Вы здесь

Иринана’’ мюсерць ты’’ я

Мань илеван’ ямбан паданава’’ манзаям’ минредм’, округна’’ хусувэй ӈэсыхына мэдамзь, ӈэрм’ явнана’’ мюсерта’’ ненэциена’’ теневадм’. Ханзер’’ пыдо’ сава ихинандо’ хыно’’цеты’’, намдурӈадамзь. Валакада пудана’’ похо’’на’’ нина’’ хыноць харвабцодо’ яӈгу…

Теневава’’, маня’’ ӈарка яханана’’ миллион’’ ты’’ хадырӈа’’, илебця’’ толырто’ ӈани’’ тамбир’. Иб’ ӈод’’ тарця серт’ маймбась таранараха’, маймбцода яӈгу. Ӈарка яханана’’ тыбэртя’’ манзая’ нямна таславы вато’ тенад’ яӈгу.

Ненэця’ ил’ тэхэт’’ пере…

Дмитрий Хороля Союз оленеводов России сямянд’ нертей президент, пыда нян’ тарця вади’’ хэтась: – Тю’’уна ӈамдёда’’ ерв’’ хойхана мюсерта’’, тыбэртя’’ илм’ ехэрадо’, нидо’ хамадабю’’. Тикы’ нид’’ федеральной ватом’ ӈадимдесь я’’мадо’. Тыбэрма ненэця’’ ил’, тэхэт’ мюсерта’’ иле’’. Ты – хорова ни’’ӈа’’, тикым’ хамадабась тара. Пыдо’ тикым’ нидо хамадабю’’. Ты – ненэцяӈгана саць тарана, тэхэт ненэця’ иле. Тэхэ’’на ненэць’ ӈэдалёрӈа’’, ты ембпида, ӈавламбида.
АПК нерня’ тасламбава национальной проектхана тыбэрма’ сер’’ нямна ӈобкарт вада яӈгу. Федеральной вато’ яӈгова’’ нид’’ – тыбэртина’’ ил’ тоена миӈа. Тикым’ ханярина маниева’’.
Тюку по’ мань Оман’ тэворӈадамзь, таняна хойхана мюсерта’’ хибяри’’ лаханась ня’’ӈадамзь. СПК «Восход» няхарамдэй ӈэсыхына Максим Канюков манзара, нисянда’ минревы серм’ нерня минре. Ӈацембой хасава, пода’’ ӈока ни’’ӈа’’. Пухуцяда Надежда, ниди’ Няръяна маркана тоходанаванди’ мальӈгана ховыдинзь. Теда сидя хасава нюкцямди’ вадабихи’. Хойхана мюсерць палаткахана иле’’. Недбямди’ по’ пеля нидись ня’’мбю, ирийхана ня’’марпада есякоди’ тет’’ ёнар’’ – ненэця’’ кочевой есяӈэ нюмдебидо’, округна’’ бюджетхад турта’’ еся’’. Тарем тыбэртина’’ ханярина иле’’.

Иринана’’ манзаям’ минрева’’

Максим Канюков вадавна, ӈэсыхы’’нандо’ мат’’ ёнар’’ тэдо’, сидя ю’’ тыбэртя’’ пэръядо’, хойхана мяд’ манзараям’ минренаӈэ сидя ю’’ не’’ манзара’’.
– Манзараванзь’ хоян’ тобнан мань 16 повась, – ӈацембой хасава тарця вади’’ хэтась лаханавамда пядась. – По’ манзарадамзь, тикаха март’ тоходанавась хаядамзь, агроэкономической техникумхана тикы по’ тыбэртя манзаян’ тохолабиць. Теда хойхана манзарась, палаткаха’’на илева’’. Ӈарка хасава нюв’ няхарамдэй классхана тоходана, ебцотани’ си’’ив пода. Омахана тоходанаӈаха’, интернатхана илеӈаха’. Таняна илесь, хой’ нямна тябекутасетыхы’, хэвханани’ илен’ харвасетыхы. Тоходанась таравам’ хамадабиди’. Ханзер’’ нюкцини’ илеӈаха, тоходанаӈаха телефонувна лаханась хонрабсетыни’. Оман’ мани’ ӈод’’ тэворцетыни’. Хар’’ни хардами яӈгу, нябакон’ харадхана нусетыни’. Мядм’ ся’’ня нямӈгува’’ теда ехэрадм’, очередьхана нува’’. Хари’’ мят’ харванава’’ тыбэртя’’ поӈгана ӈока.
Бригадир’’ма Аркадий Геннадьевич Ванюта ӈахэт манзара, манзаямда теневана, ӈоб’’ мяци.
СПК «Восход» тыбэртя илевамдо’ незелӈэ’ нир’’ нюмдеӈгу, тоена иле’’. Недбидо’ по’ пеля нидось ня’’мабю’’. Ся’’ня ня’’мӈгудо’, сян’ есям недво’’мы хибяхарт ехэра. Тарем ӈэбнанда’ ӈод’’ тыбэртя манзара, ӈэвамда нида’ хаврамбю’’. Сямянд’ нядаӈгодада неда Надежда хэвхананда мюсерӈа, нюкцида вадюдана’’.
– Паӈгун’ тыбэртяхат пере’’, – ванерабтёсь Максим вадамда нерня’ минреда. – Ю’’ няв’’, пелядо’ нисяна’’, небяна’’ минревы серм’ тасламби’’, хойхана мюсерць иле’’, тыбэрӈа’’. Мань’ ӈод’’ пили’’ хойхана манзарагудм’. Иринана’’, хадунана’’ хаевы’’ сер’’ нерня илева’’ е’’эмня.
Канюковм’ тэнз’ минрена’’ ненэця’’ харто’ манзаидо’ теневана’’, харто’ ямдо’ мэнена’’, нянэй ненэця’’ илм’ ватом’ тасламбада’’. Тарем илена’’ мяд’ тер’’ хойхана мюсерць илевам’ ня’’мби’’, тарця ил’ нерня танева’’ нядандо’ пере’’.
– Тэси’’ ӈэрм’ яхана ил’ яӈгуда, – тарця вади’’ Максим лаханавани’ пуданана хэтась. – Ненэця’’, ты’’ ниня тярпада’’.
Тарем хэтвы’’ вада’’ нямна ӈамгэм хэтаӈгум’? Тэкоцина’’ хусувэй хибярина’’ ихина иле’’, тыбэртина’’ сейм’ маймбтембада’’, илм’ ня’’мбада’’!
Ӈарка ненэця’’ масеты’’: – Тэхэд’ тоходанась тара. Ты’’ хусувэй ӈамгэмда хибярин’ мипида! Ненасянда’ ӈод’’ тарця нив’ ӈа’’. Ты’’ – илма’’.


Перевод на русский язык

Земля отчих пастбищ

Я всю жизнь проработала журналистом, бывала во всех посёлках нашего округа, знаю многих оленеводов северных территорий. Слышала, какие песни они исполняют. Только в последние годы им что-то не очень хочется петь…

Как известно, на российских просторах выпасается миллион домашних оленей, и диких насчитывается примерно столько же. Нам бы гордиться, а особо и нечем, ведь в нашей стране закона об оленеводстве как не было, так и нет.

Олень для ненца – всё…
Первый президент Союза оленеводов России Дмитрий Хороля рассказывал автору этих строк, что интересы тундровиков на федеральном уровне ущемляются прежде всего по причине некомпетентности чиновников.
– Они ставят оленеводство на один уровень с животноводством, – сетовал Дмитрий Оттович. – Им и в голову не приходит, что это не столько отрасль сельского хозяйства, сколько этносодержащая сторона жизни северных аборигенов. Олень для нас – всё: пища, транспорт, одежда, обувь, смысл существования.
В национальном проекте развития АПК об оленеводстве вообще нет ни слова. Результат отсутствия федерального закона – почти нищенское существование самих оленеводов. За примером далеко ходить не надо. Будучи в командировке в Оме, я встречалась как с ветеранами отрасли, так и с молодыми. В третьей оленеводческой бригаде СПК «Восход» Максим Канюков продолжает дело отца. Он молод, ему нет ещё и тридцати. С женой Надеждой познакомился в Нарьян-Маре, во время учёбы в техникуме. Супруги воспитывают двоих сыновей. Своего дома, кроме тундровой палатки, у них пока нет. Заработную плату в полном объёме семья не получает уже несколько месяцев, как и остальные члены бригады. Семейный доход – четыре тысячи рублей. Это так называемые кочевые деньги, которые ежемесячно поступают из окружного бюджета. И такая сложилась картина во многих оленеводческих хозяйствах.

Дело моих предков
По словам Максима Канюкова, в их хозяйстве около шести тысяч оленей, 20 пастухов и столько же чумработниц.
– В бригаду я пришёл, когда мне было 16 лет, – рассказывает молодой человек. – Год отработал, потом учился в НАЭТе на курсах оленеводов. Живём семьями в палатках. Старший сын – третьеклассник. Младшему исполнилось семь лет. Учатся в омской школе, живут в интернате. Скучают по тундре, хотели бы быть с родителями, но учёба – это главное. Звоним им, узнаём, как учатся. В Ому обычно приезжаем зимой, плохо, что дома своего нет, поэтому живём у сестры. Стоим в очереди на жильё, сколько ещё ждать, пока неизвестно. Желающих много.
Наш бригадир – Аркадий Геннадьевич Ванюта. Он давно работает, знает своё дело, вот только жилья у него нет.
Максиму Канюкову, как и многим оленеводам СПК «Восход», жить нелегко. Учитывая, что зарплату они не получали полгода. И неизвестно, когда получат и в каком размере. Но глава семьи не отчаивается. Его труды и заботы разделяет первая помощница – жена Надежда, подрастают и сыновья.
– Я из династии оленеводов, – улыбается Максим. – Из десяти моих сестёр и братьев половина продолжает дело родителей, занимается выпасом оленей. Оленеводство – это дело моих предков.
Все члены семьи Канюковых – непревзойдённые знатоки традиционного хозяйства ненцев и наследники духовной культуры. На таких семьях и держится жизнь в тундре.
– Без оленей нет жизни на Севере, – сказал мне на прощание Максим. – Ненец и олень неразделимы.
И с этим утверждением не поспоришь. Вот они, темноглазые, ветвисторогие, несутся лавиной и копытами словно колотят прямо в сердце! Ветераны говорят: «Учись жить у оленя, быть чистым, благородным и свободным. Он всё отдаёт людям». Как гласит старинная поговорка: «У кочевника и оленя – одна душа».