Вы здесь

Хари’’ вада – хибяри’’ инд

Ольга Варницына – преподаватель ненецкого языка

Хари’’ вадам’ лэтрава’’, нерня’ минрева’’ манзаям’ ненэцие’ хибярина’’ «Ясавэй» ассоциация’’ манзаянанда сямянд таранаӈэ тасламбида.

 

Вадам’ тохоламбава’’ е’’эмня общественной организация проектм’ падась. 

Тарем’ грантм’ 250 ёнар’’ есям’ социальной проект’ манзарава’’ е’’эмня ня’’мась. Тикы’ еся’’мна Няръяна маркана харвана’’ ненэця’ вадам тохоламби’’. Вадам’ тохоламбаван’ харвана’’ хибяри’’ хусувэй си’’ивхана сидямэвна ма’’люрӈа’’, группахана сидя юд’ мян хибяри’’. 

Вадам’ тохоламбава программа сидя ириян’ таславы – ты’’ ниць, вэба ирийхана манзараӈгу’’. 

Тохолкодадо’ – Ненэцие’ центр развития образования методистӈэ манзарана Ольга Варницына. 

Ассоциация «Ясавэй» президент’ Юрий Хатанзейский мась, тарця урок’’ нянана’’ саць тара’’, хари’’ тэнз’ вадам’, культурам’ юрбась вуни’’ серос’’. Пыда ивнянда, нерня’ сырць тарця тоходанава’’ тамна танебнандо’ тараӈгу. Тикахана харвабнанда хибярина’’ харто’ вадавнандо’ харвась лаханаӈгу’’, вадамдо’ тохолабаӈгудо’. 

Нюртей урокханандо’ вадамдо’ тохоламбаван’ харвана’’ ненэця’’ хари’’ вадандо’ нямна лаханаць, тикахад вади’’ хэтамбиць, ниня’’ ӈарка предложения’’ сертабиць. Тамна паднаць. Тикахад’ маниеӈгудо’, курсха’ тобнандо’ ханзер’’ паднаць, тоходанавам’ ёльцесь падвыдо’ хуркаӈэ’ хая’’. 

Хусувэй вадамда тохоламбаван’ харвана хибяри харвась тоходана, иринато’ вадам’ ивъер’ тохолаван’ харванархадо’. Тарем’ ӈэбнанда, харвась курсха’ турпато’, ивъер’ тоходанабнандо’ хари’’ вадам’ теневава’’ серудо’ нерня’ нензхалтыд’’. 

Ольга Варницына ибедормавна, ненэця’’ вада – тохоламбавахана сямянд саӈговота вада. Фонетикада тоена, хусувэй мун’’ сававна хэтабась тара. Ниня’’ тарем’ хэтбат, ӈани’’ вада’ ӈадимда. 

Тохолкода вадавна, вадам’ тохоламбава проектна’’ нюртей’ пеляда ваераны, курсха’ турта’’ нина’’ хусувэй урокхана харвась манзара’’, ӈока ӈамгэ’ нямна хонаркосеты’’. Словарь’’мана манзарась тоходанаваць, лаханава’’, паднава’’. 

Ольга Ивановна Герцен’ нювм’ нюбета РГПУ ӈэрм’ тэнз’ ненэцие’’ институтм’ ёльцевы. Нельмин Саляхана ненэця’, луца’ вада тохолкодаӈэ манзарась, тикы’ пуд’’ Бугринохона воспитатель’ группы продленного дня манзаям’ пэрӈась, тикы’ хавна физкультура урок’ минресь, английской вадан’ ӈацекы’’ тохолабись. 

Теда’ пыда Ненэцие’ региональной центр развития образования методистӈэ тара’’. Тарця манзаяхана Ольга Ивановна несэй хибяри, тикахана нись пон’ манзарабнанда’ ӈод’’ пыдамда манзаямда теневанаӈэ манэ’’лабтамбида. 

Таӈы’ ямбан’ вадамдо’ тохоламбада’’ нина’’ социальной сетьхана ВКонтактхана, мессенджер WhatsАpрхана мэтадо’. 

Ольга Ивановна мась, интернетхана тоходавава’’ минреӈгува’’, тохолавы вади’’ ихиня хаврабӈгува’’, няха’’на’’ паднаӈгува’’, тарем’ лаханаӈгува’’. 

Вэба’ ирийхана ӈобкана ӈани’’ ма’’лаӈгуна’’. 


 

Перевод на русский язык

 

Язык – душа народа

Одним из приоритетных направлений в работе Ассоциации ненецкого народа «Ясавэй» является сохранение и развитие языка.

 

Общественная организация выиграла грант в размере 250 тысяч рублей на реализацию социального проекта. На эти средства в Нарьян-Маре организовали курсы по изучению ненецкого языка.

Уроки проходят три раза в неделю, в группе занимаются около 20 человек.

Программа обучения рассчитана на два месяца – май и сентябрь. Преподаватель – методист Ненецкого регионального центра развития образования Ольга Варницына. Президент Ассоциации «Ясавэй» Юрий Хатанзейский отметил, что подобные уроки необходимы, ведь нельзя забывать язык и культуру народа. По его мнению, со временем такие курсы станут популярны и подтолкнут многих людей к желанию говорить на своем языке, изучать его.

На первом занятии ученики изучали основы языка и простых предложений, а также написали текст, чтобы определить свой уровень знаний и сравнить его с уровнем знаний в конце обучения. Позитивный настрой, желание изучать язык предков, несомненно, должны привести к успеху.

По мнению Ольги Варницыной, ненецкий язык – один из самых трудных. Из-за сложной фонетики ученикам очень важно научиться правильно проговаривать звуки. Как заявила педагог, первые занятия убедили ее в том, что участники проекта работают на уроках на совесть. Учатся работать со словарем, много говорят, пишут. 

Ольга Ивановна окончила институт народов Севера РГПУ имени Герцена. Работала учителем ненецкого и русского языков в национальном поселке Нельмин Нос, затем воспитателем группы продленного дня, учителем физкультуры и английского языка в Бугрино. В настоящее время трудится методистом Ненецкого регионального центра развития образования. Хотя в этом деле Ольга Варницына новичок, но за короткий период работы зарекомендовала себя как творческий и идейный вдохновитель.

Летом слушатели смогут закрепить полученные знания в социальной сети «ВКонтакте» и мессенджере WhatsАpр. Как подтвердила Ольга Ивановна, общение продолжится через интернет, ведь повторять слова, помогать друг другу в написании и произношении слов, вести диалоги можно и дистанционно.