Вы здесь

Надежда Выучейской’ падтаӈгодава’’

Санкт-Петербург маркана Союз художников хардахана падтаӈгода няна’’ Надежда Выучейской выставка манзара, «Заполярная пастель» нюмдевы.

Ненэцие падтаӈгодава’’ маля няхар’’ юкад вата по’’ ямбан сидна’’ сертабада манзаяха’’ната’’ маймбтемби.
Харта соя’’ма ямда мэневамда хусувэй падвы манзаяхананда манэ’’лабтамбида, выӈгы яна’’ хибярим’ манэ’’лабтамби.
… Мань ӈахэт Надежда Выучейскойм’ теневав, мэкад, и’’ӈута некоця. Сяхаӈгова тарем’ мась, падтаӈгова е’’эмня манзаида пюрманда мальӈгана – сёнзянда мюй латаркаӈэ хан’’ӈа’’.
– Мань теневам’, хурка я’ ниня соядамзь. Сими’ тюкохона илеван’ ямбан ядабтабада, нерня’ пэртя: и’’, ӈамдэд, тир’’, хибяри’’, пыдо’ лаханакудо’. Мал тикы ныхыдами’ манзараван’ е’’эмня тамби, тикахад’ ныхыдув’ нэкалпидм’, – тарця вади’’ Надежда хэтась.
Тамна нерня хэтаӈгуда:
– Падтаӈгода Панков 1942 похона сайнормахана нивы ӈэбнанда яӈгув’, мань сими’ тохолабдаӈэ харвабнанда хантась. Хэвханда харвась тоходаӈгудамзь.
Теда пад-таӈгода нява’’ Тыко Вылка пявы серм’ нерня минреда, тикы ненэць тоходанавы ӈэвы’’ ӈэбнанда ӈарка падтаӈгодаӈэ’ хантась. Пыда манзаида теда музейхана лэтбада’’. Пыда пявы серта нерня иле. Тены’’ похо’’на илена падтаӈгода нерня минредо’.
Надежда Выучейской – ӈахэт маля мэбета падтаӈгода, мел’’мана сертавы манзаида тянё’’ ни’’ӈа’’. Тамна тандая падтаӈго пябнанда пыда манзаита’ е’’эмня ӈока сава вади’’ мэбета хибярихи’ Юрий Брехов няби Юрий Иваненко хэтӈаханзь.
Пыди’ вадиди’ саць ныхыта вадаць, тикы’ пуд Надежда Выучейской Союз художников России ня’’амадонзь. Сёнзя’ мюд миндя ихинанда падвы манзаида сита таня тэвраць.
Тюку мэвахана хамадавы выставкан’ падтаӈгодана ӈока манзая’’ тэвравы’’. Ханяӈы манзаяха’’ната ненэцие’ фольклорм’, эпос’ манэ’’лабтамби. Ханзер’’ тикым маниевада падарт масибтембаваханда ӈади. Фольклор, ненэця’ мадавы’’ ихинянда иле’’. Нянэй не ӈэвада Надежда Выучейской хусувэй падвы манзаяха’’на маниева’’. Пыда ханзер’’ падна, илм’ тарем’ маниеда. Ӈопой манзаяда тарця. Хой ненэця илм’ манэ’’лабтамби. То’ икана халядана ненэць ӈанокоця ӈади, нямзейда мярванзь ятна. То’ вархана мядекоцяда ӈамдтавы, таняхад тандая ненэць тарпы, ӈудамда тю’’у и’’илась, ёртя няханда тёренась ӈамгахэвам хэтамби.
Теда по’’ ваерась, не падтаӈгодава’’ манзаямда сававна теневана. Пыда выӈгы янда’ хусувэй падвы манзаяха’’нанда манэ’’лабтамбада, хойхана илена’’ ӈавори – хабэвко, ябто, нохо, илеки маниева’’. Оленихи… суюконда сырць мандараха’ – нён парумбю, ямдава’ пуд нылась тара, тикахад нерня ӈэдалаӈгуна’’. Тикы’ поӈгана нерня сырта пэдёй тыбэртя сяд’ маниева’’, пыда’ ӈод’’ ӈока ям’ мадась пэдёй, нерня мюсева’’ нерде нылабнанда тара.
– Илева’’ сер’ ӈамгэм юрхалӈава’’, юрава’’, тикым теда иленаха’ тэвраван’ харвадм’. Падвы манзаяха’’нан манэ’’лабтабась. Ненэцяӈэ’ ӈани’’ хибярихит’ ханзер’’ яӈгава’’, маня’’ искусствова’’ хурка, – Надежда тарем’ лахана. – Маня’’ ӈэрм’ яханана’’ и’’ лохортако токоцяд миӈа, тирцяда нум’ яляком маниева’’, ӈарка яха’ вар’’ пирцяко, пэдаракоцина’’ паль ни’’ӈа’’. Тарцям’ ехэрана’’ – ӈэрм’ ям’ ехэра’’. Маня’’ ява’’ яля, паской, мань’ е’’эмнян пили’’ хаярэкораха’.
Надежда манзаи’’ маниесь, хоян’ тэвнархан ӈэдарахан. Хой’ илм’ ехэранана’’ ӈод’’ тарця – хойхана мэнарахан ӈэдарахан. Ядембада хаяр маниесь тарця ӈэдараха’, теда хой сыра’’ юӈгу’’, хой’ ява’’ явдарев и’’ӈэ ханта. Саракоця ид’ мунзюпой лахаця’ ни’’ ха’’мурӈа’’, тыбэртя’’ ямдавась хамяку’’… Тарця падтавы манзаям’ маниесь ихиня лимбяка. Хусувэй хойхана соявы, вадювы хибяри харта яханда мэна’’ то’’олха’ ӈэдараха. Ӈэрм’ яхад ябарка, саварка я’ яӈгудараха’.


Перевод на русский язык

Цвета и линии Надежды Выучейской

В Санкт-Петербургском Союзе художников с большим успехом проходит выставка Надежды Выучейской «Заполярная пастель».

Уже три десятка лет радует нас своими полотнами ненецкая художница.
Работы мастера проникнуты любовью к родной земле и чувством неразрывности человека и тундры.
Я давно знаю Надежду Выучейскую, знаю как интересно мыслящую личность. Однажды она призналась, что цель ее художественных поисков – растущая душа.
– Я знаю, на какой земле родилась. То, что встретило меня в этой жизни, стало источником любви: вода, трава, облака, люди и их сказки. Это основа, на которую можно опереться в творчестве, – говорит Надежда.
А далее она скажет:
– Если бы Панков не погиб в 1942 году на фронте, я могла бы стать его ученицей.
В этих словах не только дань уважения известному северному художнику. Не только тоска по наставнику, а еще ощущение неразрывной художественной традиции, начало которой положил замечательный ненецкий живописец Тыко Вылка.
Надежда Выучейская – давно уважаемый мастер, ее сразу и безоговорочно признали и поддержали могучие авторитеты Юрий Брехов и Юрий Иваненко.
Их рекомендации были столь весомы, что без всяких полагающихся мытарств (имея за плечами только Ленинградский пединститут) – Надежда была принята в Союз художников России. Потому что у нее было главное – ее уникальные произведения.
На этой выставке представлено много работ из циклов «Ненецкий эпос» и «Самодийский эпос».
Свой интерес к сказке художница объясняет возможностью эту сказку самой себе представить, увидеть ее по-своему. Фольклор, национальные орнаменты, громадное наследие ненцев– это ее истоки. Без них не было бы самобытности, уникальности многих работ Надежды Выучейской. И этот мир она видит именно так. Вот одна из ее работ. Озеро застыло, зеркально отражая незаходящее полярное солнце. Вдалеке фигура рыбака, он ставит сети неподалеку от берега. Летний чум примостился у самой воды, из него вышел человек, руку поднял, словно кричит что-то рыбаку.
С большим мастерством, скорее врожденным, нежели приобретенным, художница рисует животный мир тундры – куропаток, гусей, песцов, волков. Олениха скосила глаз на теленка – не торопи, мол, надо отдохнуть, найти сочный ягель, а уж потом снова в дальний путь. А над всем этим – уставшее лицо пастуха, его внимательные глаза, открыто принимающие ваш взгляд.
– Я хочу восстановить забытое, утраченное, напомнить землякам, что и у них есть свое, самобытное, не менее ценное, чем европейское, искусство, – поясняет Надежда. – Тот, кто рисует свинцовые воды, тяжелое небо, пасмурные берега, хмурые леса – Севера не видел, а если и видел – то не понял. Север светел, ярок, для меня он солнечный.
По картинам художницы можно представить жизнь в тундре, даже не побывав в ней. Вот солнце плывет, пылает нестерпимо жарким огнем, и кажется, что растопит снега, превратив тундру в море. Тоненько поют сети под пронзительным холодным ветром; летний дождь простучал по кочкам и озерам; готовятся к кочевке оленеводы. Мотивы ее произведений просты, но отчего-то при виде работ щемит сердце, охватывает нежность к Северу. Время замирает в этих картинах, и зритель думает: «Так было всегда».
Реки детства уносят нас к истоку, заставляют говорить о своих корнях. Горизонт малой родины всегда невелик, но в нем есть все, чтобы понять необъятность земли. Вдаль уносит нас река жизни.