Всемирный фонд дикой природы тарця организация’ таня. Таняна манзарана’’ некоммерческой организация’’ нядабасеты’’. Тюку по’ тарця хибяри’’ нядаби’’, хуний проектадо’ – луца’ вадавна хэтась: на сохранение биоразнообразия северных территорий России таславы’’.

Таня’’ ЭКЦентхана ненэцие’ отделкана манзарана нява’’ Людмила Ледкова еримясь. Пыда проектм’ «Культура ненецкого народа как средство духовно-нравственного развития подрастающего поколения» падась. Тарця манзаямда минресь есяхана сита’’ нядаць.
Тарця сер’’ нямна Людмила Ледкова тарця вади’’ хэтась: – Нянэй ненэця’’ творчество’ саць мэбета сер’, тикахад’ ӈацекы’’ духовно-нравственной вадюданава’’ пере’’. Маня’’ ӈацекы’’ ня’ манзараӈгува’’. Фольклор’ нямна лаханаӈгува’’, хуркари’’ сянакова’’ программа’’ манэ’’лабтабаӈгува’’, мастер-класс’’ сертабаӈгува’’, тикахана ӈацекына’’ харто’ тэнзандо’ традиции’’, культура’ таневам теневаӈгу’’, харто’ вадамдо’ намдурта’’, культурам’ торомбаӈгу’’, харто’ илесь ямдо’ лэтамбаӈгу’’.
Ӈацекына’’ ня маля манзарава’’. Тарем е’’эмняндо’ сянаковам’ хамадаваць. «Тыбэртя мякана мядоӈава’’» сянаковавам’ нюмдеваць. Таняна «Ханийко» группахана мэна’’, тикахад’ приёмной семьяхана вадюданана’’ ӈацекы’’ ма’’лаваць. Ӈацекы’’ нянэй мядм’ манэ’’ӈаць. Ненэцие’’ илесь мякана хурка ӈэсь тара, ӈамгэм’ пэрць ни’’ серос’’ тоходанаць.
Ӈацекы’’ мякана илена’’ то’’олхаць. Cянакось хибяхова’’ нисясь,небясь, ӈацекысь, хадась, ирись. Мякана стол’ тяхана хибяри’’ ханзер’’ ӈамдёсеты’’, тоходанаць. Тол’ тяхана еркана сяхари’ ири, нися ӈамдёсеты. Не’’ӈацекы’’ танеда мяд’ манзаи’’ пэрӈаць. Хурка манзаи’’ мякана не’ сертабада, тикан’ тоходанаць. Сэдорава’’, ӈаворм’ пирембава’’, няньм’ ябцамбава’’ не манзая’’.
Хасава’’ ӈацекы’’ ӈани’’ тыбэртя манзаи’’ пэрӈаць. Хурка манзаи’’ хасава хойхана пэрцеты, тарця манзаи’’ торомдамбиць. Пям’ тэводась, тынзям’ паӈгалпась тоходанаць, ӈани’’ манзаи’’ сертамбиць.
Манзаидо’ ёльце’’махад тол’ тя ӈамдась сяйӈаць, харто’ ябцавы няньм’ ӈаворӈаць. Мань ивнян’, тарця урок’ ӈацекы ихиня маймбцо, ихиняндо’ савархась. Тикахад’ ненэця’’ харто’ сянакудо’ таня. Хойхана мюсерта’’ ненэця’’ ӈацекы’’ харто’ сянакудо’ танесеты’’. Сянакось вадюданасеты’’. Ханяӈы сянакудо’ невхы похот’ лэтамбасетыдо’. Иринато’, нисянато’ тэвравы сянако’’ танесеты.
Ӈацекы’’ нянэй ненэцие’ хынабцаха’ инзелець. Ханяӈыдо’ харвабнанда нертеймэвна тарцям намдурмакы’’. Иринато’, хадунато’ мэ’’мы хынабц’ нянандо’ савархаць, хусувэдо’ харвась инзелесь. Ӈацекы’’ ханярина ӈод’’ илебнандо’ харто’ тэнздо’ культурам’ теневава’’ е’’эмня манзарава тарана сер’’, тарця манзаи’’ минесь тара’’.
Людмила Ледкова нерняна тамна манзаравнда, сидя яӈганя занятиям’ хамадаӈгу’’, ӈацекы’’ е’’эмня сертаӈгу. Тамна школа-интернатан’ тэвормада танеӈгу, таняна илена’’, тоходанана’’ ӈацекы’’ ӈокаюв’ пелядо’ нянэй ненэця’’. Харто’ тэнздо’ илм’ сававна теневабнандо’ тара. Тикы е’’эмня Людмила проектм’ падась.
Евако ӈацекы’’ е’’эмня «Ненэця’ сё’’, тарабцо’’» программам’ хамадась. Василий Ледков, Прокопий Явтысой падвы’’ манзаи’’ толабиць, хыно’’ӈаць, стих’ толабиць.
Нерняна Людмила Ледкова тамна ӈацекы’’ ма’’лабаӈгу. Ненэцие’ школа-интернатан’ тэворта’’. Тыбэрма, ёрма, ханева сер’’ нямна ӈацекы’’ ня лаханаӈгу’’. Проект’ пуданахана’’ сертавы манзаявнанда методической пособием’ падаӈгу.

Перевод на русский язык

Воспитание в культурных традициях

Подведены итоги конкурса грантов некоммерческим организациям для реализации общественных проектов, направленных на сохранение биоразнообразия северных регионов России. Организатор конкурса – Всемирный фонд дикой природы.

В число победителей вошла и специалист отдела ненецкой культуры ЭКЦ Людмила Ледкова, получившая средства на реализацию проекта «Культура ненецкого народа как средство духовно-нравственного развития подрастающего поколения». Вот что она рассказала:
– Творчество ненецкого народа является богатейшим источником познавательного и духовно-нравственного развития детей. Через фольклор, игровые программы, мастер-классы мы намерены пробудить у них интерес к традициям своего народа, языку, культуре, природе. И такая работа уже ведётся. Детей из приёмных семей и группы «Ханийко» мы пригласили поучаствовать в познавательно-игровой программе «В гостях у оленевода». Ребятишки побывали в настоящем чуме. Узнали о правилах поведения в ненецком жилище. У каждого из ребят была своя роль: папа, мама, дети, бабушка, дедушка. Они рассаживались, как полагается. В центре всегда глава семьи, дед или отец. Девочки были заботливыми хозяйками, знакомились с рукоделием, пекли ненецкие лепёшки. Мальчишки, конечно же, выполняли роль оленеводов. Знакомились с мужским ремеслом, учились, как правильно добывать дрова в тундре, плести тынзей. А затем все дружно пили чай, настоянный на тундровых травах, с вкусными лепёшками. Я уверена, что детям понравились такие уроки. Знакомили их с ненецкими играми и игрушками. Игрушка – один из важнейших видов народного творчества. Она всегда считалась предметом, необходимым ребёнку для развития и познания окружающего мира. Поэтому секреты её изготовления передавались от матери к дочери, от отца к сыну. Ненецкий народ имеет много свое-образных, занимательных игрушек, которые передаются из поколения в поколение. А для воспитанников детского дома мы провели познавательную программу «Ненецкие песни и танцы», познакомили с творчеством ненецкого народа, песнями и стихами наших поэтов Василия Ледкова и Прокопия Явтысого, организовали мастер-класс по плетению ложных традиционных кос.
Впереди ещё 12 занятий. Их проведём для учащихся Ненецкой средней школы им. А. П. Пырерки. Они узнают об особенностях ведения хозяйства (оленеводства, рыболовства, охоты, промысла на морского зверя). Итогом станет издание методического пособия по нравственному воспитанию ненецких детей.