Вы здесь

Ивнанд’ ӈэда сер’’ танебнанда

Няхар’’ юкад вата по’’ ямбан Ульяна Николаевна Апицына Индиган’ илеванзь товысь, тикы яхана тенад иле. Нись’ ӈахакуна ӈэсыхындо’ библиотекахана манзарась пядась. Паской Тиман я, сава хибяри’’, хуний хуркари серкана нядаӈгось парумбасеты, мята тер’’ ӈадима’’ – тарця сер’’ ябамда таслаць.

Теда’ пыдамда тикы я’ терӈэ тасламбида. Ӈэсыхынандо’ илена’’ хибяри’’ библиотекан’ харвась турцеты’’, библиотекандо’ фонд’ пили’’ ӈарумдана. Ивнанда ӈэда манзаита’’ е’’эмня ӈод’’ времяда хаюрӈа.
– Индигахана мань семьяв’ соясь, ивнян’ ӈэда манзаядув’ ходамзь, илеван’ сер’ пэрманда манзаин’ пэрӈадм’. Ӈудин’ мэцетыдм’, сэдорасетыдм’, ненэцие’’ сувенир’’ сертабасетыдм’, – тарем Ульяна Николаевна лахана. – Тикы’ е’’эмня яӈга тоходанадамзь, мастер-классха’ ядэрӈадамзь. Теда’ сэдорасетыдм. Тяхакуна сэдорани’’ харадхана манзарадамзь, таняна сэдоранзь тоходанадамзь, вэсаков’ тыбэртясь, хусувэй таранадамда сэдабасетыдм.
Школахана тоходанаван’ мальӈгана домоводство урокана’’ танесеты’’. Тохолкодава’’ Евдокия Ефимовна Хатанзейской ӈока ӈамгэм’ сертамбась сид’’на тохоламбись. Пыда урокада’’ илӈганани’ саць таранаӈэ хая’’. Манзаямда теневана тохолкодами’ пили’’ тенев’, нянда ӈарка вада’’. Теда’ тарабнанда хар’’н е’’эмнян сэдорасетыдм’, хибяри’’ cэдъи’’ пэрцетыдм’, еся’’ няд’’ма. Сэдорава’’ ивнан’ ӈэда сер’.
Индигахана мэвани’ мальӈгана Ульяна Николаевнам’ манзарась лохонанда хованзь, ӈэсыхындо’ библиотекахана. Манзаянда’ нямна ӈока намгэм’ хэтась, школандо’ ня ӈобнзер’’ сертамбада манзаидо’ танесеты’’, хурка мэкад хибяридо’ ӈэсыхынандо’ иле’’ хибярихи’ ваде’’цетыдо’.
– Ӈэсыхынана’’ илена’’ хибяри’’ детектив’’ толабасеты’’. Ӈацекы’’ турцеты’’, урокандо’ е’’эмня таранадамдо’ пюрцеты’’, рефератм’ падабавандо’ ёльцяӈгана, исследовательской манзаи’’ падабаваханандо’ нядабасетын’. Манзаяси’ нисетыдм’ хасена’’. Ӈамбэй хибяри’’ ня’ манзарасетыдм’. Едэй по’ това’’ нерцюна творческой выставкам’ « Валенки, валенки не подшиты стареньки» сертаваць. Хибяри’’ харто’ сертавы’’ манзаидо’ тэвраць. Хари’’ ӈудаха’’нато’ сертавы’’ манзаяхато’ ӈока и’’ӈудм’ паклемби’’.
Сямянд’ сававна сертавы манзаи’’ едэй по’ тось таслаӈгана’’, тикахана ӈобкана ма’’лаӈгуна’’. Конкурсан’ манзаидо’ тэвравы’’ хибярихи’ ӈарка вадам’ хэтбидм. Тарця конкурс’ хибяри’’ ӈоб’’ня’ пэрӈа.
Хибярина’’ библиотекан’ харвась турцеты’’, толаӈговам’ мэнедо’. Хуркари’’ книга’’ таня’’, фондава’’ мат’’ ёнаркад ва’’ӈа’’. Едэй книги’’ тэврабсетыва’’, фондава’’ пили’’ несэюмдамбива’’. Тюку по’ ӈока периодической издания’’ падаваць – газета’’, журнал’’ турӈа’’. Хибярихи’’на’’ ӈани’’ тарана’’.
Толанзёда’’ хибяри’’ поӈгана хар’’н паӈгун’ ханяхад мимам’ тасламбась пямась. Мань нюдякоходан’ Хонгурейхана иледамзь.
Нись’ ӈахакуна «Хонгурей моего детства» книгам’ ходамзь, Николай Гаврилович Филиппов падвы. Книгахана нисян’ нямна падвы вади’’ толадамзь, ихинян’ саць савась. Тарця книгам’ мядонзэйӈэ не’’ нин’’ е’’эмня тэмдадамзь. Нисяв, небяв Хонгурейхана илеӈаханзь. Нисяв Николай Степанович Ледков ӈэсыхына мотористаӈэ манзарась. Небяв Анна Андреевна Канюкова «Нарьяна ты» колхозхана манзаранась. Маня’’ нюдява’’ ӈэвана’’ мальӈгана ӈэсыхынана’’ ӈарка животноводческой ферма танясь, небява’’ таняна манзаранаӈэ тарась.
Тикахад Хонгурейхад Нельмин’ салян илеванзь хаяваць. Нисява’’ саць хануясь, тикахад яӈгумась. Небянана’’ сидна’’ вадабась сибиць нись’ ӈа’’. Саляхана хадава’’ илесь, небяна’’ небя сидна’’ таня хаӈась. Таня мюсейнаць. Небяна’’ cамляӈг не’’нюда’’, мал’ вадыва’’. Небява’’ теда’ ӈод’’ Нельминхана иле. Мядоманзь таня ӈэдалёрцетыва’’, пыда’ ӈод’’ тяхакуна Индиган’ турцеты.
Мань вэсаков, Николай Петрович Апицына, тэхэ’’на мэнась. Хасуюдимдей ӈэсыхана бригадирӈэ манзарась. Пыда нисяда Пётр Николаевич Апицын ӈани’’ хойхана манзарась, ӈока по’’ ямбан’ бригадираць. Теда Индигахана иле, Римма не нюда нядамбида.
Мань вэсакон’ ня сидя нюми’ ваданись, хасава нюкцями яӈгумась. Не’ нюми Тельвискахана иле, таняна манзара. Тарем’ еримбнанда някунда мядоманзь хэсетыдм’. Ӈопой не нюкцями, ханяна тябекусетыдм’.
Тарем ӈэсыхынана’’ илева’’, манзарава’’, хусувэна’’ ивнанда’ ӈэда серта танесеты.


Перевод на русский язык

Когда есть дело по душе

Почти тридцать лет Ульяна Николаевна Апицына живёт в посёлке Индига. Красота тиманской земли, доброжелательные, готовые всегда прийти на помощь люди и, конечно, семья сыграли в судьбе главную роль. Встретились мы с героиней нашего материала на её рабочем месте, в поселковой библиотеке, фонды которой постоянно обновляются, а читатели с удовольствием приходят сюда каждый день.

– Я обрела в Индиге, наверное, всё о чём мечтает женщина: семью, любимую работу. У меня есть увлечение: изготовление ненецких сувениров, – рассказывает Ульяна Николаевна. – Училась в Нарьян-Маре у настоящих мастеров, посещала мастер-классы. Раньше работала в мехпошиве, там и научилась шить. В школе были уроки домоводства. Евдокия Ефимовна Хатанзейская, наша учительница, многому научила. Эти уроки пригодились в жизни. Часто вспоминаю талантливого педагога и благодарю её безмерно. Для себя шью и на заказ. Неплохое подспорье для семьи и радость для души.
Что же читают сельчане? По словам Ульяны Николаевны, в основном детективы. Но не только:
– Женщины часто спрашивают про любовные романы. Школьникам нужны материалы для написания рефератов, исследовательских работ. Словом, скучать некогда. Не остаются без внимания и пожилые люди. К новому году, к примеру, подготовили творческую выставку-конкурс «Валенки, валенки не подшиты стареньки!». Люди приносят свои работы. Каждый вкладывает в них душу. Итоги конкурса подвели на Крещение. Такие мероприятия сплачивают сельчан. В библиотеку приходят люди с удовольствием, много читают. В нашем фонде более шести тысяч экземпляров, и он постоянно пополняется. На этот год выписано много периодических изданий – газет, журналов. Это необходимо и нам, и читателям.
Не так давно я увлеклась древом своего рода, приобрела книгу «Хонгурей моего детства». Её автор – Николай Гаврилович Филиппов. Я родом из этого посёлка. В книге прочитала о своём отце и была тронута воспоминаниями автора. Сёстрам в подарок тоже её купила. Родители наши жили и работали в Хонгурее. Отец, Ледков Николай Степанович, был первым мотористом в деревне. Мама, Канюкова Анна Андреевна, работала в колхозе «Наръяна ты». Во времена нашего детства там была крупная животноводческая ферма, мама трудилась на скотном дворе.
Потом пришлось по семейным обстоятельствам переехать в Нельмин Нос. У отца было слабое здоровье, его рано не стало. Маме трудно было управляться с хозяйством и растить нас одной. Бабушка жила в посёлке и пригласила к себе. В нашей семье было пять девчонок. Мама до сих пор живёт в родном посёлке. Навещаем её, в гости ездим.
Мой муж, Николай Петрович Апицын, работал в оленеводстве, был бригадиром бригады № 9. Он из семьи потомственных оленеводов. Его отцу, Петру Николаевичу Апицыну, пошёл девятый десяток, живёт с дочерью Риммой. С мужем мы вырастили двоих детей, сына уже нет. А дочь живёт и работает в Тельвиске, по возможности езжу к ней. Скучаю, она ведь отдушина моя единственная. Вот так и живём, работаем, дело по душе у каждого есть.