Москва маркана вада’ нямна манзаи Федеральной институтхана манзарана’’ тасламбидо’, пыдо’ Россиянана’’ хари’’ вадам’ минрена’’ тохолкода’’ е’’эмня Всероссийской съезд’ хамадаби’’.

Россияна’’ регионха’’на’’ манзаидо’ минрена’’ тохолкода’’ нертей ӈарка ма’’лёвадо’ сидя ёнар’’ сидя ю’’ нябимдей похона ваерась. Тюку по’’ тохолкодина’’ ма’’лёва Москва маркана нюдя пэвдэй ирийхана манзаямда сидя яля’ минреӈгуда, мэта ирий’ сидя ю’’ си’’ивумдей яляхад сидя ю’’ синдетимдей толыр’’ ӈэсонд.

Институт родных языков манзарана’’ Министерство просвещения’ няюв ӈобнзер’ хамадавы манзая.

Яндахат товы’’ хари’’ вадам’ минрена’’ тохолкода’’ нерня’ манзаравидо’ тасламбадаӈгу’’. Тамбир’ форумхана Ненэцие’ автономной округна’’ делегация’ манзаравнда. Парасковья Ивановна Выучейской, технология’ предметм’, ненэця’ вадам’ минрена, пыда Красной ӈэсы’ школа тохолкода, тамна Ольга Витальевна Марюевна, Нельмин’ Саля образовательной учреждение’ начальной классхана тоходанана’’ ӈацекы’’ тохоламби’’, ненэця’ вадам минрена.

Сидя яля ямбан’ яндахат товы’’ тохолкода’’ тематической, дискуссионной площадкаха’’на’’ манзаравнда’’, образование’ манзаравам’ тасламбаӈгу’’. Ханзер’’ ӈарка яна’’ регионхана хари’’ вадам’ тохоламбавахана манзая’’ миӈа’’, нерняна хурка манзаи’’ сертась таравам ӈобнзер’ тасламбаӈгудо’. Тикы’ хавна мастер-класс’’ танеӈгу’’, тохолкода’’ хари’’ вада’ урокхана хурка несэй ӈавори’’ мэ’’ӈа’’, няхато’ манэ’’лабтамбаӈгудо’.

Справка «НВ»:

РФ’ образованияхана ӈокханда 75 хари’’ вадан’ ӈацекы’’ тохолаби’’, хари’’ вадам’ 20800 тохолкода’’ минредо’, хари’’ вадам’ сидя миллион’ мян тоходанана’’ ӈацекы’’ тохолабидо’.

Российской Федерацияна’ 2019 поход хари’’ вадам’ тохоламбава концепция’ ӈадимясь.

Всероссийской профессиональной конкурс’ «Хари’’ вада, хари’’ литература’ сямянд сава тохолкода» конкурс’ нертеймэвна 2022 похона ваерась.

Перевод на русский язык

О родных языках в столице России

В Федеральном институте родных языков продолжается подготовка к всероссийскому съезду.

Всероссийский съезд учителей родных языков народов Российской Федерации пройдёт 27-28 ноября в Москве при поддержке Министерства просвещения России.

В работе педагогического форума примет участие делегация из Ненецкого автономного округа. Наш регион представят Парасковья Выучейская, учитель труда (технологии) и родного (ненецкого) языка средней школы посёлка Красное, и Ольга Марюева, учитель начальных классов из посёлка Нельмина Носа.

В течение двух дней специалисты в области образования обсудят актуальные вопросы реализации стратегий многоязычия в едином образовательном пространстве. Участники форума ответят на важнейший вопрос, что важно сделать для сохранения и развития родных языков народов Российской Федерации.

Педагоги из регионов примут участие в работе дискуссионной площадки. Речь пойдёт об изучении и перспективах развития родных языков, системе подготовки и повышения квалификации учителей родного языка и литературы. Также в программе – участие в мастер-классах по лучшим практикам преподавания и изучения родных языков.

Справка «НВ»

75 родных языков изучается в системе образования РФ,

20 800 педагогов преподают родные языки, а изучают – около двух миллионов учащихся.

В 2019 году принята концепция преподавания родных языков народов Российской Федерации.

В 2022 году впервые проведён всероссийский профессиональный конкурс «Лучший учитель родного языка и родной литературы».