Вы здесь

Ӈопой мяд’ тер’’

Москва’ маркана Всероссийской конкурс «Семья года» ваерась. Тарця конкурс’ самляӈг номинациям’ минресь, 80 семьям’ ӈобкана ма’’лась. Маня’’ округхадана’’ Федор, Вероника Талеевха’ семья таня’ тэворӈась, пыдо’ «Семья года-2017» Всероссийской конкурсхана нерня’ тарпыдаць.

Талеевха’ ю’’ нюкцямди’ вадабихи’, матдо’ евако’’ ӈацекы’’. Пыдо’ «Многодетная семья»’ номинацияхана нердець. Ӈокханда тикахана яндахат товы’’ 17 мяд’ тер’’ пирдырӈаць. Маня’’ яна’’ тер’’ нина’’ е’’эмня сёдо’ ӈока хибяри’’ ми’’ӈаць. Ӈокханда конкурс’ самляӈг номинацияхана 332 мяд’ тер’’ Россияна’’ 85 регионхад пирдырӈаць.
Талеевха’ ӈобкана 26 по’’ ямбан’ илеӈаха’. Пыди’ илди’ нянэювна ненэцие’’ народной ансамбльхад «Хаяркад» пере, ӈока по’’ тяхана пыди’ ниди’ таняна ховэхэнзь.Теда’ семьянди’ «Материнская слава 2 степени» медальди’ таня, 2012 похона – «За любовь и верность» медальм’ ня’’мӈаханзь.
Талеев’ семья’ ня’ пирдырць ӈани’’ хибярихи’’на нензел’’ нись ӈа’’. Пыдо’ нянэй ненэця’, харто’ паӈгудо’ теневана’’. Мято’ хэвхана нянэй мядм’ ӈамдтаць, таняна перенито’ ня’ ма’’люрцеты’’, ӈарка яля’’ товахана ӈобкана ныланасеты’’, соя’’ма ялудо’ мэцьты’’.
«Маня’’ хар’’на’’ культурава’’ сахарамбива’’, лэтмбива’’, хар’’на’’ ембдярона’’ мэ’’ӈава’’, хар’’на’’ ӈаврана’’ мэнева’’, хар’’на’’ мя’’ма’’ хардана’ хэвхана нултаваць, – Вероника Талеева тарця вади хэтась.
Ӈарка мяд’тер’’ небя Нельмин Саляхана соясь, небянда, нисянда мякана ебцотадонзь. Небяда Мария Никоноровна тохолкодась, ӈока по’’ ямбан’ Саляханандо’ нюдяко ӈацекехэ’’на манзарась. Федор’ ӈани – Талеев’ мякна сидя хасава нюкцяхат ӈаркадонзь, папако’ нямда маниесьты.
– Ӈацекы’’ вадабава’’ саць ӈарка сер’’. Пыдо’ нядандо’ илевава’’ пере’’, пыдо’ ныхыдава’’ таби’’, – Вероника тарем’ тасламбида. – Ӈацекы’’ – маня’’ манзаява’’ мание’’, сидна’’ нерня’ пэрӈа’’. Мякнана’’ нюкцина’’ ня’ ӈока ӈамгэм’ пэрцетыва’’, маня’’ ӈобкана вадюданава’’, ӈобкана нерняри миӈава’’. Ню’’ танева – ӈарка сер’’.


Перевод на русский язык

Сплетенные воедино

В Москве подвели итоги Всероссийского конкурса «Семья года». Его победителем стала семья Фёдора и Вероники Талеевых из Нарьян-Мара.

За победу в пяти номинациях боролись более 80 пар финалистов. В рамках пяти номинаций конкурса за звание лучших состязались 332 семьи из 85 регионов России.
Талеевы и их десять детей, шесть из которых приемные, лауреаты в номинации «Многодетная семья» (в ней победу разделили 17 конкурсантов из разных регионов страны). При этом победители из Ненецкого округа набрали наибольшее количество баллов.
Супруги Талеевы прожили в браке 26 лет. Их жизнь тесно связана с народным ненецким ансамблем «Хаяр», где они и познакомились.
В последние годы семья была награждена медалью «Материнская слава II степени» и медалью «За любовь и верность».
Семья Талеевых уже несколько поколений изучает и собирает обычаи своего народа. У них во дворе стоит свой ненецкий чум. В нем родственники встречают Новый год, празднуют дни рождения и принимают гостей.
– Мы, ненцы, малочисленный народ, сохраняем свою культуру, свою одежду, свою кухню, свое традиционное жилище – чум, – сказала Вероника Талеева в комментарии Первому каналу после церемонии награждения.
Хозяйка большой семьи родилась в Нельмином Носе, была младшей в семье. Ее мама, Мария Никоноровна, учительница, много лет проработала воспитателем в поселке.
Любовь к детям идет из семьи. Вот и своих детей Вероника и Фёдор воспитывают так, как их воспитали родители.
– Я давно поняла, что заряжаюсь от детей, они для меня своеобразный источник энергии, – говорит Вероника. – Они наши главные ценители и судьи. Мы вместе растем и взрослеем на наших семейных уроках-сказках, уроках-играх, уроках-представлениях. Нас трудно отделить, настолько все сплетено воедино. Мы вместе.