Вы здесь

Наставник молодёжи

8 июня ветеран оленеводства округа Афанасий Петрович Канюков принимал поздравления с 80-летием

В любой работе есть профессионалы, также и в оленеводстве. Родиться и жить нужно в тундре, с младенчества видеть труд оленевода-отца, тогда и профессию осваивать легче, тогда получится настоящий оленевод – так рассуждает большинство людей, которые связали жизнь с оленеводством. – У пастуха всё должно быть выстроено чётко, тогда и успех будет. В его работе нет выходных, только будни. Во время отёла, например, и вздремнуть бывает некогда. А сколько сил и знаний требует забойная кампания. Да и любое дело в условиях Крайнего Севера требует много усилий и ответственного отношения.
А ветеранам оленеводам очень важно передать знания сыновьям, которые, в свою очередь, достались им от дедов и отцов. Это главная задача – успеть передать секреты и навыки будущим поколениям. Чтобы традиционный уклад жизни кочевого народа никогда не угас. Афанасий Петрович Канюков оленевод- ветеран колхоза «Нярьяна ты». Пятьдесят лет составляет его трудовой стаж. И сегодня, если надо, он может отправиться в стойбище и заменить в работе молодых коллег. Всегда даст добрый совет и подскажет, как поступить в той или в другой ситуации, поддержит словом и делом.
Афанасий Петрович родился 8 июня 1940 года в Малоземельской тундре в семье потомственных оленеводов. Его родители всю свою жизнь посвятили тундре. Мать, Пелагея Михайловна, была чумработницей. Отец, Пётр Иванович, сначала работал пастухом-оленеводом, а затем более трех десятков лет стоял во главе оленеводческой бригады в колхозе «Нярьяна ты». Прошёл всю войну от начала и до конца. У Афанасия выбор профессии определился сам собой. В 20 лет, после окончания зооветтехникума, 1 августа 1960 года он пришёл работать в бригаду № 2, где руководителем был его отец.
– Чтобы стать хорошим оленеводом, нужна большая практика, опыт, а поначалу – хороший наставник. Моим наставником был отец. Он стал настоящим учителем для многих пастухов моего поколения. Тундра для нас – родина, работа и жизнь. К труду тундровых детей приучали с малых лет, как только начинали ходить. Ещё до школы ребёнок уже умел самостоятельно ловить оленей. А помощь по хозяйству их святая обязанность: дров нарубить, воды принести, присмотреть за младшими.
Родиться и жить нужно в тундре, с младенчества видеть труд оленевода, тогда и профессию осваивать легче, тогда получится настоящий оленевод. В тундре всё чётко должно быть выстроено, тогда и успех будет, – убеждён Афанасий Канюков.

Поздравление в адрес юбиляра направил совет ветеранов посёлка:
– Афанасий Петрович Канюков – наш земляк, много лет прожил в Хонгурее, работал в оленеводстве. Вместе с женой, Юлией Александровной, прожили счастливую жизнь. Вырастили и воспитали четверых детей, всем дали образование. К сожалению, рано ушла из жизни любимая супруга. После смерти Юлии Александровны он переехал на постоянное место жительства в Нарьян-Мар. И вот уже почти два десятилетия живёт рядом с детьми. Он дедушка семи внуков и у него две правнучки. Сегодня много внимания уделяет любимым внукам.
Ветеран Афанасий Петрович Канюков и сегодня может подняться в тундру. Очень скучает по тундровым просторам, где проработал полвека, скучает по оленям. Олень – главное для каждого оленевода, а тундра – его дом, здесь родился, здесь и пригодился.
Сегодня мы поздравляем Афанасия Петровича с юбилеем. Желаем ему крепкого здоровья, бодрости духа и пусть каждый день приносит радость. Спасибо за труд и доброе отношение к землякам!


 Перевод на ненецкий язык

Хойхана соявы

Тюку ирий’ сиднтетимдей яляхана Афанасий Петрович Канюков со’’яма яляхананда ӈока ихид’ минда вади’’ намдась.

Хусувэй серкана манзаидо’ теневана’’ хибяри’’ манзара’’, тарем’ ӈод’ тыбэрмахана. Сава тыбэртяӈэ хэва’’ е’’эмня, хойхана соясь, вадёсь тара, нюдякоход тыбэртя’ манзаи’’ маниесь. Тикахана ӈацекы вадёмахаданда тыбэртяӈэ манзараван’ харваӈгу. Пыда манзаямда теневана тыбэртяӈэ ханта. Ӈокаюв’ хойхана манзарана’’ тыбэртя’’ тарем’ тасалку’’, пыдо’ тенева’’.
Тыбэртя манзаяхана хусувэй ӈамгэда сававна таславы ӈэбнанда, тикахана манзаянанда серуда сава’’ ӈэӈгу’’. Хойхана манзаранина’’ ныланава ялудо’ яӈгусеты, хусувэй яляхана манзаяхато’ тарпурцеты’’. Ты’’ниць ёльцяӈгана немахартадо’ яӈгусеты. Забойной кампания’ мальӈгана манзаидо’ ӈадя’’ ӈокамзеты. Тыбэртина манзая’ сибиць ни’’ӈа’’, тарем’ ӈод’’ хусувэй хойхана мюсерта хибяри варёмда мэць харта явнанда мюсерць иле, манзара.
Ӈока по’’ ямбан’ хойхана манзаравы’’ ненэця’ манзаито’ теневавам’ харто’ нюхуто’ хаембидо’, нюдо’ хусувэй серт’ тохолабидо’. Хой’ илм’ теневась тара. Мюсерта’’ ненэцие’’ илӈгана харта ватода тане. Ирихид, нисяхад минда вато’. Ӈарка ненэця’’ теневанидо’ нюхуто’ ваде’’ядо’, нюхуто’ тэврамбидо’. Нюдо’ харто’ нюхуто’ ваде’’тыдо’. Тарем’ ӈэбнанда яханана’’ ненэця’’ мюсерта’’, тына’’ танеӈгу’’.
Афанасий Петрович Канюков’ «Нярьяна ты» колхоз’ ветеран. Самляӈг ю’’ по’’ ямбан’ тэхэ’’на’’ манзаравы. Пыда Нюдя’ яхана мюсерта’’ ненэцие’’ мякана 1940 по’ саво’ ирий’ 8 яляхана соясь. Нисяда, небяда илеванди’ ямбан’ хойхана мюсерӈаханзь, тыбэртяханзь. Небяда’ Пелагея Михайловна мяд’ манзаи’’ пэртясь. Нисяда’ Пётр Иванович илеванда’ ямбан тэхэ’’на’’ мэнась, «Няръяна ты» колхозхана нябимдей бригадахана няхар’’ ю’’ по’’ ямбан’ бригадирӈэ тарась. Пудана ӈарка сайнормахана нертей яляхад’ пудана ялянда’ ӈэсонд сайнорӈась. Хойхана соявы, вадювы Афанасий хойхана манзараванзь хаись. Сидя ю’’ похонанда зооветтехникум’ ёльцесь. 1960 по’ пилю’’ ирий’ нертей яляхана «Няръяна ты» колхоз’ нябимдей ӈэсын’ манзараванзь тэвыць. Таняна тамальӈгана нисяда манзарась.
– Сава тыбэртяӈэ хэва’’ е’’эмня, хой’ илм’ теневась тара, таняна вадёсь. Таняна илена’’, манзарана’’ хибяри’’ манзаи’’ маниесь. Ӈацекым’ нюдякоданда хусувэй серт’ табадамба тара. Мань нисяв’ сими нерня’ пэртясь. Пыда сава тохолкодась, ӈока хибярим’ манзаян’ табадась, нядась.
Хой’ ява’’ – со’’яма ява’’, манзаява’’, илва’’. Хой’ ӈацекы’’ нюдякоходандо’ манзаян’ табадамбада. Хасава ӈацекы школан’ хэванда ӈэсонд мале тым’ яркась мянцеты. Мякана ӈацекы’’ сава нядаӈгода’’ ӈэсеты: мят’ пям’, ид’ тэвраӈгу’’, нюдяко нидо’ маниеӈгу’’.
Хойхана соясь, илесь тара, нюдякоход тыбэртя манзаи’’ маниесь. Тикахана ӈацекы’’ хойхана манзараван’ харваӈгу. Тарця ӈацекэхэд’ нянэй тыбэртя ӈадимда, – тарем’ Афанасий Петрович тасламбида.
Афанасий Петрович паӈгуда Нюдя яхад’ пере’’. Тюку яхана мал’’ перенида’’ иле’’, ӈокаювдо’ тэхэ’’на’’ манзарана’’. Нисяда, хасава няда, харта ӈарка хасава нюда тыбэртяӈэ «Няръяна тэхэна» манзаравы’’. Нерняна ӈод’’ Канюков’ тэнз’ мэта ненэця’’ харто’ явнандо’ тыдо’ маниесь мюсерта’’. Тикы е’’эмня пыда ида’ ядэрцеты. Ханярина мюсерта’’ ненэця’’, тыбэртя’’ ил’ савумдабась тара. Пыдо’ харто’ яханандо’ таӈгда илебнандо’, тыто’ хадырць я’ танябнанда.
Тыбэртя нява’’ Хонгурейхана ӈока по’’ ямбан’ илесь, тикы ӈэсыхына нюда’’ вадыць, тоходанаць, илець. Ӈэсыхынанда илена’’ нита’’ ня’ пили’’ сава ӈэсеты, ненэцие’ хуркари’’ серкана нядабасетыда. Хонгурей’ тер’’ хибяри’’ тыбэртя’ нямдо’ тенедо’. Со’’яма яляхананда няхандо’ сейхад ӈэда’’вадидо’ мэ’’ӈаць. Ӈэсынандо’ илена’’ ветеран’’ клубдо’ тане.
Афанасий Петровичан’ ихид’ минда вадидо’ ӈэсынанда илена’’ ветеран’’ хэтаць: – Афанасий Петрович Канюков – маня’’ яна’’ тер’ нява’’, ӈока по’’ ямбан’ Хонгурейхана илесь, тыбэртяӈэ манзарась. Пухуцяда’ Юлия Александровна тохолкодась, ӈока по’’ ямбан’ ябдась илеӈаханзь. Тет нюмди’ вадаӈаханзь. Пухуцяда мер’’ яӈгумась. Тикы’ пуд Афанасий Петрович март’ илелъяць, не нюнда хэвхана иле. Сидя юкад’ вата по’’ ямбан’ нюхута нядаӈгу. Пыда си’’ив внукда, сидя правнучкада.
Маркана илебнанда’ ӈод’’ хой’ янда нямна ида’ пили’’ няркнасеты. Теда’ ӈод’’ Афанасий Петрович Канюков харвабнанда хоян’ танаӈгу. Тыбэртяӈэ самляӈг ю’’ по’’ ямбан’ манзаравы ненэць мюсермы янда’ нямна, тыта’’ нямна ида’ ядэрӈа’’. Тыбэртя е’’эмня ты’’ сямянд тарана, хой’ яда – пыда мята, таняна соявы, таняна илеванда’ ямбан манзаравы.
Тюку яля’ Афанасий Петрович со’’яма яляхананда тарця вади’’ хэтбива’’. Сенз’ ӈэя, ябда пон’ илея, хусувэй яля’ маймбцодамда тэврамбая. Пыда пон’ манзарась, яхананда илена’’ нита’’ ня’ сава ӈэсеты, тикы ед’ нянда ӈарка вадам’ мэ’’ӈава’’!