Сидя яӈганя по’’ ямбан РФ’ еркы март’ ӈэрм’ яхад хуркари ӈавори’’ тэврамби’’: хало, тудаку, ӈоди, илека хоб, паской пэкоци, нахар’’, хынабц, тарабцо ӈэдакы’’. Москва’ маркана илена’’ хибяри’’ тарця серт’ мале торумы’’. Ӈэрм’ яхад тэвравы’’ сяторэй’’, палкур’’ халя’ таневам’ тенева’’. Харто’ сэвха’’то’ манэ’’цетыдо’ ханзер’’ мел’’ хибяри’’ ӈодякоход паской манзаи ма’’ламби’’. Харвана’’ нянэй мят’ тюӈгсеты’’, мя’’ пи’няд нюдякорха ӈэбнанда ӈод’’ мюнянда лата, яля, иба.

Тюку’мэвахана Москван’ сидя ю’’ самляӈг регионхад тет юркад вата хибяри’’ турӈаць. Поӈгнандо’ хынокад хибяри’’, тарана’’, мел’’мана ӈудидо’ мэта’’ хибяри’’, хари’’ яханандо’ община’ серу пэртя’’. Мал’’ пыдо’ ӈарка март’ тэвась ӈопой серм’ тасламби’’ – ӈани’’ тэнз’ хибярихи’’ ӈэрм’ яхана илена’’ хибяри’’ ханзер’’ илевам’, ханяна манзаравам’ вадець.
Маня’’ округва’’ таняна семейно-родовой община’ «Мядеко» мяд’ тер’’ манэ’’лабтабидось.
– Ӈэдалавана’’ нерде ими ёльце няркнась, хари’’ илесь ява’’ сомбовна тамбир’’ ӈарка ма’’лёвахана манэ’’лабтава саць мэбета сер’’ нив’ ӈа’’, – лаханакурць пябнани ӈули’’ нерде’ Вероника Талеева ханась.
Теда’ мале’ няркнава’’ сер’’ пуняна хаи. Федор, Вероника Талеевха’ минревнда манзаямди’ сававна сертадись. «Кочевье Севера» выставка-ярмаркахад сава ихиня мяканди’ тоӈаханзь, ӈока ӈамгэм’ манэць, ӈока ӈамгэм’ намдась, нерня’ манзараванзь едтыхы’. Самляӈг номинацияха’’на манзаравыць, ӈока грамота тэвраць.
Тюку по’ «Сокровища Севера. Мастера и художники России -2017» «Театральное представление»’ номинацияхана Талеев’ семейно-родовой община ансамбль’ лауреатӈэ хаясь, «Лучшее произведение национального народного искусства» конкурсхана «Национальный костюм» номинацияхана Жанна Янгасова, Вероника Талеева’ ня ӈани’’ лауреатӈэ хаяханзь.
Талеев’ семейно-родовой община’ «За сохранение традиционной культуры» специальной призм’ ня’’маць, «Детское творчество: передача традиций» номинацияхана Талеев’ мяд’ тер’’ ансамбльхана сянакода’’ ӈацекы’’ «Сокровища Севера-2017» фестиваль’ хамадавы’’ хибярихит Благодарственной письмом’ ня’’маць.
– Маня’’ «Вэрэйко» спектакль’ манэ’’лабтаваць, тикы’ е’’эмня нябимдей местам’ ханаваць, тамна «Маня’’ ненэцява’’» паднана Прокопий Явтысый падвы манзая’’амна масьтевы песенно-музыкальной композициям’ ӈамтаваць. Ӈацекына’’ сеӈгакоця’’, тобакоця’’ муно’’лась тараць, мань хыно’’ӈадамзь,- Вероника Талеева тарця вади’’ хэтась, – Тарем’ ӈэдалёрмава’’ ӈацекы’’на’’ инд’ мэёвна лапцей. Пыдо’ ӈэрм’ я’ тер’’ ӈани’’ тэнз’ ненэцие’’ манэ’’ӈа’’, маниедонзь ханзер’’ нидо’ нядабась манзара’’, харто’ паӈгудо’ тенева’’, харто’ культурамдо’ сахарамбась нерня’ миӈа’’.
Ӈацекы’’на’’ нертей’ мэвна тарем’ Москвам’ манэ’’ӈадонзь, сэвндо’ ӈаркавна няӈгарць ханяримна сырӈаць. Метрохона ӈэдалёрӈаваць, Красной площадян’ тэворӈаваць, Сокольники, Ботанической садхана мэваць, ӈока несэй ӈамгэм’ манэ’’ӈаваць. Нумда ӈани’’ савась, хаярэця, ханярина тиртяко’’ мун’’ соць, ӈамдэд’’ ӈармданаць.
Маня’’ ӈока мэкад хибяри’’ торомдаваць, ӈока хибяри’’ ня’ лаханакурӈаваць. Ӈацекы’’на’’ ханяримна’’ ядэрӈаць, мастер-классха’’на’’ мэсьты’’. Балалайкахана, домрахана, гусляхана сянакось тоходанаць, Сонява’’ ворганхана сянакось тухусь, тикахад тарця музыкальной инструментм’ мядонзэйӈэ Владислав Выучейскойхад ня’’мась.
Тикада тамна савась. Сидна’’ нядабада хибяри’’ ӈокась, някуна’’ турцеты’’, сава вади’’ мэцьты’’. Тарця нядаӈгова хэвний яхана саць сава сер’’.
Ӈарка маркана танеда мероприятияха’’ ӈэдалёрма тарана’’ сер’’, ӈока хибяри’’ манэ’’пива’’, няхата’’на тоходанава’’, община’’ ня’’амбада хибяри хомбива’’. Ӈани’’ похо’’на таневнда «Кочевье Севера» фестивалян’ тэворман’ харвавам’ ихиняна лэтбива’’. Тарця яляха’’ теда’ мале хамекось тара.

Перевод на русский язык

Люди – главное сокровище

В столицу РФ уже двенадцатый год подряд привозят из холодных широт настоящие сокровища: рыбу, грибы, ягоды, меха, алмазы, орехи, песни, танцы. Все достояния, а также краски и звуки Севера.

Их доставили издалека, чтобы москвичи и гости столицы подержали в руках обскую щуку; отведали вкус сига (в центральной России его мало кто знает); посмотрели, как мастерицы вышивают бисером (стежки можно читать как книгу); побывали, наконец, внутри чума («однушка» вроде, а просторно и уютно). В столицу съехались больше 400 участников из 25 регионов страны – певцы и танцоры, мастера народных ремесел, представители национальных общин. У них общая задача – рассказать согражданам об уникальном мире российской Арктики.
Наш округ на данном мероприятии представляла семейно-родовая община «Мядекоця».
– Перед поездкой я очень волновалась, задачи перед нашей общиной стояли большие и серьезные: надо было достойно представить регион на международном мероприятии, – поделилась впечатлениями Вероника Талеева, хозяйка большой семьи.
Сейчас все позади, как говорится, зря волновалась. Семья Фёдора и Вероники Талеевых из Нарьян-Мара прекрасно справилась с важной миссией. Вернулись с международного мероприятия с прекрасным настроением, обилием впечатлений и новыми идеями. Участвовали в пяти номинациях и привезли множество грамот.
Ансамбль семейно-родовой общины Талеевых в нынешнем году стал лауреатом конкурса «Сокровища Севера. Мастера и художники России-2017» в номинации «Театральное представление». Мастера Жанна Янгасова и Вероника Талеева названы лауреатами конкурса «Лучшее произведение национального народного искусства» в номинации «Национальный костюм».
Семейно-родовая община Талеевых также была награждена специальным призом ««За сохранение традиционной культуры», а в номинации «Детское творчество: передача традиций» участникам семейного ансамбля было вручено благодарственное письмо от имени организаторов выставки-ярмарки «Сокровища Севера-2017».
– Мы показали спектакль «Вэрэйко» (заняли второе место) и песенно-музыкальную композицию «Мы – ненцы» со стихами нашего поэта Прокопия Явтысого. Дети танцевали с колокольчиками и рожками, а я исполнила песню,– рассказывает Вероника Ивановна. – Поездка произвела на детей неизгладимое впечатление. Они познакомились с северянами разных национальностей и отметили, как люди трепетно относятся друг к другу, сохраняют традиции предков, гордятся культурой своих народов.
По словам собеседницы, дети впервые увидели Москву и смотрели на все вокруг широко распахнутыми глазами. Метро, Красная площадь, ВДНХ, Сокольники, Ботанический сад…
– Старались успеть показать им главные достопримечательности. Особенно радовала погода: солнце, пение птиц, первые листья на деревьях и зеленая травка. Дни были насыщены общением с интересными людьми. Наши дети активно участвовали во многих мастер-классах, пытались музицировать на балалайке, домре, гуслях, а также лепили игрушки из глины. Соня научилась играть на варгане, и от Владислава Выучейского получила в подарок этот музыкальный инструмент.
Нас вдохновляли земляки – делегация из НАО, участвовавшая в Саммите коренных народов Баренцева региона. И недавние школьники – студенты спешили к нам на огонек. Они с ностальгией вспоминали округ, Нарьян-Мар. Внимание и поддержка наших земляков – великая сила. В первый день утром в Сокольниках нас уже встречали Инна Туровская из представительства НАО в Москве и Вячеслав Алексеевич Выучейский, председатель ненецкого землячества в столице. Мы очень благодарны им за поддержку! Участие в подобных мероприятиях, общение с творческими людьми всего севера, руководителями общин – для нас бесценная учеба, – рассказала Вероника Талеева.
– Горим желанием побывать еще раз на фестивале «Кочевье Севера»! – эмоционально призналась она.