Вы здесь

Нина Панькова’ иланда сехэры

70 по’’ тяхана округна’’ Нюдя яхана мюсерта ненэця’ мякана Нина Васильевна Панькова соясь. Соя’’вы яда ныхыдамда, сава сёнзядамда, маймбцодамда, сава ихидамда тавысь. 

По’’ ваерась иламда харта сертабидась. Инда вато’ не, харта ямда мэнена, харта нида’’ нерня’ пэртя, хой илм’ теневана. 

– Маня’’ илевава’’ сибиць нись’ӈа, пыдув’ тенебнан’, пили ӈокавна манзарасьтыва’’, – Нина Васильевна тарця вади’’ хэтась. – Хойхана вадюданаваць, илан’ ханзер’’ сырць, илевава’’ харта табекусь. Небян, нисян си’’ив нюдись. Небякона, нисякона’ хэвхана саць сававна илеваць. Не’ ӈацекэӈэ’ небява’’ сэдорась нядабасетыва’’. Хасавако нина’’ нисяна’’хэвхана мэсеты’’, нядаӈгосеты’’. Хасава манзаи’’ мал теневыдось. Ӈарка нина’’ сидна’’ ӈока сава ӈамгэн’ тохолаць. Тенад’ тарем илева’’. Нина’’ нядабасетыва’’, маймбась няха’’на тэворцетыва’’. 

Мань школами’ ёльце’’махадан тоходанавась хаядамзь. Тикы пуд’’ Ямалкана Тазовской районхана манзарадамзь. Валерий нюбета хасава нями’ мяд’ терсавэй Тазовскойхана илесь, институтм’ ёльце’’махаданда школахана тохолкодаӈэ манзарась. Мань нями’ нядабидамзь. Таняна илесь, сейми’ мякан харвасеты. Сян’ по’’ ваерась хари’’ яхани’ тодамзь. 

Харта яхананда Нина ӈацембой тыбэртям’ ядабтась, хаюпа хаясь. Тикахад вэсаконда’ ня Хонгурей ӈэсын’ илеванзь тэвыхынзь. 

Ӈобкана илевамди’ сававна пядись, ябдаӈаханзь. Хасавада илан’ ивъер’ сыртась, ёрцеты, ханесеты. Ӈудида мэта ненэць ӈэвысь. Не’ ӈод’’ хусувэй манзаямда теневанась. 

– Мань ӈацекэӈэ мякнани’ нядаӈгосетыдм’, хойхана тарця ӈэсетынё. Манзаи’’ нисетын’ пилюс’’. Ӈарка нини’’ вадаха’ инзелесетыдм, ханзер’’ ӈамгэм пэрць’ тара сими’ тохолабасеты’’. Пыдо’ сидна’’ ӈока сава ӈамгэн табадабасеты’’. Ӈарка хибяри вадаха’ инзелева’’ сава сер’’, нерня илевахана мал’’ тарана’’ сер’’. 

Хаюпа хэ’’мяхаданда Нина Хонгурейхана илесь, нюкциди’ сояць. Тоенана’’ сер’’ ӈадиберпато’ тикым вэсаконда’ ня ӈобкана таслабсетыди’. Харти’ хардади’ танесь, манзаяди’, нерня илевамди’ тасламбидись…

Тикахад сававна илевади’ лэркабт ныклы. Вэсакода яӈгумась. Ӈацембой некоця нюдяко нюкцита’’ ня’ ӈопойӈэ хаись. 

Ханзерков нерня илесь тарась, тикым хамадабась Нина Васильевна мал’’ ныхыда ма’’лась нерня ядалъяць. 

– Ӈацекы’’ мякна танева’’ – ӈарка сер’’, -тарем Нина Васильевна тасламбида. Мани’ нюни’’ вэсакон’ ня ябмись, маймбцомись. Нюд’ танеӈгу’’, паӈгуд нерня илеӈгу’’. Маня’’ небянана’’, нисянана’’ ханзер’’ сидна’’ вадабиць, тарем мань’ ӈод’’ нюкцин’ вадабидамзь. Ӈарка хибяри вадам’ нись мадабю, инзелесь пыдо’ вадахато’. Теда нюн’’нюху тарем лаханасетыдм’, теневабнандо’, инзелебнандо’. 

Тедахова илева сер’’ли, нюн’’ мал вады’’, харто’ нюсавэй. Хасава нюв’ нелебнанда меяков’ мякнан’ сававна ядабтавась. Пыдо’ сававна илебнандо’, сейханан’ сава. 

Нина Васильевна незел’’мана сяхарт ниван’ хабесь иле, тарем’ ӈод’’ нямбара ӈэвамда илеванда’ ямбан минреда. Инда вато’ некоця. 

– Илевав’ янамбовна нерняри’’ миӈась. Нерде лавкахана манзарадамзь, тикахад’ колхозна’’ мехпошивочной мастерскойхана сэдорадамзь, таняхад пенсиян’ тарпываць. Теда ӈахакуд нидм’ манзара. Тарем’ ӈод’’ ӈопой яхана хасена ехэрадм’. 

Тюку ялян’ хэтась Нина Васильевна нарка мякана иле, мякнанда яля, иба. Нюда’’, нюта’’ ню’’, перенида’’ мядоманзь турцеты’’. 

– Маня’’ паской пэдара яхана илева’’, хусувэй таранава таня, пям’ тэвраби, тэмдагун’, ӈодь есяр’’ таняя, медпунктва’’ манзара, лавка’’ таня. Ӈэсынана’’ сава хибяри’’ иле’’, – ванерабтёсь Нина Васильевна вадамда нерня минреда. 

Пыда табихутамада яӈгусеты, сертавндада пили’’ танесеты. Пенсияхана мэна’’ нита’’ ня хыно’’манзь ма’’люрцеты,  сырэй мальӈгана ламбаха’’на сюрберта поӈгана пыда пирдырцеты. 

Ваеравы ирий’ пудана яля’’ мальӈгана Нина Васильевна Панькова юбилееямда мэ’’ӈась, си’’ив ю’’ помда ядабтась. Мядоманзь мяканда сава теневана’’ нида’’, перенида’’, нюда’’, нюта ню’’ ма’’люрӈаць, ӈока сейхад минда’’ вади’’ намдась. Тад’ нерня ӈод’’ Нина Васильевна ябда иле, сензан’ ӈа’’. 


Перевод на русский язык

Путеводная звезда Нины Паньковой 

70 лет назад на просторах Малоземельской тундры появилась на свет девочка. Родная земля подарила ей силу, тепло души, радость солнечного дня, открытость и напевность материнских песен.

Но главное, что определяет судьбу Нины Васильевны Паньковой, это её характер, любовь к родному краю и мудрость северного народа, впитанная с молоком матери. 

– Беззаботной жизнь нашей семьи не назовёшь. Как себя помню, всегда много трудились, – вспоминает Нина Васильевна. – Быть самостоятельными детей тундры заставляет сама жизнь. Нас в семье было семеро. Жили дружно, рядом были любимые родители. Девочки помогали матери шить одежду. Мальчики, как принято в тундре, больше времени проводили с отцом, который сызмальства учил их всему, что должен уметь мужчина. А ещё мама с папой преподали нам урок на всю жизнь: ценить и поддерживать друг друга.

После окончания школы я уехала учиться. Затем работала в Тазовском районе, на Ямале. Мой брат Валерий с семьёй жил в посёлке Тазовский, после окончания института работал там учителем. Я помогала его семье, а затем вернулась на родину.

Здесь, на родине, Нина повстречала молодого оленевода, влюбилась, вышла замуж и переехала жить в Хонгурей. 

Жизнь молодой семьи пошла в гору. Муж был удачливым рыбаком, охотником. Не боялся работы, многое умел делать своими руками. И молодая хозяйка была отменной мастерицей: помогала тундровая закалка.

– Я с детства с домашним хозяйством умела управляться, – вспоминает моя собеседница. – Родительскому слову никогда не перечила, старших уважала и почитала, всегда прислушивалась к их советам, ведь старые люди на своём веку много чего в жизни повидали, многое поняли и плохого не посоветуют.

С первых дней совместной жизни молодые решили, что семья у них будет большая. Один за другим родились дети. Они были их счастьем, хотя и нелегко было растить их. Но небольшие семейные трудности только закаляли, у них был свой дом, они строили дальнейшие планы…

Но тут в дом пришла беда… трагически погибает глава большой семьи. Нина Васильевна осталась с маленькими детьми. Ну и здесь характер Нины помог преодолеть все невзгоды. 

– Дети – это основа жизни в любой семье, – считает Нина Васильевна. – Это наше с мужем счастье и богатство. Значит, нашему роду жить дальше. Нас всегда учили родителей слушаться, так и я детей воспитывала, об этом и внукам говорю, а теперь уже и правнучкам, – делится секретами семейной жизни Нина Панькова. – Честно говоря, легко никогда не было, но я никогда не унывала. Работала продавцом в магазине, затем в мехпошивочной мастерской колхоза, оттуда вышла на пенсию. Придаёт силы чувство необходимости, что кому-то нужна.

…Сегодня моя героиня живёт в большом уютном доме, содержит его в порядке и чистоте. Частые гости здесь дети и внуки, да и родственники любят приезжать.

– Природа вокруг замечательная, с дровами проблем нет – привезут, были бы деньги, медпункт и магазины работают. Соседи хорошие, – с улыбкой рассказывает Нина Васильевна. 

Да и сама она не даёт себе скучать. Принимает активное участие во всех мероприятиях деревни. Поёт в хоре пенсионеров клуба общения «Родник», с удовольствием занимается в ненецком коллективе, ходит на занятия хора «Весёлые соседушки». Дружит со спортом, участвует в лыжных соревнованиях. 

А ещё Нина Васильевна очень надёжный человек. И ценит она в людях настоящее: честность, принципиальность, порядочность, потому что сама такая. Она всегда остаётся сама собой: очень доброй, заботливой, в любую минуту готовой помочь, сопереживающей чужому горю, с острым чувством справедливости.

В конце сентября Нина Панькова отметила юбилей. Поздравить юбиляра пришли друзья, земляки. За праздничным столом собрались взрослые дети. 

Пусть путеводная звезда никогда не оставляет Ваш дом. Пусть приятные воспоминания сделают Вашу жизнь ещё радостнее, и пусть будущее подарит то, чего Вы ждёте, о чем мечтаете, уважаемая Нина Васильевна. Поздравляем!