Тюку по’ театрм’ манзаям’ нерня минрена Серафима Петровна Дуркина харта нянда со’’яма ялян’ нись’ ерив. Ныланавась’ хэванда нерцю редакцияхана тюӈгась. Пыда харта сава не нянда со’’яма ялян’ тарця вади’’ падвысь.

Няв, сава няв, няндэй лаханамэй,

Едэй по’ товы тецьдов сывэй

Пырерка мякна соявэнэй.

Илевани’ ямбанэй ирсу яданей.

Вы якоцявна ңобкана мюсерпэней.

Тоходанабни’ ңока школа манэ»пэней.

Тохолкода манзаям’ тэранисей.

Урокха тохолкодаңэ те»над тюңганэй.

Тохолавы ңацекыдэй ситэй тенеңэй.

Ненэй артистанэй, мелмана сянакунэй.

Илебц театран сехэрым нисьтырэй юрэй.

Хаданд хэтвы» вадакоңэй театрава сертамбидов.

Падвы вадид ңобнзер» маня» толамбинов.

Нини’ сахарамба» тарем’ ңахат иленей.

Ёнекода, нямбара няв, хибяри» нянд’ ентыңэй.

Тяхаринда пондан илёв, ситэй едя нёёв хомбёв.

Таславы сехэрыд ңоб» нерня ентёёв.

Хасавар, не’ нюр, не’нюнд ню» сит мэнеңаёв,

сахарамбаёв!