянуло в стадо, где работал отец. Ещё до школы Миша всё лето проводил в тундре и на каникулах рвался на тундровые просторы. Проводил много времени среди людей, хорошо знающих родную землю, оленей.

В 16 лет практически сбежал из дома. Хотя родители настаивали на продолжении учёбы и получении специальности, убедить сына оказалось невозможно.

– Только к оленям, только в тундру, – настаивал мальчик.

Ничего не оставалось делать отцу, как согласиться. И в очередную смену отправился вместе с сыном.

Радости не было предела, Михаил с желанием, со знанием дела принялся помогать оленеводам. Что бы ни попросили сделать старшие товарищи – выполнял безукоризненно. Ему доверяли помогать по хозяйству, охранять оленей в дневное время, брали в ночное дежурство…

В 2001 году он ушёл в армию и через два года, уволившись в запас, отправился на работу в тундру…

Теперь в родном сельскохозяйственном предприятии СПК «Нарьяна ты» вместе с Михаилом дружно работают братья Валерий и Степан.

Братья Косковы – истинные хранители и продолжатели древней династии оленеводов. Они влюблены в свою работу, не мыслят себя без тундровой жизни. На таких преданных людях держится оленеводство нашего региона.