Маркана тыбэртина’’ ма’’лёвахана хой’ тер’’ хибяри’’ нябимдей яля манзараць. Манзара’’мито’ поӈгана лакамбой ныланавась тарпась ӈули’’ я’’авлада некоцям’ сэвтедамзь.

– Светлана Евдокимовна Канева, «Сияние севера» семейно-родовой община мядм’ пэртядм, Хорей Верхад тодамзь, – тарця вади’’ лаханакурць нями’ хана.
Общинана’’ председатель’ Геннадий Вячеславович ӈани’’ съездхана манзара, пыда’ делегатӈэ тара. Тикы некоцям’ лаханась няць, нянда тарем’ мадамзь: – Ханзер’’ илевамд,манзаравамд падарт’’ падъид, тикахад «Ялумдан’» ӈэдараид. « Мэнена выӈгы ян’ нямна ӈани’’ падӈгув’’, – Светлана мась.
Тарця вади’’ намдась янда’’ хаянись. Сян’ яля’’ ваерась ӈарка яхана мюсерта лаханась ня’’мы некоцяхад падарм’ ня’’мадамзь.
«Вындер’ не» тарця страничкам’ сертабаван харвадм’. Нюртей страничкава’’ Светлана Канева падвы вада’’ нэмбидо’. Тикахана хойхана мюсерта не’’ илм’ манэ’’лабтабаӈгува’’, ханзер’’ иле’’, манзара’’ падбаӈгува’’, нюдо’ ханзер’’ вадаби’’, ханяӈэхэна маймбцодо’ вадета’’.
Валакада тарця страничкам’ сертабась не’’ харто’ нядаӈгобнандо’ тараӈгу. Маня’’ няданда’’ падвы вадида ӈатеӈгува’’, паднада’’, ваде’’ӈара’’ ханзер’’ яхананда иледа’’, хурка тоенана’’ сер’’ илӈгананда таня, хурка маймбцода таня.

Мэнена выӈгы яв!
– Маня’’ общинава’’ нись’ ӈахакуна сертаваць, сидя по’ тяхана тына’’ колхозхад яӈгреваць. Тикы’ нерде’ колхозхана манзараваць, теда’ яӈга илева’’. Общинана’’ 7 хибярива’’: вэсаков’ Канев Геннадий Вячеславович, пыда нисяда Вячеслав Иванович, хасава няда Павел Вячеславович, нянда хасава ню Руслан Евгеньевич Канев, мани’ сидя ю’’ тет пота хасава нюми’ Степан. Нюдяко хасава нюми’ Няръяна маркана тоходана, автомеханик ӈэвндя. Не нюми Василисса Печора маркана тоходана, кондитер-технолог ӈэӈгу. Мань мякнани’ ӈопой недм’, мя’’ми’ пэрӈадм’, сэдорадм’, ӈавар’’ пиребидм’.
Манзаями’ тянё ни’’ӈа, яля’ ямбан’ масьтесьтыдм’. Савов, хар’’на илва’’ ӈэ’’ нив. Хар’’на’’ ныхына’’ енась илевава’’ минрева’’, хой’ илва’’ теневава’’. Вэсакон’ нися хэвханана иле, 85 пода. Пыда илеванда’ ямбан’ хойхана мюсерӈа. Сидна’’ пили’’ нядаби, серкана, сава вадахана.
Тыбэртя манзая – тарана манзая. Ненэця’’, ӈысма’’ хойхана мюсерта’’ хибяри’’, ныхыта’’, хуркахарт манзаям’ нисеты пилюс’’. Ӈока по’’ ямбан’ ӈэрм’ явна мюсерта хибяри’’ харто’ илевамдо’ мэ’’ӈа’’, харто’ манзаидо’ сававна тенева’’, нюдо’ хойхана вадаби’’. Тикы’ хавна тамна харто’ тэнздо’ культурам’ тю’’у пэрӈадо’, харто’ паӈгудо’ теневась нерняри миӈа’’.
Тикы’ поӈгана хойхана мюсерта’’ хибяри’’ мал’ ныхыдо’ тыдо’ лэтбаван’ масибтембидо’.

Тикы’ маня’’ илва’’
Ӈока по’’ хойхана илебнан’ ӈод’’, пили’’ пысасетыдм’, сян’ пирувна ӈэрм’ хибяри’’ харто’ ямдо’ сахарамбидо’, лэтбидо’.
Мэвы’’ мядырмахад мюсевандо’ ёльцяӈгана мал’ хамбулодо’ ма’’лаӈгудо’, хаебада ямдо’ тавдаӈгудо’. Маня’’ нянэй мякана та’ илева’’. Мякана вадываць, мя’’ маня’’ хардава’’. Мякад’ саварка нянана’’ яӈгу. Нерня мюсесь тарабнанда мядм’ тахабтаӈгур, едэй ян’ тэвась мертявна мярӈгур, ядэлась серо’’ӈа’’, ханхана ядэлась сацьри ни’’ саӈговос. Мань нянан’ мэта илми’ ивнани’ ӈа’’. Хойхана илесь ёльце сава. Лакамбой хардан’ тэвась, тянембёвна танякуна илесь, сеяр’ лакри хоян’, мят’ ладартаха’ ӈэсеты.
Хойхана хари’’ серуна тасламбива’’. Теда’ нара. Тыбэртяха’’на саць тэтнава’’ ёльць. Сую’’ ёльцянд тэвына’’. Ханзер’’ отёл ваераӈгу, тикахад нерняӈы илва’’ переӈгу’’. Теда’ маня’’ тына’’ толыр’’ ӈокамдамбива’’. Небой по’ тына’’ нинаць мипю’’. Толырто’ ӈокамдась ӈадьгу’’ хуркава’’ ӈэӈгува’’. Ты’’ ӈамзам’ ханя миць, тарця сер’’ сававна таславы’’.
Нара’ някуна маркана тыбэртя’’ ма’’лёва ваерась. Яндахат’ товы’’ хибяри’’ ня’ минрена серуна’’ нямна ӈокавна лаханакурӈаваць. Тоенана’’ сер’’ ханярина ӈоб’ толас’’. Пудана похо’’на илека’’ ханярина ӈокамдана, ты’’ хадаби’’. Тикахад’ ты’’на хадырць яда ни’’ тэвор’’, нядэйда тянёмдана.
Тарця серкана округна’’ ерв’’ нядаӈгова’’ тара, хар’’на таслась я’’амгуна’’.

Перевод на русский язык

Что волнует женщину тундры

В дни съезда оленеводов НАО, в перерыве между заседаниями, я познакомилась с кареглазой, очень бойкой женщиной.  

– Светлана Евдокимовна Канева, хозяйка семейно-родовой общины «Северное сияние» из Хорей-Вера, – представилась моя собеседница.
Председатель общины, муж Светланы Геннадий Вячеславович, тоже был делегатом форума оленеводов.
Тогда мы договорились, что после съезда Светлана напишет для странички «Ялумд» заметку об их общине.
– И о тундре, – добавила она немного застенчиво. – Тундра – любовь моя.
И вот на моем редакционном столе лежит письмо, присланное из Большеземельской тундры.
На странице «Тундровичка», которую сегодня открывает Светлана Канева, мы с помощью наших читателей будем рассказывать о труде и быте, заботах и радостях северянок. Ждем, дорогие читательницы, ваших писем, советов, пожеланий, рассказов о том, что вас волнует, какие темы, проблемы и вопросы считаете насущными.

Тундра – любовь моя!
Мы создали общину недавно, два года назад. Работали раньше в колхозе, а потом решили самостоятельно. В общине 7 человек: мой муж Геннадий Вячеславович Канев, его отец Вячеслав Иванович, брат Павел Вячеславович, племянник Руслан Евгеньевич и наш старший сын Степан (ему 24 года).
Младший сын учится в Нарьян-Маре на автомеханика. Дочь Василиса – в Печоре, она будущий кондитер-технолог. Так что я одна содержу в порядке наш очаг, обшиваю, готовлю…
Вести свое хозяйство, конечно, дело нелегкое, но мы знаем, что работаем на себя и рассчитываем на свои силы, знания, опыт. Это наша жизнь, она нам по душе, здесь все родное, знакомое. Отцу моего мужа 85 лет, он по-прежнему кочует вместе с нами. Поддерживает все наши начинания, где надо подскажет, поможет.
Профессия оленевода – престижная, уважаемая. Мужественные, трудолюбивые люди – ненцы и коми – невольно вызывают преклонение. В трудных природных и климатических условиях мы не только сумели выжить, но и сохранили свою национальную культуру. В разное время по-разному относились мы к старым обычаям. Однако изучая их убеждаешься: все они направлены на то, чтобы сохранить и обеспечить семьи.
Остался в тундре и обычай доброго гостеприимства. Знакомый или незнакомый человек приехал в стойбище, днем или ночью – хозяева всегда напоят его чаем, обогреют, если одежда промокла, предложат сухую, если надо – оставят на ночлег, уступят лучшую постель. Если необходимо, дадут новую упряжку оленей.

Это наша жизнь
Прожив много лет в тундре, не перестаю восхищаться бережному отношению местных людей к окружающей среде, по-хозяйски мудрому. На примере взрослых этому учатся и дети, и внуки… Как помню себя, в тундре у оленеводов во всем порядок. Взгляните на покинутое стойбище. Оно всегда остается чистым. Уходя на новое место, женщины подбирают весь мусор, все, что было выброшено.
Живем мы в чуме. Мы выросли в нем, с рождения это наш дом. Лучше дома, чем чум, для кочевника никто не придумал. Его можно быстро собрать или разобрать, перевозить удобно и не так тяжело. Я довольна своей судьбой! И когда приезжаю в поселок немного пожить там, чувствую, что обратно тянет в тундру.
Пришла весна. В Заполярье зарождается новая жизнь. И это большая радость, надежды. В тундре наступило самое напряженное время – отел.
Как он пройдет, от этого зависит наше будущее. Мы наращиваем поголовье, в прошлом году забой не проводили. Будет больше оленей, тогда и начнем сдавать. Теперь реализовать продукцию не такая уже проблема…
Когда завершил работу съезд оленеводов, мы долго общались с оленеводами, нашими друзьями. Всех прежде всего волнуют проблемы экологии.
В последние годы остро встала проблема борьбы с волками. Гибель оленей от них год от года увеличивается. А ведь это наши потери. Из-за жаркого лета у оленей возникают различные болезни: легочные, копытка. Мы решаем свои проблемы, но есть вопросы, которые нам не под силу. Об этом мы говорили на съезде оленеводов округа. И понимание есть. А это главное для нас. Значит, оленеводство как отрасль сельского хозяйства будет развиваться.