Вы здесь

Сайнорма похона соявы не

Анастасия Михайлова ӈока по’’ ямбан Искатель’ нюбета ӈэсыхына илесь, пыда хибяри’’ савумдабадаӈэ манзарась. Сян по’’ тяхана тикы теневана’’ нява’’ яӈгумась. Сейда едяханда выдарась. Тюку ирий’ 16 яляхана Анастасия Федоровна Михайловна илевы ӈэбнанда 75 пода пангусь.

Сян по’’ ямбан я’ ниня Анастасия Михайлова илесь? Теда мале сер’’ вуни’’ӈа’’. Тарця ниня ӈарка некоця пуданда’ ӈока сава серм’ хаевы. Тикым’ тенева’’ ӈарка сер’’. Маня’’ яна’’ некоцям ӈока хибяри’’ теда лаханась тенедо’. Савумдамбавы хибярита ихиня иле, культурахана манзарана’’ нида’’ тенедо’. Илеванда’ ямбан мэбець манзаравы некоцясь. Ныхыда ӈока сава сер’’ сертабаван’ тэворӈась. Хибяри’’ пумнанда пили’’ харвась ядсеты’’.
Анастасия Нюдя яна’’ выӈгана 1943 сайнорма похона соясь. Тамальӈгана ӈока вындер’ ненэця’’ харто’ ямдо’ хаесь сайнормась хаяць, Ленинградской фронтхана нися’ хасада Федор Иванович Канюков снайперӈэ тарась.
Сайнорма похо’’на хойхана хаювы’’ хасава’’ тянёць. Хусувэй выӈгы’ манзаи’’ минренаӈэ не’’ тарасеты’’, нюдо’ вадабиць, тэхэ’’на мэсеты’’. Нюдяко Настяко небяконда’ Евдокия Егоровна Канюкова’ ня Нюдя явнандо’ мюсерцеты. По’ ямбан, хуркари нумӈгана Печора’ яха вархана танеда’’ ӈэсыхы’ тэхэ’’на почтам’ тэво’’ласетыхы’. Яля’’, по’’ ваераныдаць…
Ваеравы юр’’ мат’’юдимдей по’’ тось. Ӈэрм’ я’ тэнз мэта’’ ӈацекы’’ тоходанаван’ харваць. Ненэця’ ӈацекы’’ ӈод’ школахана тоходанвамдо’ ёльцесь тамна нерня тоходанавась едтёсеты. Илӈгана танеда несэй манзаи’’ торомдабиць, тарця манзаяха’’на манзараван’ харвась нерня тоходанавась хой’ мякдандо’ хэсеты. Тарем’ ӈод’’ Анастасия Канюкова. Тамальӈгы похо’’на Настя Надеждам’ нюбета нябакода медицинской институтхана мале тоходанась, тарем’ ӈод’’ пыда нябаконда табековна Архангельск’ март’’ хибяри’’ савумдабдаӈэ тоходанавась ӈэдалэяць.
Таняна тоходанавы пода ваерась, пыда округханда, харта соя’’вы яханда манзаравась тэвыць. Хибяри савумдабдаӈэ ханяна нися’ манзара. Ӈока по’’ ямбан Искатель’ ӈэсыхына геолог’’ поӈгана илесь, таняна Няръяна маркы’ нефтегазовой экспедиция амбулаторияхана врачӈэ тарась. Манзаямда минресь тамальӈгы похо’’на тарабнанда буровойха’ ӈэдалёрцеты,таняна хаӈгурта хибяри’’ манэ’’сарцеты.
Анастасия Федоровна манзаямда теневана, мэнена некоцясь. Илеванда’ ямбан серкана ӈока хибярим’ нядась, илан’ табадась. Геолог’’ поӈгана ӈарка манзаям’ сертабиць. Хибяри’’ савумдамбава’ хавна тамна хуркари’’ лекции’’ толабасеты, ӈэсындо’ спортзалхана не’’ е’’эмня группа здоровья манзарась.
Тикы’ пуд амбулаторияхана терапевтӈэ манзарась, ӈока хаӈгуртам’ хабцяӈгад нэкалӈась. Округна’’ ӈэсыхы’’на’’ ӈод’’ Михайловам’ теневадо’, пыда передвижной отрядхана сян’ по’’ ямбан манзарась. Лаборантанда’ Эмма Ругина’ ня хусувэй ӈэсын’ тэворӈаханзь. «Ямб’ тохона» илена’’ ненэцяха’ ӈэдалёрцетыхы’, «Еврхана» сян’мэвна мэӈаханзь. Хойхана мюсерта’’ тикы няхаюдо’ ӈатесетыдо’.
Анастасия Михайлова пенсиян’ тарпась культуран’ манзараванзь тэвыць. Округна’’ этнокультурной центрхана ненэцие’ культура отдел’ ервотаӈэ манзарась пядась. Таняна харвась манзарась, хусувэй сертабадахананда несэй ӈамгэм манэ’’лабтабасеты. Ненэцие’ культурам’ теневанась, тикым’ харта няхата’’ тэврабидась.
Манзаянанда таранадамда ханярид’ ма’’ламбасеты, хуркари’’ хэбидя ялу’’ сертабасеты, фестивалька’ ненэцие’ ма’’лабсеты. Няръяна маркана нянэй мядм’ ӈамдтась, таняна хуркари’’ тэнз’ хибяри’’ ӈобкана ма’’лабсеты’’. Нянэй ненэця’ ил’ нямна вади’’ ваде’’цеты.
Округханана’’ танеда «Сава сё» фольклорной фестиваль’ ӈани’’ Анастасия Федоровна сертавы. Тарця фестиваль’ хусувэй сидя по’’ ваерась ненэцие’ хыно’’манзь ма’’ламби. Анастасия Федоровна сер’’ тенад иле.
Илевы ӈэбнанда Анастасия Федоровна Михайлова си’’ив ю’’ самляӈг помда мэтаваць. Тюку яля хэвханана’’ яӈгобнанда’ ӈод’’ ӈока хибяри’’ тенедо’, пыда сертабавы манзаида теневыдо’. Анастасия Михайлова сава ихиня хусувэй теневана нянда ихиня иле. Тарця хибяри’’ юрбада’’ ни’’ӈа’’.


Перевод на русский язык

А родилась она в годы войны

Ветеран медицины округа Анастасия Михайлова многие годы жила в поселке Искателей. Несколько лет назад ее не стало. Не выдержало сердце. 16 мая Анастасии Фёдоровне Михайловой исполнилось бы 75 лет.

Сколько лет прожила на свете Анастасия Михайлова? Это теперь уже не так важно, значимо то, что оставила эта миловидная хрупкая женщина после себя. Многие пациенты помнят энергичного доктора, нашу землячку. Она запомнилась как талантливый культработник. Ее жизнь была всегда наполнена новыми идеями и замыслами. Она заряжала многих своей инициативой на новые дела.
Родилась Анастасия в Малоземельской тундре, в суровом военном 43-м году. Многие земляки тогда ушли на фронт, воевал на Ленинградском фронте и ее отец – снайпер Фёдор Иванович Канюков.
Тогда в тундре почти не осталось мужчин, и вся тяжесть оленеводческой работы легла на женские плечи. Маленькая Настя вместе с мамой Евдокией Егоровной Канюковой кочевала по Малоземельской тундре. В любое время года, в любую погоду на оленьих упряжках доставляли почту по всем селам Припечорья. Время неумолимо...
Начало шестидесятых годов. Ненецкая молодежь стремится к знаниям. Выпускники школ открывают для себя новые профессии, совсем не характерные для кочевого народа. Так и Анастасия Канюкова. По совету старшей сестры Надежды, которая в то время успешно училась в медицинском институте, Настя поступает в Архангельский мединститут. После учебы девушка возвращается в округ…
У каждого человека бывает свой звездный час. Для Анастасии Фёдоровны таким делом стала работа врачом в амбулатории Нарьян-Марской нефтегазоразведочной экспедиции. Иногда приходилось выполнять работу в полевых условиях, на буровых.
Не считаясь с личным временем, имея маленьких детей, она всегда была готова прийти на помощь. Посещая общежития геологов, медик проводила беседы о закаливании организма, о вреде курения, о предупреждении различных заболеваний. Было время, когда она организовала женскую группу здоровья в спортзале поселка Искателей.
Помнят врача Михайлову и многие жители поселков, деревень округа. Позже, как врач передвижного отряда, она вместе с лаборантом Эммой Ругиной часто бывала на периферии. С готовностью выезжала проводить медосмотры к оленеводам общины «Ямб то», бывали они и в «Ерве».
После выхода на пенсию Анастасия Михайлова посвятила себя культуре. Возглавила отдел ненецкой культуры в Этнокультурном центре. Она родилась в счастливой дружной семье кочевников, и не по рассказам, а воочию знала уклад жизни ненцев во всем его многообразии.
Она неустанно собирала материал для национальных мероприятий, организовывала фольклорные праздники, фестивали. Является автором проекта «Ненецкий чум» и инициатором фольклорного фестиваля ненецкой песни «Сава сё». Ее чум, ее фестиваль «Сава сё» живы в памяти нарьянмарцев и сегодня. Многие горожане шли туда, чтобы отвести душу, почувствовать родную стихию, услышать ненецкие песни, вспомнить вкус национальных блюд.
Это и есть добрая память о человеке, внесшем большой вклад в развитие не только медицины округа, но и культуры.
И самая главная награда: уважение и память земляков. Думаю, что сегодня многие жители округа вспомнят свою землячку и помянут ее добрым словом!