Ваеравы си’’ив маттамдэй яляхана Нельмин’ Саляхана «Варӈэ’ ялям» ядабтабиць, ӈэсыхына илена’’ хибяри’’ хэбидя яляхана ныланаць.

Хой’ тер’’ хусувэй по’ тарця ялям’ ӈатесетыдо, ивъер’ хамекосеты. Пий’ сата мерця ваера’’махад, хувэда’ савась. Нумда паской ялякоцяхана, хаярэкон’ маймбась хибяри’’ Долгой нюбета то’ няюв миӈаць. Тюку по’ хэбидя ялядо’ таняна миӈась, тэхэ’’на ӈэдалёрмадо’ ӈод’’ таняна ваерась.

Ӈока хибяри’’ ма’’лась, ӈатенавандо’ сер’’ нидо’ лаханась ня’’ӈаць, мят’ тюӈгаць, мирдатна’’ ӈавори’’ манэ’’сарӈаць, тэмдорӈаць.

  …. Ихинандо’ сомбой ялян’ маймбиць. Мэбета хибяри’’, пирдырмахана ныхыта’’, сава нидо’ ядабтава’’, маймбава, толыродо’ тянё ненэця’’ культурамдо’ манэ’’лабтабава ялядо’ миӈась!

Яля’ программахана – хибяри’’ поӈгнандо’ хуркари’’ пирдырмахана’’ ныхыдо’ хорпиць’’, тэхэ’’на’’ ӈэдалёрӈаць, творческой коллектив’’ хамадавы манзаи’’ маниець, хуркари’’ конкурсха’’на’’ сянакуць’’.

Нельмин’ Салян’ семейно-родовой общинахана тыдо’ пэрта ненэця’’ тэсавэй тэворӈаць, пыдо тэхэ’’на’’ ӈэдалёрмахана мэбе’’мамдо’ манэ’’лабтамбиць. Сямянд’ ныхытидо’ нюмдебиць!   

Хойхана мюсерта’’ юкад вата ненэця’’, тет не’’ варёмдо’ мэць тэхэ’’на’’ ӈэдалёрӈаць.

Хасава’’ тюкумэвахана хан’ тя санарӈаць, тынзям’ моепиць.
Тарця пирдырмахана ныхытидо’ тянё нидаць’ ӈа’’.

Тыбэртя’’ пирдырмам’ маниеванзь товы’’ хибяри’’ поӈгана теневана’’, ӈахы’ похот’ тэхэ’’на’’ мэна’’ Талеев’’, Явтысой’’, Ледков’’, Лаптандер’’ мяд’ тер’’, хойхана ӈока’’ по’’ ямбан манзаравы’’ хибяри’’, Заполярной район’, округна’’ депутат’’, общественной манзаи’’ пэрта’’ хибяри’’.

Хибяри’’ паской ембдяродо’ мэць товыць, тарцям маниесь сэвхана саварха’. Николай Тайборей харта тыда’ пэрта хасава, сидя нюда, пухуцяда хэбидя ялям’ мэ’’манзь  едэй мальця’’, пива’’ темсавэй мэць товыць, не едэй сэдвы паской, падтавы паныта. Нюдя яхана мюсерта’’ ненэцяӈгат’’ яӈга. Маня’’ яна’ тер’’ нина’’ мальця, паны, пива’’, тобак’’ ӈамгэ ӈэвам’ валакада юргудо’. Тюку ялян’ хэтанзь, теда’ ӈояк’ сяха хойхана мальцям мэта тыбэрта, панытана некоцям’ ядабтава’’ пир’’…

Ти’, сямянд ӈатевы ялядо’ тэвы.

Тыдо’, ханудо’ хамадавы’’ хой’ тер’’ ныхыта хибяри’’ пирдырманзь тарпыдаць. Хусувэндо’ сёнзянда’ мюй няркна, ихинандо’ нердеван’ ена. Тэхэ’’на’’ ӈэдалёрма пирдырмам’ нэвы’’ хасава’’. Ӈахакуд’ сырта хибяри’’ ӈатена’’, теневана нидо’ сэвханато’ пюрӈа’’, поӈэгнандо’ маниенамдо’ ваде’’ӈа’’… Пирдырма’ мима’’ ямбан хибяри’’ идо’ няркнась, ханяӈэхэ’’на’’  тёр’’ридо’ ӈахат’ сосеты’’.

Тюку по’ пирдырмахана нердевы’’ нина’’:

Нюдя яхана 2026 по’ тэхэ’’на ӈэдалёрмахана сямянд’ ныхытаӈэ’  Алексей Васильевич Ледков хая. Пыда нердесь, тыда’ мере’’мамдо’ манэ’’лабтаць. Сян’ яӈгавна няхаданда хаювы, ӈокамэвна тарця пирдырмахана нердевы  Владимир Талеев нябимдейӈэ’ хая, няхарамдэй местам’ ханавы Николай  Тайборей.

Не’’ поӈгана нертей местам’ ханавы Ольга Владимировна Явтысой, СРО «Вы’ ту’’», нябимдей – Маргарита Васильевна Ледкова, няхарамэй, ветеран’ –  Таисья Семёновна Талеева.

Семейно-родовой община’’ поӈгана–спортхана ныхытаӈэ’  СРО «Нерутам’» нюмдець, тэхэ’’на’’ ӈэдалёрмы  Леонид Лаптандер,  пуданда’ Фёдор  Выучейской  СРО «Табседа», няхарамдэй – Михаил Талеев – СРО «Ялумд».

Мал’ пирдырмы’’ хибяри’’ мядонзэй ня’’амаць, генеральной спонсорӈэ’ таравы Ненецкая нефтяная компания.

Перевод на русский язык

Праздник воли и спортивного мастерства

В минувшее воскресенье в Нельмином Носе прошёл традиционный праздник «Варӈэ’ яля» – «Вороний день».

Труженики тундры ждали этого события и серьёзно к нему готовились. С утра сельчане отправились на окраину посёлка, в район озера Долгого. Там в этом году и прошёл традиционный «Вороний день».

Солнечная погода поднимала настроение участникам, зрителям и гостям.

«Варӈэ’ яля» – праздник силы воли, спортивного мастерства, тёплых встреч и разнообразия уникальной культуры коренных малочисленных народов Севера.

В программе: соревнования по национальным видам спорта, выступления творческих коллективов, различные конкурсы. Конечно, изюминка праздника – гонки на оленьих упряжках. Для участия в этом необычном состязании в столицу Малоземелья съехались почти все представители семейно-родовых общин.

Мужчины выявляли сильнейшего в прыжках через нарты и метании тынзея.

Немало знакомых лиц: многие участники соревнований приезжают не первый раз – крепкие оленеводческие семьи Талеевых, Явтысых, Ледковых, Лаптандеров…

Много здесь и ветеранов оленеводства, приехали представители власти округа и Заполярного района, руководители хозяйств и общественных организаций.

Многие участники праздника – в замечательных национальных нарядах. Например, строгая национальная одежда семьи единоличника Николая Тайборея. Красота – глаз не оторвать! Приятно видеть детишек в красивых суконных малицах и паничках! Рядом с Николаем – его жена Клавдия и два сына-подростка. Они заметно отличаются от представителей оленеводства Малой земли: к сожалению, малоземельцы ушли от традиционной одежды. Редкий случай, когда в тундре встретишь оленевода в добротной малице и в красивых пимах или женщину-тундровичку в расшитой орнаментами панице…

И вот наступил самый ожидаемый, азартный момент праздника.

В упряжках – лучшие олени, их ведут сильные телом и духом люди. Каждый участник непременно волнуется перед стартом и в душе надеется на удачу.

И вот первая партия гонщиков – мужчины первыми вышли на старт. Болельщики напряглись, издалека наблюдают за гонщиками, комментируют события…

Гонки на оленьих упряжках стали самой зрелищной частью праздника.

По итогам состязания самым быстрым оленеводом года в Малоземелье признан Алексей Ледков.

Он показал своё мастерство и обогнал всех, умело управляя оленями, которые в этот раз не подвели. Вторым, отстав от лидера на доли секунды, финишировал многократный чемпион
оленьих гонок Владимир Талеев, третье место – за Николаем Тайбореем.

В женском заезде на оленьих упряжках первое место заняла Ольга Явтысая, второе – Маргарита Ледкова, третье – Таисья Талеева.

В заезде среди семейно-родовых общин сильнейшим стал представитель СРО «Нерута» Леонид Лаптандер, второе место занял Фёдор Выучейский из СРО «Табседа», третьим финишировал Михаил Талеев, представитель СРО «Ялумд».

Все участники получили призы и подарки. Генеральным спонсором выступила Ненецкая нефтяная компания.