Наталья Рочева Хонгурей’ ӈэсыхы почтахана ервотаӈэ манзара.
Пыда округханана’’ ваеравы «Земский почтальон» конкурсхана нерня’ тарпыць.
Наталья Григорьевна почтахана мале’ самляӈг’ яӈганяхад вата по’’ ямбан манзара. Манзаямда ивъер’ пэрта, хусувэй ӈамгэмда сававна сертабада. Харта ӈэсында’ хавна тамна почтам’ Каменкан’ тэво’’лабсеты. По’ ямбан таня хибярихи’’на’’ тарана ӈавори’’ тэврабсеты. Ӈэсыхына илена’’ хибяри’’ нянда’ ена’’, ӈатесетыдо, манзараванда’ нямна сава вади’’ хэтбасеты’’. Ӈока по’’ манзараванда’ е’’эмня ведомственной наградыда’ тане.
– Наталья Григоревна, манзаямда теневана не, ӈопой яхана Хонгурейхана 15 по’ манзарава’’ ӈокам’ ваде’’ӈа. Манзаямда мэнена, ӈэсы’ тер’’ нянда пунры’’, – тарця вади’’ маня’’ яханана’’ «Российское село» партпроект’ координатор’ Наталья Кардашова хэтась.
Тюку яля’’ пиркана округханана’’ илена’’ хибяри’’ нямдо’ нядась мян’’ӈадо. Ты’’ ирий’ тетимдей яляхад 25 толыр’’ ӈэсонд’ онлайн – народной голосование’, ВКонтактхана «Почта России» страницахана миӈа.
Наталья Рочева Ненэцие’ автономной округва’’ конкурс’ федеральной этапхана тюку ирий’ 25-26 яляхана Москва’ маркана манэ’’лабтамбаӈгуда.
«НВ» справка
Тюку по’ «Земский почтальон» конкурсан’ маня’’ ӈарка яна’’ 87 регионхат няхар’’ ёнаркад вата хибяри’’ тарпыдаць. Тикы «Российское село» нюбета’ федеральной партпроект’, «Почта России», Минсельхоз’, РФ Минцифра, связьхана манзарана’’ профсоюз’ ня ӈобнзер хамадавы проект’.
Конкурсхана нерня’ тарпвыдо’ тюку ирий’ 26 яляхана Москва маркана ма’’лаӈгудо. Тамальӈгана «Россия» национальной центрхана ӈэсыхына манзарана’’ форум’ ваераӈгу.
Перевод на русский язык
Земский почтальон из НАО
Начальник почтового отделения из Хонгурея Наталья Рочева стала победителем регионального этапа Всероссийского конкурса «Земский почтальон».
Наталья Григорьевна работает в «Почте России» более 15 лет. Её отличает высокая ответственность и неравнодушие. Также она обслуживает население деревни Каменки. Круглогодично на своём транспорте она доставляет туда не только корреспонденцию, но и товары, лекарства для пожилых людей. Земляки доверяют нашей героине, с большой теплотой отзываются о её работе. Многолетний труд женщины отмечен ведомственными наградами.
– Наталья Григорьевна Рочева – пример преданности своему делу, 15 лет работы в Хонгурее говорят о высоком доверии жителей и её глубокой любви к своей профессии, – отметила региональный координатор партпроекта «Российское село» Наталья Кардакова.
В эти дни жители НАО могут отдать голос за землячку. Народное голосование проходит на странице «Почты России» ВКонтакте до 25 мая.
Наталья Рочева представит Ненецкий автономный округ на федеральном этапе конкурса. Финальные испытания пройдут в Москве 25–26 мая.
Справка «НВ»
На конкурс «Земский почтальон – 2026» поступило более 3000 заявок из 87 регионов страны. Он проводится в рамках федерального партпроекта «Российское село» при поддержке «Почты России», Минсельхоза, Минцифры РФ и профсоюза работников связи России. Церемония награждения победителей состоится 26 мая в национальном центре «Россия» в рамках Форума тружеников села.
