Вы здесь

Яляда танеӈгу, ты танеӈгу

Ямалкана тыбэртя ялям 15 по’’ ямбан мэ’’ӈадо’. Таӈок по’’ ямбан сямянд ӈарка ялядандо’ хая, тамбир хэбидя ялян яндахат яӈга турта’’ хибяри’’ ӈока ӈэсеты’’. Пыдо’ ӈэрм’ ям манэ’’манзь, хурка ӈавар’’ тюкохона илена’’ хибяри’’ ӈаворӈа’’, тэхэ’’на ӈэдалёрма пирдырмам’ манэ’’ман харвасеты’’.

Тыбэртя ӈарка ялямдо’ мэ’’манзь ханярид’ тосеты’’, тарця ӈарка яляхана Саля’хардахана паской панытана’’, мальцятана’’ хибяри’’ ӈока ӈэсеты’’, ханяримна ядэрцеты’’. 

Тикы’ яляхана Ямал еркы маркана ассоциация «Оленеводы мира» совет манзарась, тыбэрти’’ ныланава ялян’ Норвегияхад, Швецияхад, Гренландияхад, Канадахад, Яляскахад, Китайхад, Шотландияхад товы’’ хибяри’’ тэворӈаць. 

Саляхардахана тыбэрти яляхана Палябта яха’ вархана ӈока мяд’’ мярвыць, таняна ненэця’’ мядондидо’ ядабтамбиць, сяйлабтамбиць, ты ӈамзахад пиревы евэйхана ӈавламбиць, харванидо’ ӈайбарӈаць. 

Тикахад’ ненэця’’ поӈгнандо’ пирдырӈаць. Сямянд ӈатенадо’ – тэхэ’’на ӈэдалёрма. Тюку’ мэвахана 25 хасава, си’’ив не ныхыдо’ харпиць. Сямянд нердевы мядонзэйӈэ буранм’ ня’’мась. 

– Мань хусувэй по’ турцетыдм’. Маня’’ хар’’на’’ тына’’, ханзер’’ ӈэдалёрць ехэраӈгува’’. Тюкон’ тобнана’’ тэхэ’’нана нявотырцетыва’’, сямянд мэбетина’’ мядонзэйм’ ханасеты. Хойхана мюсертаӈэ ныланавам’ ехэрава, тюкон’ тось, ӈарка яляхана ныланасетыва’’, нина’’ манэ’’манзь, лаханакурць няць турцетыва’’. Маймбасетыва’’, таславндава’’ тянё нисеты’’ ӈа’’, – тарця вади’’ Приуральской райнхад товы ненэць Илья Тайбери хэтась. 

Ямалкана мюсерта’’ ненэця’’ тыбэртя яляханандо’ тэхэ’’на ӈэдалёрмандо’ хавна тамна ӈани’’ пирдырма мэцеты’’. Тынзям’ моепасеты, хан’ тя санарцеты, сямянд’ мэненадо’ луца’вадавна манзь – национальная борьба, тикахавахана тёрдо’ я’’авласеты’’. 

Тамна хусувэй по’ мел’’ не’’ по’ ямбан сэдбавы мальцидо’, паныдо’, пибидо’, савидо’, падудо’, паӈгалмы ӈаворидо’ тэврабсеты’’. Конкурсхана манэ’’лабтабасетыдо’. Хусувэй по’ тарця конкурс’ сямянд мел’’мана сэдорана нем’ хобсеты. Пыдо’ нянэй мякана илена’’, сэдъям’ харвабтана.

Мария хэбидя ялям’ мэ’’манзь Воркутахад товысь, пыда вэсаконда’ ня ӈока по’’ ямбан хойхана мюсерӈа. Нянэй мякана иле, мядм’ манзаям’ пэртя.

– Маня’’ харадхана илена нерхава, мяканана’’ пирензюва, халтаӈгува, мя’’ма тавндабива, сэдорава, мя’’на’’ терна сэдорпива. Ты’ ӈамзахад хуркари несэй ӈавар’’ сертамбива. Тарця ӈарка ялян’ хамякосетыва, сэдорасетыва. Тюку яля конкурсан’ сэдъин тэврадамзь, манэ’’тыда’’! , – Мария Худи тарем лаханась. 

Хойхад’ товы ненэця’’ харто’ тэвравы ӈамзидо’, халудо’, нохо, тёня хобако’, сэдъидо’ мирдапиць. Тикы’ есяха’’нато’ таранадамдо’ тэмдабиць. Ханярид товы’’ мирдатана’’ ӈокаць. 

Саляхардан’ маня’’ округна’’ хибяри’’ тэворӈаць, тыбэрти яляхана мэць. Сенатор Валентина Зганич тарця вади’’ хэтась: – Тамбир ӈарка яля’’ ӈока хибяри’’ ӈобкана ма’’лаби’’, сава сер’’. Тыбэртя’’ манзаяхана саӈговотада тамна тянё ни’’ӈа. Ты’’ хадырць ядо’ тянёмдана. Тарця серу’’ ӈобнзер тасламбана тара’’ нив. Ты’’ танябнандо’, ил’ танеӈгу. Ӈэрм’ яхана ты’ хусувэй хибярин’ илм’ тэврамби. Тына’’ танева’’ е’’эмня ӈобкана манзарась тара. 

Ӈарка яля’ ваера, тыбэртя’’ мякандо’ ӈэдалэяд. Марад’ тер’’ ӈани’’ хойхана мюсерта’’ нидо’ ӈани’’ товнда похона ӈатеӈгудо’. 


Перевод на русский язык

Будет день, будет и олень

День оленевода на Ямале отмечают более 15 лет. За эти годы он стал одним из главных праздников и туристических брендов региона, куда съезжаются сотни туристов, чтобы проникнуться местным колоритом, отведать блюда национальной кухни, а также посмотреть соревнования по национальным видам спорта и гонки на оленьих упряжках.

Это один из ярких праздников Ямала, ориентированный на сохранение традиционной культуры коренных малочисленных народов Севера. 

Своего рода бренд торжественного события – оленеводы на величественных упряжках, в ярких малицах и паницах. На празднике в Салехарде улицы пестрели яркими красками национальных костюмов. Побывала здесь представительная делегация участников заседания Совета ассоциации «Оленеводы мира», который в эти дни работал в столице Ямала. Это делегаты из России, Норвегии, Швеции, Финляндии, Гренландии, Канады, Аляски, Монголии, Китая и Шотландии.

Все они оценили торжество по достоинству. А тут было на что посмотреть и, признаемся честно, что попробовать. В окрестностях столицы Ямала на речке Палябта развернулось большое стойбище. Здесь принимали гостей, угощали национальными блюдами из рыбы и мяса, горячим бульоном, ароматным чаем и выпечкой. 

Основное событие праздника – гонки на оленьих упряжках. За победу боролись 25 оленеводов-мужчин и семь женщин. Главный приз – снегоход. 

– Каждый раз участвую. Это азарт, надо доказать себе в первую очередь, что ты можешь, что ты круче! Умеешь управлять своими оленями! Да и День оленевода один раз в году, тогда мы можем отдохнуть и пообщаться друг с другом. Сегодня оленеводы отовсюду здесь собрались! Нам есть о чем поговорить! – рассказал Илья Тайбери, оленевод из Приуральского района. 

Ямальские оленеводы проверяют не только силу своих оленей, метают тынзей на хорей, прыгают через нарты, перетягивают палку, устраивают схватки в национальной борьбе, состязаются в тройном национальном прыжке.

Ярким украшением мероприятия традиционно стал конкурс национальной одежды. Чумработницы соревнуются в красоте национальных костюмов, сшитых своими руками. 

Женщины с детьми, мужчины, наряженные в новые, шитые долгими вечерами яркие паницы и малицы, величественно выходили на подиум. С гордостью демонстрировали наряды, красовались, показывали необыкновенные узоры и украшения.

Мария приехала на праздник из Воркуты, много лет кочует вместе с мужем. Живет в чуме, настоящая мастерица и хозяйка большой семьи. 

– Мы так же, как и обычные домохозяйки, варим, стираем, убираем, а еще выделываем шкуры, шьем, одеваем всю семью. Из оленины готовим вкусные котлеты, пельмени, супы, делаем плов, пирожки печем. К нашему празднику всегда заранее готовимся, принимаем участие в конкурсе. Сегодня мне есть, что показать, сшила три комплекта зимней одежды! – поделилась Мария Худи.

На празднике была организована и праздничная ярмарка. Продавали шкуры оленей, песцов, лис, пояса, меховые шапки, варежки и пимы, бурки. На ярмарке можно купить северную рыбу и оленину, дичь и дикоросы, которые привезли тундровики.

Горожане приобретали красивые бурки и тапочки, ягоды и золотой корень, мясо и рыбу. На вырученные деньги оленеводы прикупали в дальнюю дорогу необходимые продукты, сукно и парчу для новых нарядов. Желающие могли приобрести и технику – снегоходы, лодочные моторы, электрогенераторы. 

В эти дни в Салехарде побывала и делегация из Ненецкого округа.

– Сегодня я еще раз убедилась, что традиционные национальные праздники собирают, сплачивают разные народы вместе. Проблем у оленеводов еще много. В первую очередь, надо обратить внимание на сохранность пастбищ. Олень – основа жизни, самое святое для ненцев и всех северян. Это тот костяк, на котором держится ненецкая земля. Будут олени, сохраним и оленеводство! – отметила сенатор Валентина Зганич. 

Праздник завершился награждением всех участников и большой концертной программой. Довольные горожане в приподнятом настроении покидали стойбище и прощались с оленеводами до следующей встречи через год.