Вы здесь

Канюков тэнзандо’ паӈг мэбэ’’ӈа

По’’ мер’ ваераӈга. Сайнормахана мэвы хибярина’’ нито’ помна яӈгумдана’’, хибяри’’ ханяӈы сайнормам’ теневадо’. Хусувэй по’ нара турӈа. Ӈацекы’’ вадюдана’’. Харто’ манзаидо’ падби’’. Тарця манзаи’’ толабахая маниева’’, ӈацекы’’ сайнормахана мэвы иринадо’ теневыдо’, ханяна пыдо’ сайнормы’’ тикым’ ӈод’’ тохолабидо’.

Тарця падарм’ Омахад ня’’маваць. Сайнормы ненэця’ Канюков Максим Васильевич ню’’, нюта ню’’ пададонзь. Ириндо’ ил’ нямна материал’ Ома ӈэсыхына манзарана тохолкодаха’ Юлия Бобрикова, Надежда Вольхина ма’’лавэхэнзь. Пыдо’ тарця вади’’ падаць.
– Маня’’ сайнормам’ ехэрась вадюданаваць, тарем’ ӈод’’ сайнорма’ нямна ӈока ӈамгэм’ теневава’’. Маня’’ ирива’’ Канюков Максим Васильевич сайнормы ненэць’, пыда 1912 похона Канин выӈгана’ харто’ тыдо’ пэртя ненэця’ мякана соявысь. 1941 по’ сырэй’ мальӈгана фронтан’ хаясь. Харта ямда хэвняд товы’’ хибярихит лэтравась тыда, мята ханась ӈэдалавыць. Несьхад оленно-транспортной эшелонхана хаясь.
1941 по’ ӈарка пэвдэй’ ирийхана Максим Васильевич присягам’ ня’’мась. Карельской фронтхана тетимдей отдельной оленно-лыжной батальонхана сайнорӈась.
«Лапландиям’» нюбета германской армия 20-й войсковой разведка 1942 по’ нертей яля’’ мальӈгана ОТ-1, ОТ-2, ОТ-3 ӈадимым’ пилю’’ӈаць. Ӈамгэ’’ ӈэдакы’’ ехэраць. Тэхэ’’на’’ сайнормам’ пыдо’ ханяхад манэ’’мы’’.
1942 по’ ӈэрё тамна тет дивизионной няби бригадной оленной транспорт’’ ӈадимяць, хусувэхэна мат’’ юр’’ тэдось. Ротахана 96 хибярись. Илеванда’ мальӈгана ирива’’ вадецетыда ханзер’’ мэтида мэць разведкан’ ядэрмысь, сян’ мэвна пендирта’’ понд’ еривормысь. Пендиртахат хунба хою’’ помна лыӈгарёсь илесь хаёвы. Максим Васильевич Мурманск’ няна няхар’’ по’’ ямбан’ сайнорӈась, контузиям’ ня’’амвысь. Наградной листхананда тарця вади’’ падвыць: – Канюков М.В’. тыбэртя, дивизионной оленной транспортхана 31ОЛ бригадахана мэванда’ ямбан’ пыдамда ӈамгэхэртм’ ниня пилюта хибяриӈэ манэ’’лабтадась. Тэхэ’’на ханя тара таня тэворцеты. Сайнорта нида’’ нядабась, нянандо’ тарана ӈавори’’ – оружие, боеприпас’’ ёльцьхананда тэврабсетыда. Хуркари манзаямда саваривна сертабасьтыда.
Канюков тыда сававна пэртя ненэця’. Разведрота’ ня’ вэвко хибяри’’ тылан’ тэвормысь. Сававна сайнорманда’ е’’эмня Правительственной наградам’ миць серо’’ӈа’’.
Пыдамда нись сяй ирива’’ Карельской фронтхана сайнорӈась, тикы ед’ тарця награды’’ ня’’мась – медаль «За отвагу», «За оборону Заполярья», «За победу над Германией в ВОВ 1941-1945». 1945 похона сайнорма ёльцесь харта яханда ӈэдалэяць. Сайнормы ненэць’ мяканда тось сехэрэда ямб’ ӈэвысь, валакада 1946 похона вынд’ мяканда тэвыць.
Сайнорма’ пуд Максим Васильевич тэхэ’’на мэсь, харта тыда пэртясь, тикахад Чкалов’ колхозхана манзарась. Ирива’’ саць сава хибярись. Илеванда’ ямбан’ хуркари’’ сер’’ манэ’’мы. Пыда хибярихи’’на’’ пили’’ сава ӈэсьты, сава серм’ сертабась ёдтёдась.
Ирива’’ 1972 по’ вэба’ ирий няхарамдэй яляхана яӈгумась, Вижасхана сюры. Сайнормы ненэць’ Максим Васильевич Канюков харта ямда сахарамбада хибяри ӈэвысь. Пуданда ӈарка сехэрым’ хаевы. Няданда миндя паӈгдо’ нерня’ нюда’’, нюта ню’’, нюта ню’’ ню’’ минредо’. Ил’ нерня’ миӈа.


Перевод на русский язык

Крепкий стержень рода Канюковых

...Растут юбилейные цифры. Уходят из жизни ветераны Великой Отечественной – последние живые свидетели той войны. Но возвращаются вёсны. И растут дети. И пишут свои строки в историю страны. Читая их, видишь непрерываемую связь поколений и убеждаешься, что родовая память народа будет передана нашими детьми их детям – правнукам и праправнукам героев Великой Отечественной.

Это письмо, написанное на основе информации, собранной учителями школы с. Ома Юлией Бобриковой и Надеждой Вольхиной, мы получили от детей и внуков оленевода-фронтовика Максима Васильевича Канюкова.
« Мы родились в счастливое, мирное время, но много слышали о войне, ведь горе не обошло стороной и нашу семью. Дедушка – Канюков Максим Васильевич родился в 1912 году в Канинской тундре, в семье оленевода-единоличника. Зимой 1941 года он был призван на фронт. Защищать родину отправился со своими оленями, с чумом. Пунктом отправки оленетранспортного эшелона было село Несь.
В декабре 41-го Максим Васильевич принял присягу. Воевал он на Карельском фронте в 4-м отдельном оленном лыжном батальоне. В начале 1942 года войсковая разведка 20-й горной германской армии «Лапландия» установила, что в тылах 14-й армии противника появились части с загадочными названиями – ОТ-1, ОТ-2, ОТ-3. Немецкие генштабисты гадали: у большевиков, видимо, сформированы особые танковые части, готовится наступление. Однако за этой аббревиатурой скрывались всего-навсего скромные оленные транспорты.
Осенью 1942 года были дополнительно сформированы четыре дивизионных и бригадных оленных транспорта, в каждом из которых было по 600 оленей. В транспорте (роте) служили 96 бойцов и командиров, одним из них был наш дед. Дед вспоминал, что ему часто приходилось на упряжке отправляться в разведку, во время одной из таких вылазок он попал под сильный обстрел. Стараясь скрыться, он маневрировал между скал и чудом остался жив. Максим Васильевич воевал в составе оленной армии на Мурманском направлении почти три года, был контужен.
Из наградного листа мы узнали:
«Пастух-оленевод, товарищ Канюков М.В. за период службы в дивизионном оленном транспорте 31 ОЛ бригады показал себя мужественным бойцом – оленеводом. Он участвовал во всех боевых выходах в глубокий тыл противника.
Своевременно и аккуратно доставлял оружие, боеприпасы на поля боя. Аккуратно сохранил тот ценный боевой груз, который ему поручался.
Он – участник 12-суточного выхода с разведротой в глубокий тыл противника. Тов. Канюков в февральских боевых операциях при умелом маскировании при налете вражеской авиации сохранил поголовье оленей и тот ценный боевой груз, который ему был поручен, несмотря на то, что это было смертельно опасно. Тов. Канюков вполне заслуживает Правительственной награды».
За мужество, проявленное в боях на Карельском фронте, наш дед был награжден медалями «За отвагу», «За оборону Заполярья», «За победу над Германией в ВОВ 1941-1945». В 1945 году он был демобилизован. Но долгим и трудным был путь солдата в родные края, он вернулся домой только в 1946 году.
После войны Максим Васильевич был оленеводом-частником, когда образовался колхоз имени Чкалова, вступил в него. Наш дедушка – добрейшей души человек. Стойко пережил все жизненные невзгоды, всегда стремился к лучшему.
Умер он 3 сентября 1972 года, похоронен в Вижасе. Род с крепким стержнем, во главе которого многие годы стоял участник войны Максим Васильевич Канюков, человек большого благородства, который свято чтил законы своей земли, – продолжается. Его дело подхватили дети, внуки, правнуки, праправнуки.