Ся’’ня ӈэбта ӈод’’, я’ сяр’ ниня ӈопой вэсако илевы. Пыда няхар’’ нюда ӈэвы. Илевандо’ ямбан’ ханедам’ пэрӈа’’, халям’ хадаби’’. Хуркаси’’ – хараси’’ тарем’ иле’’. Вэсакохоют нюди’ ӈарма’’. Вада’ сайр’’ малда ямбава.

Ӈобаӈгуна вэсакор пухуцяханда манзь ханада:

– Пухуця’, теда’ нюни’ ӈарма’’нё’’. Ӈарво’’махадандо’ хусувэдо’ харта сехэрым’ илаӈгана нив’ мэт’’. Тикы’ е’’эмня, мань тюку’ яля’ нюху’’ни ӈопой хобцоком’ хэтаӈгудм’ ханяӈэндо’ инда ӈу’’ таняри.

Вэсакор тарця вадита пуд нюта няна хая. Няхар’’ хасава нюда ӈобкана мэвы’’. Хусувэдо’ харта инда сер’ манзаравы. Ӈаркадо’ мирӈа, нюдядо’ есьта, ёнэйдо’ ядэрӈа. Вэсакор нюхута сырӈа.Нюда мал’ манзара’’, хусувэдо’ харта ӈамгэмда сертамби. Ида ядэлы’’. Пон’ нись мы’’ нюхута тёрей’’:

– Хасава нюӈэ, таляӈгахарӈада’’!

Няхар’’ хасава нюда харто’ помнандо’ няхато’ сылыд’’. Нисяхандо’ ялъяд’’. Хусувэндо’ ида ядэрӈа. Ӈобт’ ӈамдыд’’. Вэссако сябярте’’мя ӈудахата ма’’ла. Ӈаво’’ пирка’’на пэвдёком’ хо, нюхута вахалъй’’:

Хасав нюӈэ, пыдара’’ няхала’’, ӈопой вадами нянда таня. Ханяӈэра’’ мань хобцакоми хорида. Теканда’’ инда ӈу’’ танява.

Тикы вадита пуд пэвдёком’ харахананда сян ян’ лядӈада. Нюхута ма’’нив’:

– Пэвдёком’ лядӈаванё’’, сырӈада’’ма. Теда’ пыдара’’ мардэйда’’. Ӈопой нёда’’ паромбю’’. Неры мэ’’мы вадини нёда’’ юр’’.

Ӈарка нюда пя’ таесм’ ня’’мада ермнянда маляда. Тикы’ пуд ерь хасава нюда няханда сыраць ӈани’ маляда. Ёнэй хасава нюда пя таесм’ пон’ ня’’амбида, ида ядэртакы, нисянда вади сабе сававна тас’’ла я’’мыда. Ня’’амбавы пямда ӈани’ ермнанда маляда. Вэсако хасава нюта сяк’’ сылы’’. Пон’ нись мы’’ манзь ханада: – Тедари’ пыдара’’ илам’ сабе сававна манэ’’мадавэра’’. Хобцякони хара сабе ӈаркахав нись’ ӈа’’. Мадамзянё’’, иӈу’’ тара. Пэвдё’ таесм’ мал’ мардара’’нё’’. Теда’ тюку пэвдём’ неренда’ тотрев’ маляда’’.

Таминда пэвдём’ ӈарка нюхунда ми’’ӈада. Ӈарка хасава нюда ня’’мада, маля я’’мада. Таддикахад нюдя нюхунда ми’’ӈада. Няби ӈод’’ пэвдём’ сян малиба пясетыда ӈоб’’ я’’мада. Нюдя нюхунда ми’’ӈада ми’’ӈада. Ёнэй хасава нюда сян’ малибабта ӈод’’ ӈобтарем’ вырада. Вэсакор пэвдём’ нюхутата ханада. Идя ядэрӈа, манзь ханада:

– Илаӈгана ня’ танява сава ханя ӈа’’. Ӈадьбято’ ӈарка ненэця’’ манзеты’’:

«Ляда’’мы пэвдё мардамбаб’’ нензел’’. Наӈэдя пэвдём’ маля я’’маӈгур». Нер’ мадамзянё’’, иӈу’’ тара. Хобцокор ма’’нив’, тикар ила’ табеко. Сяхари няр ӈэбата ӈод’’, нид нёд юрыбю’’. Сяхэ’ яляхана нид сит нядаӈгу’’. Ӈопориӈэ ӈамгэхэрт серм’ нин сертаӈгу’’. Ӈокахаваӈэ мэбет’’ нидам’’. Ӈопой иӈу – иӈу вуни ӈа’’. Ӈока иӈудм’ мэць ханяӈэхэна нямдо’ пуняку’ таб’’лаӈгу’’. Вэсэймы ненэця’ иӈут инзеле серо’’ӈа. Пыдара’’ ӈод’ ӈобанзер’ илебта’’ вадара’’минта. Пэртя манзаяра сяхаринда минаць минда. Хибяхарт нянда’’ вадам’ ни мэт’’, ни лаханаӈгу’’. Вадмбой’ илебата’’ харта’’ помнанда’’ поёмбаба’’нянда’’ пя’ таес’ тотрев’ хибяри’’ сидада’’ мардаӈгу’’. Текада илаӈгана ӈули’’ та’ ед’ ни ӈа’’. Харта’’ таслахарӈара’’. Мань табекоми сабе вэва ни ӈа’’. Мале илаӈгана манэ’’мэми. Ирината’’ табеко тамна тяха’ тенебата’’ сава.

Та’ малда.

Перевод на русский язык

Завет старика

Когда-то давно жил на земле один старик. У него было три сына.

Всю жизнь они ходили на охоту, ловили рыбу. Без всяких происшествий жили. Так и выросли дети.

Однажды старик говорит старухе:

– Старуха, дети ведь наши подросли. Скоро они пойдут каждый по своему жизненному пути. А потому хочу загадать им одну загадку и выяснить, кто из них окажется умнее.

После этих слов дед пошёл к детям. Каждый из них выполнял свою работу. Старший строил, младший строгал, средний тоже чем-то был занят, в общем, каждый делал то, что ему по душе. Посмотрел дед на них, подумал и крикнул:

– Дети мои, подойдите-ка ко мне!

Три сына посмотрели друг на друга, призадумались и направились к отцу. Все сели рядом. Старик собрал руками щепки. Через некоторое время нашёл полено и говорит:

– Сыновья мои, вас трое, у меня есть одно слово. Кто разгадает мою загадку, тот умный.

После этих слов расколол ножом полено на несколько частей и говорит:

– Смотрите, я расколол полено. А вы теперь разломите. Только не торопитесь. Не забывайте те слова, которые вам раньше сказал.

Старший сын взял один кусок полена, разломил посередине. После этого младший сын, глядя на старшего, тоже разломил пополам. Средний сын долго держал в руках щепку. Крепко призадумался над смыслом отцовских слов, но тоже разломил посередине.

Старик посмотрел на лица сыновей и через некоторое время сказал:

– Пока что вы не представляете, какие сложности бывают в жизни. Смысл моей загадки не так уж и сложен. Сказал же я вам, что нужен ум. Вы все куски разломили. А теперь разломите это полено так же, как те.

Затем он отдал полено старшему сыну. Тот взял его, но разломить не может.

Младший сын тоже не смог. Среднему отдал. Сколько он ни старался разломить полено – ничего не получилось. Старик забрал полено у сыновей и сказал:

– В жизни хорошо, когда есть друзья. Поэтому старшее поколение обычно говорит: «Расколотое полено легко разломать». Целое же полено сломать не сможешь. Я же говорил раньше, что нужен ум. Загадка – это наказ, как жить. Сколько бы ни было у тебя друзей, не забывай их. В трудный день они помогут тебе. Один ты не сможешь сделать никакое дело. Все вместе вы сильны. А один ум – это не ум. Живя дружно, всегда можно предостеречь друг друга от беды. Нужно прислушиваться к советам старших. Если будете жить вместе, слово ваше тоже будет иметь силу. Работа всегда будет спориться. Никто не станет вас обижать, слова плохого не скажет. Если будете жить по отдельности, ссориться между собой, сломают люди вас, как щепки. Сами подумайте. Мой совет не так уж плох. В своей жизни я это уже видел. Наказы своих дедов надо помнить и передавать потомкам.

Ненецкая сказка Нейко Янгасова