Тюку по’ Павел Выучейской – яхана’’на’’ теневана падтаӈгода няна’’ мат’’ ю’’ пода панысь.

Нюдякоходанда’ падтаӈгова’’ серм’ харвабтана ненэця, тарця серкана недада’ сибиць нись’ ӈа’’. Тены’’ похо’’на’’ пуняюв сылась, хамадась тоена, ханзер’’ нява’’ яӈга падтаӈгова серт’ нись тоходанан’, по’’ ваерась тумдбада, ныхыта падтаӈгодаӈэ’ вады.

Павел мер’ евакоӈэ’ хаювы, нисянда’, небянда’ яӈгумахад’ евако’’ хардан’ еримысь, тикы’ пуд’’ Няръяна маркана школа-интернатхана тоходанавысь.

Таняна хасава ӈацекехэна нензел’ нивысь’ ӈа, харта нита’’ нямна тябекутавысь. Ида’ мята’ тер’’ нямна пили’’ ядэрмы ӈэсеты. Яник, ида’ сава хасавако харвась тоходанавысь, толаӈгова’ серм мэненась, пили’’ библиотекан’ ядэрцеты, ӈокавна толаӈгосеты, ӈокавна падтаӈгосеты. Ӈацекы ӈэванда мальӈгана мале’ ихинанда ӈарка падтаӈгодаӈэ пыдамда сертаван’ харвадась. Школанда’ пуд’’ нерня тоходанась таравам’ хамадабидась, художественной училищехэна тоходанась харвабцода тамальӈгана мале’ таневысь.

Ил’ харта тарця, сяхари’ хусувэй харвабцо ханзер’’ тара нисеты соя’’, ханяна хари’’ пыдад’ нись пере’’ тарця ӈэсеты. Школамда’ ёльце’’махад Павел Сыктывкар маркы’ художественной училищен’ падрода’’, манзаида тэвравысь. Тарем’ ӈод’’ таняна тоходанась харвабцода тарем’ нись хань. Пуня’ сояма яханда тэвыць. Манзара пядась, тикахад армин’ хаясь, таняна ӈод’’ падтаӈговы ӈэсеты. Тарем’ пода’’ нерня’ миӈаць, пили’’ манзарасеты. Тикы’ поӈгана мэнена манзаямда, падтаӈговамда сяхаӈгарт’ нисетыда хаебю’’, пили’’ паднасеты, харта ивнянада тарця серт’ тоходанась. Тарана падро’ толабасеты, падтаӈгода нита’’ манзаи’’ манэ’’сарцеты, тарем’ янамбовна нерняри’’ минзеты.

Тюку ялян’ хэтась Павел Выучейской харта пыдамда’ сертавы ӈарка падтаӈгодава’’, пыда падвы манзаида теневына’’. Хусувэй манзаяда – ивъер’ манзаравада, пыда теневавада, и’’ӈута. По’’ ваерась, маня’’ яна’’ тер’ нява’’, ханярина тумдбада, харта нюмда’ мэта падтаӈгода. Тумдбада, луца’ вадавна манзь – художник.

Павел Алексеевич масеты, сян’ пыдами тенев’, пили’’ падтаӈгосетыдм’. Ненся’ тарця. Хасава нюдякоходанда падтаӈгосеты, падаркана харта ямда, яхананда танеда илека, ивнанда’ ӈэда ӈаворико падтамбавы ӈэсеты. Тюку ялян’ хэтась, пыда падвы манзаида – картиныда хибяри’’ харвась манэ’’cарцетыдо, сатавна сеян’ ериберӈа’’, мядонзэйӈэ тэмдабидо. Яӈга падтаӈгова серт’ нись тоходанан’, Павел Выучейской тумдбада падтаӈгодаӈэ пыдамда сертада. Пыда манзаита выставкахана падтаӈгода’’ ненэця падтаӈгода’ манзаи’’ савуцетыдо.

Павел Выучейской ӈарка, харта нюмда минрена падтаӈгодаӈэ’ хая. Илеванда ямбан’ харвабтана серта’ сяхарт’ нидась хаембю, нерняри’ минредась. Масетынё – саць харвабнанд’, илеванд сер’’, хусувэй харвабцомд пирдалеӈгур’’. Ненся’ тарця. Хари’’ пыданд’, хари’’ ныхынд’ енась нерня’ минзь, ӈокам’ пирдалева’’ пир’’, хусувэй ӈамгэн’ тоходан. Тарця хибяри, падтаӈгода Павел Алексеевич Выучейской. Манзаяханата харта ямда манэ’’лабтаби, хусувэй манзаянда харта историяда тане. Ханярина манзарабнанда’ ӈод’’ пили’’ падтаӈгосеты. Тарем’ Харьягинском месторожденияхад тэвравы манзаида тянё ни’’ӈа’’, тикы’ хавна Павел сава няхата мядонзэйӈэ падвы манзаида тане.

Тюку ялян’ хэтась – Павел Выучейской персональной фондхана тет ю’’ сидндтет падтавы’’ манзая’’. Нертей падта’’мида «Окраины милой России», «Животные в ненецком АРТе и мифологии» музейной выставкаха’’на’’ манэ’’лабтабидонзь, тикахад сян’ мэвна Москва маркана «Сокровища Севера» международной выставка-ярмаркан’ тэворӈаць, Няръяна маркана танеда выставкахана маниесетына’’. Ненэцие’ падтаӈгода манзая’’ округна’’ краеведческой музей’ фондхана лэтбидо’, хибяри’’ хардахана тане, ӈани’’ ян’ мядонзэйӈэ ханавы’’.

Павел Алексеевич Выучейский – яханана’’ теневана, тумбдаба, инутна, манзаямда теневана падтаӈгода, хусувэй манзаяда ихид’ падвы, нянэювна сертавы.

Тюку по’ пилю’’ ирийхана Павел Алексеевич Выучейской мат ю’’ помда ядабтась. Падтаӈгода няха’’на’’ ихид минда вади’’ хэтбидм, тад’ нерня несэй манзаида ӈатева’’, сававна иле’’, сензан’ ӈа, хусувэй ялямд сава ихина ядабтамбю.

Перевод на русский язык

Художник из народа

В этом году известному окружному художнику Павлу Выучейскому исполнилось 60 лет.

Непростым выдался творческий путь талантливого живописца.

В современном мире, где, казалось бы, всё подчинено строгим правилам и стандартам, путь к искусству Павла Выучейского, кажется, почти чудом. Этот человек, не имея специального художественного образования, сумел стать признанным художником.

Павел рано остался без родителей, после их смерти попал в детский дом, учился в школе-интернате. Нелёгким было его детство. О многом думал маленький мальчик, оставшись без родных и близких людей… Тихий, спокойный, прилежно учился, любил посещать библиотеку, много читал и рисовал.

Мечтал продолжить учёбу в художественном училище, выучиться и стать профессио­нальным художником.

Были попытки после окончания школы-интерната поступить в Сыктывкарское художественное училище. По разным причинам мечте талантливого парня не суждено было сбыться. Но Павел не оставил любимое занятие, продолжал рисовать, учился на собственных ошибках и экспериментах.

Каждая его работа – результат не только кропотливого труда, но и смелости мыслить вне шаблонов. Спустя годы наш земляк добился значительных успехов, став известным в регионе художником.

Как отмечает Павел Алексеевич, сколько себя помнит, всегда рисовал. С самого детства на бумаге оживали чудесные пейзажи, тундровые просторы, фантастические виды. Его картины никого не оставляют равнодушными, трогают сердце удивительной искренностью, неожиданными находками в сюжетах, красках, игре света и тени. Работы художника всегда находили высокую оценку профессионалов на выставках.

История становления Павла Выучейского – это яркий пример того, как страсть и упорство могут преодолеть любые преграды. А ещё доказательство того, что возможности человека безграничны, каждый может стать творцом, если у него есть желание и вера в себя.

На картинах Павла Выучейского изображены пейзажи родного края, северной природы, животных. В каждой – своя история.

Даже в трудовые будни мастер не расставался с кистью. Так появился цикл работ, которые были написаны на Харь­ягинском месторождении, где он какое-то время работал.

Часто писал для души и делал подарки самым близким людям.

Персональный фонд Павла Выучейского – 48 произведений живописи. Некоторые из ранее написанных картин экспонировались на музейных выставках «Окраины милой России», «Животные в ненецком АРТе и мифологии», на международных выставках-ярмарках «Сокровища Севера» в Москве и родном Нарьян-Маре. Работы ненецкого художника хранятся в фондах окружного краеведческого музея, в частных коллекциях, украшают интерьер в домах земляков.

Павел Алексеевич Выучейский – известный в регионе самобытный талантливый художник, без специального образования, но благодаря природной одарённости и высокой работоспособности сумел за годы творческой деятельности утвердиться в статусе большого мастера и добиться известности в профессиональной сфере.