Тюку ирий’ маттамдэй толыркана Индига ӈэсы’ культура хардахана манзаидо’ минрена’’ творческой коллектив’’ ӈарка концертадо’ миӈась.

«Харад, ханяна маня’’ илева’’» тарем нюмдевы ма’’лёвадо’ сава сёнзяхана ваерась. Сё’’ мэта’’, тарана’’ хибяри’’ хари’’ паской Тиман’ ямдо’, соя’’ма яндо’ ныхым’ манэ’’лабтамбиць. Хусувэй манзаядо’ нянэювна, сававна хамадавысь.

Ӈэсындо’ артист’’ – хынота’’, тарана’’ минрена серкнандо’ мэбэ’’мамдо’ манэ’’лабтаць, хусувэй манзаян’ сеяндо’ ибам’ паклевадо’, хари’’ ямдо’ мэневадо’’, сертамбада манзаядо’ сёнзяндо’ мюйхад мима’’ сэвхана ӈади.

Яля’ пэвсюмбы пеляхана хибяри’’ ма’’лыць, ӈэсыхындо’ культура харад сцена’ ни’’ нито’ помна тарана’’, сё’’ мэта’’ коллектив’’ тарпурӈаць. Ӈэсыхынандо’ илена’’ нито’ сёю’’ маймбтембиць.

Ӈарка яна’’, илана’’ маймбцо’ нямна ихина сомбой, лимбяка сё’’ вокальной коллектив’ «Селяночка» мэ’’ӈась, «Родные напевы» ансабльхана хынота’’ няхататто’ нидаць хаюр’’, пэдаваць. «Ассорти» нябю «Новое поколение» танцевальной коллектив’ тарана’’, хусувэй тарабцодо’ сававна хамадавысь, паской ембдяродо’ манэ’’лабтаць, таравахандо’ я’’авлыць, «Рассвет Тимана» ӈацекы’’ вокальной коллектив’, хари’’ яндо’ тер’’ сею’’ сомбой сёкоцяханандо’ масабтэйдось, хусувэй хыно’’мамдо’ ихид минредонзь. Концертхана мэвы’’ хибяри’’ маймбась Павел Варницын, Лидия Кызьюрова хусувэй мэмы сём’ саць сававна ядабтамбидонзь.

Ӈарка яля’ вечер’ манзаям’ Лидия, Оксана’ ня минредись, концерт’ мима’’ ямбан ӈобкарт’ хибяри нись тябекут. Пыди’ сырманзь’ товы’’ хибяри’’ няюв лаханакурӈаханзь, сян’ сяс ямбан ихина сомбой вечер’ мимам’ ня’’амбидись.

Индига ӈэсыхы’ культура хардахана ваеравы отчётной концерт’ саць сава ихина ваерась. Таняна мэвы’’ ӈарка хибяри’’, ӈацекы’’ ӈока ихина сомбой сё’’ намдаць, тарабцо’ манэ’’ӈаць; хусувэй манэ’’лабтавы манзаям’ маймбась ядабтамбиць. Тикахад няхато’ ихид’ минда вадидо’ мэ’’ӈаць, сава ихина мякандо’ хаяць.

Тиман’ яхана культура’ хардадо’ нянэювна культура мя’’, тикахана ханярина луца’ вадавна манзь – творческой атмосфера иле, хусувэй тарабцо, хусувэй сё’ – хэбидя яляраха’, таняна манзарана’’ сеюдо’ ӈэсыхынандо’ искусством’ нерня’ минрева’’ е’’эмня нэвы.

По’ ямбан манзаравамдо’ манэ’’лабтаць, по’ ямбан сертавэдо’ тянё ни’’ӈа’’. Концертадо’ нянэй ӈарка яляӈэ ха’’мыць, ӈэсыхынандо’ илена’’ нито’ сею’’ маймбтець. Ӈобкана сававна нылэйдаць.

Ма’’лёвандо’ пуданана культура хардахана манзарана’’ ихид’ минда’’ вадидо’ няхато’ хэтаць.

Перевод на русский язык

Сердцу милый уголок

На днях в посёлке Индига прошёл отчётный концерт творческих коллективов Дома культуры под названием «Дом, в котором мы живём».

В танце и песнях артисты выразили своё отношение к величию и красоте тиманской земли.
Каждый номер стал подтверждением этих слов.

Участники продемонстрировали высокий уровень мастерства, вложили душу. Они обожают родной край и искренне преданы искусству.

На сцену один за другим поднимались яркие коллективы сельского очага культуры.

Вот выходит вокальный коллектив «Селяночка» с лирическими и душевными песнями о Родине и простых радостях жизни. Ансамбль «Родные напевы» подарил зрителям аутентичное звучание народной музыки. Танцевальные коллективы «Ассорти» и «Новое поколение» поразили слаженностью движений, яркими костюмами и зажигающей энергетикой. Детский вокальный коллектив «Рассвет Тимана» тронул сердца чистыми голосами, искренностью исполнения каждого произведения.

Особое внимание зрителей привлекли сольные выступления Павла Варницына и Лидии Кызьюровой, каждый их номер сопровождался бурными аплодисментами.

Ведущие праздничного вечера Лидия и Оксана никому не давали скучать. Привлекали зрителей к разговору, на протяжении всего вечера поддерживали праздничную атмосферу.

Отчётный концерт сельского Дома культуры прошёл на ура.

И взрослые, и дети остались в восторге от ярких номеров, красивых нарядов, талантливых артистов, с восторгом благодарили исполнителей. И это ещё раз доказывает, что ДК – настоящий очаг культуры, здесь царит творческая атмосфера.

Отчётный концерт стал не просто подведением итогов года, но и настоящим праздником души и напоминанием, как важно любить, беречь и развивать культуру малой родины.

Коллектив ДК посёлка Индига поблагодарил всех участников, зрителей и болельщиков за тёплую поддержку и веру в силу творчества!