Вы здесь

Лэхэт мадавы’’ манзая’’

«Обретая мастерство» тарем’ нюмдевы выставка’ центр декоративно-прикладного творчества мякана нябимдей ирий’ миӈа, тюку ирий’ пудана толыр’’ ӈэсонд’ манзаравнда. «Сэр’’ лы» клубхана лэвна маторась хибяри’’ ма’’люрӈа’’. Лэвна’ маторава серм’ тохоламби’’, хурка манзаи лэхэд сертась серо’’ӈа тикым’ тасламби’’.

Ӈэрм’ тэнз’ ненэця’’ лэвна, пявна пили’’ маторасеты’’. Невхы похо’’на мято’ е’’эмня тарана ӈаворидамдо’ нина’’ лавкахад нисьты тэмдамбю. Хусувэй таранадамдо’ пяхад сертабасеты’’, лэхэд мадабасеты’’. Теда’ тарем’ ни’’ӈа’’. Лэхэд хибяри’’ хуркари’’паской манзаи’’ мадаби’’. Тарця серкана мэбета ненэця’’ ӈокамдана, сава падтаӈгодаӈэ Виктор Ядне (Ямалкад), Гаврил Постников (Якутияхад) нюмдембива’’. Мел’’ ненэця’’ поӈгнандо’ нидо’ «теневанаӈэ» нюмдембидо’.
Тикы’ сидя хасава маня’’ округна’’ еркы март’ турӈаханзь, лэвна маторась харвана хибяри поӈгана мастер-классм’ манэ’’лабтабихинзь. Пыди’ мядонзэйӈэ харти’ манзаиди’ хаевэхэнзь. Теда’ минда выставкахана тикы’ манзаи’’ манэ’’лабтамбидо’. Таня’ товы хибяри манэ’’тыдо’.
Центр’ ДПТ мякана манзарана не Маргарита Латышева тарця вади’’ хэтась: – « Cэр’’ лэм’» нюбета клубва’’ сидя поӈэ’ хая, ханзер’’ тюкохона манзара. Тарем’ ӈод’’ турта хибяридо’ тянё ни’’ӈа, маркана илена’’ хибяри’’ тюкон’ ма’’люрӈа’’, ханяӈы лэвна маторава серм’ харвабта, манзаи’’ сертабаван’ харва’’. Тарця хибяри’’ тандая манзаямдо’ торомдаби’’, тоходана’’. Тарем’ ӈэбнанда’ ӈод’’ мадабада манзаидо’ сомбой. Нябимдей выставкамдо’ ханяна сертавы’’ манзаидо’ манэ’’лабтамби’’. Хусувэндо’ харта ватода, манзаидо’ сян’ тенз’’.
Центр ДПТ хардахана манзарана Маргарита Латышева тарця вади’’ хэтась: – «Сэр’’ лы» клуб нись’ ӈахакуна ӈадимы, сидя пода. Тикахана лэвна маторана’’ хибяри’’ ма’’люрӈа’’. Хибяри’’, ханяӈы лэвна манзарась яӈга тоходанавы’’ ни’’ӈа’’. Пыдо’ Нумӈгад теневавадо’ миӈа, и’’ӈуто хибяри’’. – Поӈгнандо’ Руден Рубцов, мел’’ ненэцяӈэ нюмдеӈгув’, Снопахад товы. Маркана ненэцие’ школа-интернат’ ёльцевы, зооветтехникумхана тоходанась. Тохолавы манзаядамда хось я’’мась, теда’ манзарась мэта харданана’’ ераӈгодаӈэ тара. Лэвна маторась тоходана, манзаяида сававна ӈадиберӈа. Пыда’ хавнанда выставкахана Максим Тарасов, Безумов Дмитрий, Алексея Барышев, Виталий Николаев, Филиппова Мария, пыда хасава нюнда Виктор, лэвна маторана клуб манзаям’ нерня’ минрена Татьяна Адаменко манзаи’’ таняна хоӈгуда’’.


Перевод на русский язык

Необычное – в обычном

Вторая выставка любителей-косторезов «Обретая мастерство» открылась в эти дни в центре декоративно-прикладного творчества и продлится до конца февраля. Она знакомит горожан с косторезным искусством, рассказывает об особенностях его зарождения и представляет оригинальные произведения, выполненные участниками клуба «Белая кость».

Искусство резьбы по кости и дереву широко развито среди малочисленных народов Крайнего Севера. В прошлом оно носило бытовой характер. Но со временем расширялись культурные связи народов Севера, что принесло свои плоды. Появилась плеяда талантливых художников. Среди них – Виктор Ядне (Ямал) и Гаврил Постников (Якутия). В народе их называют «Теневана», что в переводе с ненецкого означает мастер.
В разные годы Виктор и Гаврил побывали в столице Ненецкого округа и проводили мастер-классы резьбы по кости, некоторые из своих скульптур художники преподнесли в дар ненецкому центру декоративно-прикладного творчества. Посетители выставки смогут увидеть их работы. А я лишь замечу, что северяне скупы на слова, поэтому столь пластичны, образны работы Мастеров, каждая повествует о жизни и быте северян…
Как рассказала специалист центра Маргарита Латышева, клуб «Белая кость» молод, ему два года. Он объединил любителей косторезного промысла. Никто из них не имеет специального образования, но владеет, как подчеркнула Маргарита Егоровна, великолепным художественным даром от Бога.
– К примеру, Руден Рубцов – мастер резьбы по кости. Родом из Снопы. Окончил ненецкую школу-интернат, поступил в аграрно-экономический техникум, – рассказывает сотрудник центра. – По профессии устроиться не получилось, при нашем центре работает сторожем. Приобрел в Санкт-Петербурге станок и самостоятельно занимается резьбой по кости. Его подсвечники, различные брелоки, подвески, серьги, кольца вызывают восхищение не только у женщин.
На выставке также представлены работы Максима Тарасова, Дмитрия Безумова, Алексея Барышева, Марии Филипповой и ее сына Виктора, руководителя клуба косторезов Татьяны Адаменко. Также можно посмотреть фотографии Антона Тайбарея и Матвея Чупрова.