Тюку яля’ нертей тиртя ӈаном’ минрена ненэця’ Явтысый Семён Николаевич соя’’ма яля, сидндет ю’’ самляӈг пода пангусь.
Тиртя ӈаном’ манзаята няна’’ илда’ хэбицясь, валакада няхар ю’’ сидя по’’ нянда еримыць. Тарем’ ӈод’’ пыда ӈока ӈамгэм’ сертавысь. Семён Явтысой ил’ хаерёда ӈумгы тотрев ваерась, хуркари’’ сер’’ илӈгананда таневыць, мэнена манзаямда тохолась, нелеяць, не нюда, хасава нюда сояӈаханзь, харвась манзарась, янда’ тер’’ нида’’ мэнена хибяри ӈэвысь.
Няръяна маркана ненеэцие школа-интернат’ ёльце’’махаданда Нюдя я’тер’’ я’’авлада хасавако тиртя ӈаном’ манзаяӈэ’ мэтаӈэ тоходанва’’ харвабцомда нерня’ нёдась. Ехэрана Кременчук’ март ӈэдалавыць, таняна танеда лётной училищехэна харвась тоходанась. Хусувэй манзаяхананда таранам ханзоць тохолабидась. Сян по’’ ваерась, илебэй хасава хари’’ округханда тэвыць. Харта соя’’вы яхананда манзарась пядась. 1964 похона Семён Николаевич Наръяна маркы’ авиаотрядан’ Ми-4 тиртя ӈано’ нябимдей пилотӈэ товысь, самляӈг по’’ ваерась командирӈэ мале’ тирӈась. Мэнена явнанда харвась тирӈась, тиртя ӈаном’ мэта нямдо’ хой тер’’ ненэця’’ сахарамбидонзь, ӈатесетыдо. Хибярихи’’на’’ сомбой, нямбара, енавамбир – пыда тарцясь, тарцяӈэ тенад’ яна’ тер’’ хибярина’’ нямдо’ тенедо.
Семён’ нямдо тыбэрта ненэця хойхана ӈатесетыдо, пыда то’’оваханда буровойхана геолог’’ маймбасеты’’. Семен Николаевич харвась Нарка я’ хой, Нюдя я’ хой няюв тэворцеты, тамальӈгы похо’’на’’ ханяӈы хозяйствохона сменной выпас мэць пяць. Тыбэрта хасава’’ тыдо’ маниесь хойхана манзараць, мято’ тердо’ ӈани’’ – недо’, нюдо’ хардаха’ илевась ха’’мыдаць. Хасава’’ ӈани’’ ирий’ тэхэ’’на’’ манзаравамдо’ ёльце’’махад ныланаванзь тиртя ӈанохона хардан’ турцеты’’. Ирий’ ямбан харад’ манзаидо пэрцеты, нюто’ хэвхана мэсеты. Тиртя ӈаном’ мэта нядо’ сиддо’ тарем’ маниесеты, ханяна тара, хардан’ хойхана манзарани’’ тэвраӈгу, ӈани’’ тыбэрти’’ хоян’ ханаӈгуда.
Тюку ялян’ хэтась тамальӈгы по’’ тенена’’ тыбэрта’’ ӈояк’, ӈопойдо’ ӈарка ненэця, тыбэрма сер’’ ветеран Афанасий Петрович Канюков. Теда пыда маркана иле, сидндет ю’’ си’’ив пода, хоян’ мале’ ӈахакуд тэвормада яӈгу. Ӈока по’’ ямбан тыбэртяӈэ таравы, хой’ илм’ сававна теневана, тенад ихинанда манзаравы пода иле’’. – «Няръяна Ты» колхозхана’’ манзаравы’’ нертейӈэ сменной выпас мэць пяць. Хоян’ тыбэртя’’ тиртя ӈанохона тэворцеты’’, сидя экипаж’ турцеты, теневана хибяри’’ таняна манзараць, командирдо’ сава хибяриць – Семён Явтысой нябиюм’ Александр Юпевайнов – Афанасий Петрович невхы пода’ тензебтемби. – Тикы няхаюна’ поӈгнана’’ – нянэй тыбэртяӈэ нюмдебасетына’’. Хой’ ява’’ сававна теневадись. Тута’’, нянана’’ лаханасеты’’, юн’ тэврасеты’’, хойхана таранам’ тэвраӈгу’’. Семён хойхана соявы, вадювы ненэця, тэхэ’’на’’ ӈэдалёрць сававна теневанась, маркана илесь, хой’ якоцянда нямна тябекутасеты. Ханяӈэхэна ёльцянда тарем’ еримзь, хоян’ тобнанда, ты’’ хан’ танебнанда, варёмда мэць ӈэдалёрцеты. Луца’ манзаямда саць сававна теневадась! Сава, нямбара хибярись. Тарцяӈэ нява’’ тенев, мань ихинани’ иле.
Семён хари’’ ямда мэненась, Нюдя я’ хойхана Явтысой тэнз’ мэта ненэця’’ пили’’ тыдо’ пэрмыць. Выучейской колхозхана нисяда, небяда манзаравыць.
Хойхана 1941 по’ вэба ирий’ няхарамдэй толыркана Семён Николаевич соявысь. Хойхана вадысь, нюдякоходанда хой’ ямда харвабтась, ныхыдамда таняна ма’’лась, ӈарка хибяриӈэ хаясь. Хой иламда сававна теневанась, тохолавы луца’ манзаяхананда ныхыта хибярись. Тиртя ӈаном’ минрена манзаяханда хусувэй тоенана серкана ныхыцеты, выдаравада яӈгувы ӈэсеты, хуркари нумӈгана тирцеты.
Семён Николаевич Явтысой илда’ 1973 по’ ты’’ саполана ирий’ нябимдей’ яӈганя толыркана ныклысь. Тикы яляхана тиртя ӈаном’ мэта нина’’ яля’ ямбан геофизик’’ няюв Голодной Губа’ няна манзаравысь.
Тиртя ӈаном’ мэта няха’’на’’ хэбиць ил’ тэвыць, тарем’ ӈод’’ сертавэда тянё нивысь’’ӈа’’. Теневана нита’’ ихина хаерёда сарпям’ хае, ненэцяӈгат’’ нертей тиртя ӈаном’ мэтава’’ харвась манзаранась, манзаяхана сахарамбада хибяри ӈэвысь, харта ямда мэненась, ӈока сава серм’ яна’ тер’’ е’’эмня сертавы. Пыда нюмда’ пили’’ Ненэцие’ округна’’ историян’ паклевы.
2025 по’ вэба ирий’ 14 толыркана Няръян-Маркана полярной лётчик’’ аллеяхана Семён Николаевич Явтысой памятник’ ӈадимясь.
Перевод на русский язык
Яркий след Семёна Явтысого
Сегодня исполнилось бы 85 лет первому ненецкому пилоту Семёну Николаевичу Явтысому.
Всего 32 года жизни отпустила ему судьба. Семён Явтысый прожил яркую, насыщенную событиями жизнь.
Он родился 3 сентября 1941 года в семье потомственных оленеводов. В Малоземельской тундре издавна пасли оленей предки большого рода Явтысых, в колхозе имени Выучейского трудились родители Семёна Николаевича.
Здесь прошло его детство, здесь он впитал всю красоту родной земли, получил от неё энергию и стал настоящим тундровым человеком.
После окончания в Нарьян-Маре Ненецкой школы-интерната юноша поступил в лётное училище. Семён решительно шёл к своей мечте, на несколько лет отправился на учёбу в неизвестный город Кременчуг. Учился прилежно, всегда с желанием. После окончания училища молодой специалист прибыл в округ. Здесь, на родной земле, началась его трудовая деятельность. В 1964 году Семён Николаевич пришёл в Нарьян-Марский авиаотряд вторым пилотом вертолёта Ми-4, а через пять лет был назначен командиром.
Буквально через несколько лет после получения диплома Семён уже имел допуски к выполнению сложных видов авиационных работ в любое время суток, к перевозке пассажиров на санрейсах, транспортировке груза на внешней подвеске.
Его знали и ценили жители тундры. Доброжелательный, улыбчивый, надёжный – таким он был, таким его запомнили земляки.
Встречи с Семёном ждали в каждом стойбище, его прилёту радовались геологи на буровых.
Часто прилетал к оленеводам Большеземельской и Малоземельской тундры. В те годы часть оленеводческих хозяйств перешла на оседлый образ жизни. Семьи стали жить в посёлках, а мужчины посменно несли трудовую вахту на тундровых просторах. Отработав месяц, возвращались домой на отдых. Зачастую пересменки проходили на вертолёте – тогда-то и встречался пилот с тружениками тундры.
В округе осталось мало оленеводов, кто помнит те годы. Один из них, Афанасий Петрович Канюков, живёт сегодня в Нарьян-Маре, ему 87 лет – возраст солидный, в тундру уже давно не ездит. Но трудовые годы, проведённые в кочевьях, свежи в памяти ветерана.
– Колхоз «Нарьяна ты» одним из первых перешёл на сменный выпас оленей. Пересменку в нашем хозяйстве часто выполняли два экипажа, командиров знали в лицо, замечательные были люди – это Семён Явтысый и Александр Юпевайнов, – вспоминает Афанасий Петрович. – Между собой мы их называли главными оленеводами. Они хорошо знали тундру. Прилетят, пообщаются с нами, поделятся новостями. Семён скучал по тундровой жизни. Бывало, если позволяло время, он сядет на упряжку и с ветерком прокатится. Отлично управлял оленями. И лётную работу знал на отлично! Был человеком с прекрасным чувством юмора, позитивной энергией. Таким он жив в моей памяти.
12 марта 1973 года экипажу Явтысого предстояла работа с геофизиками в районе Голодной Губы. Этот день стал роковым – Семён Николаевич совершил свой последний полёт…
Короткой оказалась жизнь полярного лётчика Явтысого. Но он успел многое и оставил яркий след в памяти земляков. Через упорную учёбу и преодоление различных препятствий Семён Николаевич пришёл к осуществлению своей мечты – стал первым лётчиком-ненцем. Его уважали и любили за профессионализм, скромность, улыбчивость, беззаветную преданность делу, родной тундре и её людям.
14 сентября 2025 года в Нарьян-Маре на Аллее полярных лётчиков установлен памятник Семёну Николаевичу Явтысому. Его имя навсегда вписано в историю Ненецкого автономного округа.
