Тюку ирий’ 28 яляхана Нина Валейской – таневана падтаӈгода, ӈудида’ мэта не, ненэця’ ӈухуко’’ сертамбада’’ няна’’ соя’’ма ялям’ ядабтаваць.

Нина Васильевна 1945 по’ нюдя пэвдэй ирий’ Печора яха’ вархана нувы Кареговкам’ нюбета ӈэсыхыкоцяхана соявысь. Тикахад таняхад небянда’ Валейской Ксения Петровна, хаданда’ Хатанзейской Иринья Григорьевна няюв Нельмин’ Салян ӈэдалавыць. Няръяна маркана Ненэцие’ школа-интернатм’ ёльце’’махаданда Ярославль’ маркы художественной училищен’ тоходанаванзь тэвыць, тикы’ пуд’’ тамна нерня’ В. И. Суриковм’ нювм’ нюбета художественной институтхана тоходанась, аспирантурахана, станковой живопись мастерскойхана.

1983 поход Нина Васильевна –
член Союза художников СССР, всероссийской, зональной, зарубежной выставкаха’ манзаида тэворӈаць. Пыда падтавы’’ манзаида Ненэцие’ округна’’ краеведческой музейхана лэтамбада’’, частной коллекцияхана тане.

Выӈгы ямда’ манзаяха’’ната’’ падтамбада. Падтаӈгова’ хавна Нина Васильевна 1970-ей похот’’ «Хаяр» ансамбльхана тарана’’, хынота’’ паныдо’ хурка ӈэбнандо’ тара, тарця манзаи’’ падаркана манэ’’лабтавыдась.

90-х похо’’на’’ несэй манзаям’ –
ӈухуко’’ сертабавам’ тохолавысь, хусувэй хой’ тер’’ ненэця’’ ӈухукохот’’ коллекциям’ сертавысь. Манзаида сомбой, мэкад, пысабцо. Тикы’ хавна паднава серм’ пэрта, мале’ сян книгам’ падавысь – «Сказания о верных и любящих» («Мечты старой ненки», «Я видела сон»), «Аргиш надежды».

Ненэцие’ теневана паднана ӈахэт Москва маркана иле, тарем’ ӈод’’ харта соя’’вы ямда’ сяхяӈгарт нисетыда юрбю. Хари’’ яхананда нида’’, перенида’’ хаиць. Тарем’ еримбнанда, янда’ тер’’ нида’’ манэ’’ма е’’эмня, округханда тэворцеты. Ӈэрм яда’ сямянд мэненада, сейхананда иле.

Нина Васильевна манзаи’’ харвабтана’’ хибяри’’ яханана’’ тянё ни’’ӈа’’, падтаӈгода нямдо’ тенедо’, сахарамбидо’. Маня’’ округна’’ этнокультурной центрхана, ӈока ненэцие’ падтаӈгода сава няда’’ манзара’’, пыдо’ Нина Васильевна Валейской соя’’ма ялян’ ихина лимбяка ма’’лёвам сертаць.

Соя’’ма яляхананда мядондида’’, сахарамбада няндо’ илм’ тензебтембиць, илевамда Кареговкахад Москва маркы’
мастерской ӈэсонд ваде’’ӈадонзь. Сидяӈгада’’ манэ’’лабтабиць, «И птиц на Север тянет» киноход пускэцям’ манэ’’лабтаць, ханяна Нина Валейской хойхана манзара. «Хаяркана», «Маймбавахана» тарана’’, « Ханийкохона» сянакода’’, «Илебц» театрхана’’ сянакода’’ Нина Васильевна падвы манзаявна инcценировкам’ манэ’’лабтаць.

Округна’’ музейхана манзарана’’ архивхад ӈавори’’ тэвравыць, падтаӈгода няндо’ паӈг’ ханяхад мима’’ нямна манзаи’’ манэ’’лабтаць. Мядонда’’ поӈгана Анна Лыченко танесь, нюдякоходанда Саляхана илесь, сидндет пода’ ӈэванда мальӈгана, пыда няданда’ падтаӈгода’’ нява портретм’ падвысь. Ма’’лёван’ Анна Ивановна падтавы портретсавэй товысь. Вадам’ мэ’’мы’’ хибяри’’ ӈокаць, ӈухукута’’ нямна, паднава серта нямна лаханаць, сян’ пирувна пыда хыныта, харта паӈгуда мэнена, теневана хибяри, хой’ ямда мэнена, мядондида’’ сававна ядабтамбада не’ ӈэвамда, сава вадам’ хэтась теневана, нямда нядавнда хибяри нямна ӈока лимбяка вада’’ танець.

Ма’’лёва пуданана хибяри’’ Нина Васильевна вабць’ намдаць, мал’ маидаць.

Тамбир’ ихина сомбой, сававна хамадавы ма’’лёва таняна мэвы’’ хусувэй хибяри ихина пон’ илевнда. Нина Васильевна мядонзэйӈэ’ нита’’ хэтвы’’ вади’’ тэвраӈгудо’.

Тикахад Москва маркана ваеравы ирий’ 30 толыркана дом национальностей мякана маня’’ округханана’’ илевы’’ хибяри’’ ма’’люрӈаць. Пыдо’ ӈод’’ сава теневана няндо’ соя’’ма ялян’ товыць. Пыдо’ ӈод’’ падтаӈгода Нина Васильевна Валейской сейм’ маймбтаць. Мядонзэй’ тэвраць, ӈока сомбой, ихид’ минда’’ вади’’ хэтаць.

«Памятный сердцу наш северный край» ма’’лёвам’ Москва маркана танеда землячество’ манзаи’’ минрена нида’’ хамададонзь. Ненэця’’ нямна сертавы фильм’ манэ’’лабтаць, Нина Васильевна мэ’’мы ил’ нямна лаханаць.

Таняна ма’’лавы няхата’’ Нина Валейской несэй падвы книганда рукопись манэ’’лабтась. Едэй падбада книгаханда иланда’ ямбан манэ’’мыда, намдвыда, теневана’’ нита’’ ваде’’мы’’ ӈавори’’ ма’’лавы.

Перевод на русский язык

Аргиш воспоминаний Нины Валейской

Недавно юбилейный день рождения отметила Нина Валейская – известный художник, мастер декоративно-прикладного творчества, автор оригинальных ненецких кукол.

Нина Васильевна родилась 28 ноября 1945 года в деревне Кареговка на берегу реки Печоры. Позже вместе с мамой Ксенией Петровной Валейской и бабушкой Ириньей Григорьевной Хатанзейской переехала в Нельмин Нос. После окончания Ненецкой школы-интерната девушка поступила в Ярославское художественное училище, затем училась в Московском художественном институте имени В. И. Сурикова, аспирантуре, в мастерской станковой живописи.

С 1983 года Нина Васильевна – член Союза художников СССР, участник всероссийских, зональных и зарубежных выставок. Полотна художницы хранятся в фондах Ненецкого окружного краеведческого музея, в частных коллекциях и за рубежом.

Тема родной тундры – главная в творчестве мастера. Кроме живописи, Нина Васильевна в 70-х годах стала автором сценических костюмов для ансамбля «Хаяр», в 90-х годах освоила мастерство изготовления кукол и создала этнографически тонкую коллекцию с учётом особенностей костюма жителей разных тундр. Они уникальны и удивительны, самобытны.

Кроме того, из-под пера Нины Валейской вышли литературные произведения «Сказания о верных и любящих» («Мечты старой ненки», «Я видела сон»), «Аргиш надежды».

Знаменитая ненецкая художница давно живёт в Москве, но не теряет связи с малой родиной. Здесь у неё осталось много друзей и родных. Время от времени приезжает в округ, чтобы встретиться с земляками. Север был и всегда остаётся самым драгоценным и милым её сердцу местом.

Помнят и любят Нину Васильевну поклонники её творчества. Сотрудники Этнокультурного центра НАО, добрые друзья ненецкой художницы, подготовили душевный творческий вечер.

Гости совершили путешествие по вехам жизни нашей уважаемой землячки от детства в Кареговке до московских мастерских. На экране сменяли друг друга фотографии и кадры из фильма «И птиц на Север тянет», где Нина Валейская работает в тундре. Зрителей радовали танцоры «Хаяра» и «Маймбавы», артисты «Ханийко», театр «Илебц» подготовил инсценировку по рассказу художницы «Бабушка».

Научные сотрудники Музейного объединения НАО представили уникальные архивные материалы, родословную героини и даже некоторые её картины. Особой теплотой отличались живые истории.

Анна Лыченко вышла на сцену со своим портретом – её, 8-летнюю девочку, запечатлела художница в Нельмином Носе.

Говорили об авторских куклах мастера, рукописях, волшебной энергетике и верности роду, любимой тундре, гостеприимстве и дружбе, способности поддержать тёплым советом, детском умении мечтать, фантазировать и хохотать, несмотря на всякое в жизни.

Кульминацией вечера стало видеообращение Нины Васильевны к землякам. Как отметили участники встречи, её слова стали смысловым центром вечера. Светлое чувство от соприкосновения с творчеством, жизненной философией удивительной ненецкой художницы осталось с каждым зрителем.

Записанное видео юбилейного вечера организаторы передадут виновнице торжества.

Поздравления продолжились в столице. В Московском доме национальностей Нина Васильевна Валейская принимала поздравления от земляков.

«Памятный сердцу наш северный край». Встречу с таким тёплым названием организовали члены московского землячества.

На мероприятии гости посмотрели фильм, посвящённый ненцам, из цикла документальных фильмов «Аудиовизуальная энциклопедия культур России». Проект реализован Федеральным агентством по делам национальностей. Каждый фильм рассказывает об отдельном этносе: его языке, традициях, религии, обрядах, национальной кухне и современной жизни представителей этнокультуры.

А Нина Валейская представила гостям рукопись книги – это летопись ненецкого рода «Пя Вэлли». Условное название её новой работы «Аргиш воспоминаний». В будущей книге автор отражает увиденное, пережитое, услышанное из уст матери и родных.