Вы здесь

Школана’’ со’’яма’ яляхана

Выпускники школы Федор Канев, Владислав Песков и Александр Белугин  с ветераном педагогического труда Розой Канюковой

Илева’ серкана хуркари’’ ӈарка яля’’ тенесеты’’. Тамальӈгана ваеравы серуна таслабсетыва’’ – ханзер’’ илевава’’ мэ’’ӈава’’, ханзер’’ манзаравава’’ миӈась. Тарем’ тюкумэвахана ӈась.

Ӈарка пэвдэй’ ирийна сиднтетимдей толыркана «Арктикам’» нюбета Дворец’ культуры мякана А.П.Пырерка нювм’ нюбета школа си’’ив ю’’ пом’ ядабтаць. Ӈарка ялям’ мэ’’манзь таняна сяхаӈгова тоходанвы’’ хибяри’’, тохолкода’’, воспитатель’’, тены’’ похо’’на манзарана’’ ма’’лэйдаць.
Таня’ товы’’ хибяри’’ пысамбиць, нись’ пунрю няхато’ хонаркуць – школана’’ си’’ив ю’’ пода? Маня’’ ихиняна’’ школава’’ тамна тюку яляха’’на тоходанна’’ ӈацекы’’ то’’олха ӈэдараха’. Пода’ нинараха’’ нядаӈга’’. Ненсянда’ ӈод’’ тарем’ нив’ ӈа’’. Тохолкова’’ по’’ мер’’ нерняри миӈа’’, школа’ ӈани’’ хурка ӈэса тарцяӈэ’ ихиня хаюрӈа. Тарем’ нив ӈэӈгу, школа манзаравамда нерня’ минреда, хусувэй по’ нюдяко ӈацекы’’ тоходанвась турӈа’’, ӈацекы’’ мун’’ ханярина со’’.
Ненэцие’’ школа-интернат историяда’ 1946 поход’ миӈа, тамальӈгана Няръяна маркы’ педучилище’ базовой школаӈэ’ толысь, тикы похона нертей ӈацекы’’ таня тоходанванзь’ тоць. Тарця школа’ выӈгана мюсерта’’ ненэця’’ нюкця’’ тоходанва’’ е’’эмня нэвысь. По’ ваерась округна’’ ӈэсыхыт’ товы’’ ӈацекы’’ танець, семилетней школаӈэ’ хаясь.
Си’’ив ю’’ по’’ ямбан сян’ юд’ мян тыбэртя’’ ӈацекы’’ школа-интернатхана тоходанаць. Ӈока округна’’ ӈэсыхыт товы’’ ӈацекы’’ школам’ ёльцевы’’. Поӈгнандо’ тохолкода’’, врач’’, экономист’’, миртя’’, ученой’’, музыкам’ падбада’’, падтаӈгода’’, спортхана ныхыта’’. Тарця хибяри’’ нюбедо’ ханярина со’’, сиддо’ маня’’ ӈод’’ теневына’’. Тикы Семен Явтысой – ненэцие’’ нертей пилот’, Илья Лаптандер – ученой’, Петр Лаптандер- геолог’, Юрий Выучейской – нейрохирург’, Алексей Выучейской – тиртя’, Майя Ледкова няби Нина Валейской падтаӈгодаха’, Евгения Соболева- хореограф…
Тюкумэвахана школандо’ юбилеян’ товы’’ хибяри’’ ӈокаць. Тикахана тоходанвы’’, манзаравы’’ хибяри’’ невхы подо’ тензебтембиць. Хусувэндо’ хэтувнда вадада танесь. Мядонда’’ поӈгана Роза Ивановна Канюкова – ветеран’ педагогического труда, переводчик, ненэця’’ вадам’ тохолабава е’’эмня литературам’ падбадава. – А.П.Пырерка’ нювм’ нюбета школа-интернатва’’ – маня’’ мя’’ма, таняна мякана мэнархаваць. Мань’ школан’ 1946 похона тодамзь. Евгения Соболева’ ня по’ нинись тоходан’’. Хабуйкоход’ тось хубта нисяв’ ӈа’’, Женя еноларэй. Мань’ ӈани’’ по’ пеля хаӈгурӈадамзь’. Школахана’’ тарця сидяӈг’ тане. Тикахана не’’ ӈацекы’’ ёльце сомбой. Тенебнан’ поӈгандо’ Тася Ардеева, пыда Якутск’ маркана университетхана манзара. Людмила Канюкова Оксинохона илесь, химиям’ пэртя’ тохолкодась. Николай Талеев «Харп» колхоз’ председательӈэ’ таравысь, Елена Выучейская мел’’ сэдоранаӈэ’ хаясь, маркана «Ялумдхана» ӈока по’’ ямбан манзарась. Васса Ноготысая сельсовет’ председательӈэ’ тарась. Сидяӈг’ еркана школана’’ директор’ Авенир Авенирович Торков’, классной руководительӈэ’ таравэва’’ Глафира Ивановна Ковалёва. Тохолкодина’’ школахана иленархаць, иб’ ӈод’’ хусувэндо’ семьяда танесь, нюкцидо’ нюдяць. Директорна’’ табековна мань’ тохолкодаӈэ’ хаядамзь. Илеван’ ямбан тохолкода манзаяв’ пэрӈав’, ивнян’ ӈэда манзаяв’ харвась минрев’.
Тоходанвана’’ мальӈгана сававна илеваць, ӈаркамбой ӈацекы’’ нюдярка нидо’ хусувэй серкана нядабасьтыдо’. Ханяӈэхэ’’на тыбэртя’’ тосьты’’, ты’’ ӈамзам’ тэврасьты’’. Тарця яляха’ маймбасьтыва’’, ӈайбарцетыва’’. Хусувэна’’ харта латакода, харда тенесеты. Ӈайбармана’ мальӈгана хойхана мэнархава’’ ӈэсьтыва’’. Тохолкова по’’ саць саваць, ихинян’ иле’’!
Надежда Алексеевна Канева (Ардеева) Хонгурейхад’ товысь, таняна пыда’ почтандо’ ервотаӈэ’ мале ӈахакуд’ манзара. Тохолкова’ пода маркана ваераць. – Школана со’’яма яля’ – ӈарка яляраха’, ив’ сава, тюкохона тоходанась ня’’амы нин’’ манэ’’ӈадм’, тохолкодин’, воспитателян’, хуний тамна манзара’’.
Классной руководительма’’ Мария Ивановна Антипинась, химия’ тохолкода. Нянана’’ ӈокавна манзарась, хусувэй серкана сава ӈэсьты. Луца вада, литература тохолкодава’’ Анна Яковлевна Ушаковась, хасавада’ Евгений Михайлович черчение, рисование урок’ минресь. Математикам’ пэртя тохолкодахаюна’ манзаямди’ теневадись’ Кондратьева Павла Осиповна, Латышева Анисья Васильевна.
Тоходанась ня’’амы нин’’ ханярина иле’’, сававна манзара’’ – Степан Талеев ӈацекы врач’, Мария Ледкова экономистӈэ’ Харутахана манзара, Тайбарей Михаил – лэвна маторана хасава, Ледков Алексей Нельмин Саляхана семейно-родовой общинам’ пэрӈа, Вылка Александр тыбэртя.


Перевод на русский язык

С юбилеем, родной дом!

В конце прошлой недели во Дворце культуры «Арктика» в торжественной обстановке выпускники разных лет, учителя, воспитатели отметили 70-летний юбилей одной из старейших школ округа – Ненецкой средней школы имени А.П. Пырерки.

– Неужели нашей школе уже семьдесят? – удивлялись некоторые гости праздника. – А нам казалось, что она так же молода, как ее сегодняшние воспитанники, озорные мальчишки и девчонки.
И, наверное, они правы: школа все равно будет оставаться молодой, потому что эти стены наполнятся новыми звонкими голосами.
История Ненецкой школы-интерната ведет свой отсчет с 1946 года, когда базовая ненецкая начальная школа при педучилище Нарьян-Мара приняла первых учеников, и создана она была для детей кочующих оленеводов. Уже через год в семилетнюю школу стали приезжать дети из поселков.
За семь десятилетий здесь обучались десятки детей оленеводов. Школа дала путевку в жизнь сотням выпускников из многих населенных пунктов округа. Среди них учителя и врачи, экономисты и строители, ученые и музыканты, художники и спортсмены, их именами гордятся не только в нашем округе, но и далеко за его пределами. Это Семён Явтысый – первый ненецкий пилот, Прокопий Явтысый – поэт, прозаик, Илья Лаптандер – ученый, Пётр Лаптандер – геолог, Юрий Выучейский – нейрохирург, Алексей Выучейский – строитель, Майя Ледкова и Нина Валейская – художники, Евгения Соболева – хореограф.
На юбилейном вечере было многолюдно, выпускники школы разных лет и преподаватели на какой-то миг окунулись в воспоминания. И каждому было что рассказать.
Среди почетных гостей – Роза Ивановна Канюкова, ветеран педагогического труда, переводчик, автор учебной литературы по ненецкому языку.
– Ненецкая школа-интернат им. А.П. Пырерки – наш родной дом, где было уютно и тепло, как в чуме. Я поступила в школу в 1946 году, – вспоминает Роза Ивановна. – В школе хранится фотография первого выпуска. Девочки в белых фартуках, у всех торжественный вид. Из них помню Тасю Ардееву, она работает в Якутском университете. Людмила Канюкова жила в Оксино, преподавала химию. Николай Талеев был председателем колхоза «Харп», а Елена Выучейская стала прекрасным мастером по пошиву традиционной ненецкой одежды, долгие годы работала в мехпошиве «Ялумд». Васса Ноготысая стала председателем сельсовета. В центре фотографии – наш любимый директор Авенир Авенирович Торков, классным руководителем была Глафира Ивановна Ковалёва. Это люди, которые практически жили в школе, не считаясь с личным временем. А ведь у них были свои семьи, дети. Именно от директора я получила путевку в жизнь, впрочем, как многие выпускники тех лет. Я связала жизнь с педагогикой и сегодня горжусь любимой профессией.
Надежда Алексеевна Канева (Ардеева) приехала на юбилей школы из Хонгурея. Многие годы она работает в родном поселке начальником почтового отделения. И с удовольствием поделилась воспоминаниями:
– Из учителей особенно запомнилась наш классный руководитель Мария Ивановна Антипина, учитель химии. Сколько времени она проводила с нами, сколько тепла мы от нее получили! Из тех, кого хранит память – Анна Яковлевна Ушакова, учитель русского языка и литературы. Ее муж Евгений Михайлович преподавал рисование и черчение. Прекрасные математики Павла Осиповна Кондратьева и Анисья Васильевна Латышева.
В школе-интернате учат не только читать, писать и считать. Самое главное в школе – ее душа. И поэтому выпускники разных лет с такой любовью вспоминают свой интернат, ставший для них родным домом.