Вы здесь

Пилибт’’ тенев

Дружная семья Рожиных

Анатолий Иванович Рожинмʼ школахана тоходанва похот тенев. Классан’ тюванда сер’’ ванёрабтё торовадарцеты, тикахад сидна’’ ненэй вадавна лахана, паднась тохоламбасеты. Ӈани’ ханяӈэхэ’’на педучилищахана тоходанни харта нянанда тавы ӈэсеты.               

Тадькэхэвад, хар’’н педучилищехэна тоходанван’ мальӈгана хамада’’ нисявув: лаханорма’ мальӈгана ненэця’ вадамʼ теневана танябта таравы, тикэхэвана урок и’’лекавна минда, вадамʼ ехэранар мерарка лахана пяӈгуда. Курсханана’’ нянанда лаханортаӈэ мань ӈопориманзь.
Ленинградхана тоходанван’ мальӈгана мякан’ миман сер’’ сян’ мэва Рожинха’’ тюӈгаманзь. Ӈоб’’ мэва пысакабтёда серт’ еремядамзь. Тюдм’, нё’ хэвхана нуван сер’’ сюдбабц’ мэта сём’ намдадм’. Мядондада ненэй сюдбабцм’ мэ’’ӈа. Таня тюсь, вахалъюв: – Ехэй, мядондида’’ танявыню’’, вадасавэй пуня’ сюрхалъюв’’. Лидия Григорьевна, тохолкодан’ не, ма’’нив:- Мядонда’’ ни’’ӈа’’. Тикы Анатолий Иванович харта хыно’’ӈа.
Тикарди сюдбабцо мэта сёвна хыно’’ӈась. Пысабцон’ малда яӈгусь. Луца’ хибяри ненэвна хыно’’ӈа. Хусувэри таремʼ хыноць я’’амӈгу.
Рожинха’’ выӈгана мэнари’’ вуниць тур’’. Тоходаннако’’, интернатхана иленаӈэсь, тохолкодина’’ хардаха’’ нюдяко’ ӈацекытоʼ няʼ сянакованзь ядэрцеты’’. Сянако’’махад тохолкодина’’ мякы’ сяйхана мядолабтамбасеты’’. Александра Федоровна’ ӈо’’, Анатолий Иванович’ небя, тет ӈацекэнда таняхая сидна’’ ханзеркава’’ ла’’амдамбавакы, ехэрадм’, Пыда ӈобтарем’ мядолабтамбасеты. Маня’’ ӈани’’ хар’’на’’ небякуна’’ хадакуна’’ пядвы сяйкоця ихиняна’’ минханда ха’’амсеты’’.
Рожин’’ семьяхана ӈацекыда мал’ вадабэй’’, тоходанбэй’’, дипломсавэй’’. Илевандо’ ямбан’ ивъер’’ манзарана’’. Пыдо’ яндаха’’на илебнандо’ ӈод’’ мал’ ӈобт’ ма’’лаӈгсеты’’. Тюку по’ Сыктывкархана ма’’лаӈгуд’’. Лахарёдо’ небяндо’, нисяндо’, харто’ иландо’ нямна, тамна перенита нямна минда’’ма.
Анатолий Ивановичанд 2017 по’ ты’’ ниць’ ирий нюртей яляхананда юр’’ самляӈг пода панысь. Ӈобтикы по’ маӈгты ирийхы’ пудана яляхананда ха’’махаданда тет ю’’ по панӈгу.
Хуркари яхана хибяри’’ илханандо’ саць пилюта, пилкабтада серт’ еремянгабяць. Маня’’ яханана’’ – няӈгуй немзя” 1941-1945 похы ява’’ ӈэдабава. А.И. Рожин Карельской фронтан’ ӈэдарабэясь.
Тарем’ сайнорць А.И.Рожин Норгʼ яʼ ӈэсондʼ тэввыць. Пинсяда сайнорта, Ява’’ сававна ӈэдабада Анатолий Иванович’ наградыда ӈока’’.
Тохолкодаӈэ манзараванда’ е’’эмня, тохолкурма’ нямна ӈока ӈамгэм’ сертавы’’ е’’эмня юнета А.И. Рожинан’ 1957 похона РСФСР’ Верховной Совет’ Президиум’ табековна «РСФСР’ школа’ заслуженной тохолкода» званием’ ня’’мась.
Тамна Анатолий Иванович Рожин Москвахана ӈэда Научно-исследовательской институтхана (НИИ национальных школ МО РСФСР) научной сотрудникӈэсь манзарабэй. Няръяна Маркана илеб’’нанда ӈо’’ Москвахана ученой’’ ня’ тоходанва’ нямна, тохолкурма’ нямна серо тасламбвы.     
Ӈавнанда ненэця’ вада Иван Михайловичан’, «Кочевникхана» манзаранахана таралмы’’. Нисяӈэсь Архангельскхана манзарана Анатолий нюмда вынд’ хамэдась. Луца’ вадам’ ехэрана’’ ненэцял мирдатна ня’ инда яданʼ лаханакурць я’’амӈгу. Анатолий’ нюда ненэй вадавна лаханако мер’’ туху, нисянда манзаям’’ сибимдада.
1931 похона Оксингана техникум’ ӈадима’ мальӈгана нисяда мирдатна отделениянʼ тоходанванзь нюмда ӈэдаравэда. Валакад нюнда иланда сехэры ӈанинзер’ сюрхалмы’’.
Г.Д. Вербов, ненэця’ вада тохолкода, тоходанна Анатолиймʼ сэвтевэда. Тикы луца хасавакор я”авла мэёць ненэй’ вадавна лаханавы. Анатолийм’ тохолкодаӈэсь тоходаннаха’’ нэкалмэдась. Григорий Давыдовичар, ученояр, по’ ямбан’ Ӈарка яхана экспедициям’ мэпэяр, марканана’’ манзаравэр Ленинградан’ салъй’’. Таданда Рожин Анатолийм’ тохолкурць хаевы’’.
Тоходанмахаданда Анатолий Иванович пили” пондан’ ненэця вадам’ минресь, тохолкодаӈэсь, окроно’ инспекторӈэсь, ӈань’’ тохолкодаӈэсь манзарась. Тарця манзаяхана округханана’’ няданда юнетарка сюдбярка тохолкода илхананда тев’ мальӈгана’’ яӈгусь. Ӈадьбята сита «Ӈарка луцаӈэ. Ӈарка хибяриӈэ» ненэця’’ поӈгнато’ нюмдебавангабядонзь.
Анатолий Иванович’ илхананда неда’ Лидия Григорьевна саць сава нядаӈгодадась. Сольвычегодскхана тоходанбэй, Няръяна мартʼ манзаравась ӈэдаравы ӈэвы. Пыда, Няръяна Маркы нюртей школахана пили’’ манзарась. Маркана, округхана ӈо’’ тохолкоди’’ поӈгана сава манзараӈэсь толысь.
Лидия Григорьевна, вэсаконда тотрев, нян нядаӈгодаӈэ таралмы’’. 1989 похона Салехардан’ миман’ мальӈгана Сыктывкархана нулӈгаманзь, несэймдавы букварьм’ нянда манэ’’лабтаманзь. Пыда падаркана падвын сававна манэсоро’’ма’ пуд нян мась: «Едэювна тохолкурма е’’эмня серо’’ӈа, сававна несэймдавы. Анатолий Ивановичар сит саву’’лаӈгусь». Тикэхэвана сёнзями таӈгась Салехардан’ мань тэвываць.
Букварьми’ теда’ мале 26 ватамбой по Ямалхана, Таймыркана, маня’’ яханана’’ тамна Санкт – Петербургхана мэ’’ӈадо’.
А.И.Рожин’ сертавэда ӈули’’ ӈока, пили’’ пондан лэтрабэй’’. Тюку тендад Анатолий Иванович’ падно’’ми едэй учебник’’ мю’ паклембидо’. Тюку тендад авторӈэ тара.
Ненэциехат ма’’лавы хынабцода, лаханакуда, вадакуда, хобцкуда Архангельскхана тамна Москвахы антропология’, этнография’ Петр’ Великой нюм’ мэта музейхана (МАЭ РАН, Кунсткамераӊэсь вадетахана) таня’’, лэт-рабэй’’.
Ӈадьбята Анатолий Иванович Рожин и’’ӈуканана’’, сейханана’’ пили’’ илеӈгу. Ӈарка юнета Рожинм’ пилибт’’ тенеӈгува’’.


Перевод на русский язык

Всегда помню

Анатолия Ивановича Рожина я помню со школьных лет. Он в класс заходил всегда с улыбкой и здоровался. Затем учил нас литературной ненецкой речи и грамотному письму.

Иногда учитель приводил на урок студентов педучилища. Потом, когда я уже сама начала учиться там, стало понятно: для диалога необходим собеседник. Ведь тогда те, кто не владеет ненецким языком, легче и быстрее начнут усваивать устную речь, а ненецкий язык был родным лишь для меня одной.
К Рожиным приходили не только взрослые, но и мы – школьники, живущие в интернате. Мы любили играть с малыми детьми. После игр Александра Фёдоровна, мама Анатолия Ивановича, угощала ароматным чаем, и мы словно оказывались в родном доме, рядом с мамами и бабушками, которые так же окружали нас заботой.
А еще нам, воспитанникам интерната, нравилось ходить в Дом пионеров на разные мероприятия, игры и танцы.
Потом я уехала в Ленинград на учебу. Возвращаясь на каникулах в родные края, иногда заходила к Рожиным. Однажды впала в замешательство. Зашла, стою у порога, и слышу исполнение эпической песни гостем. Я со словами «Извините, у вас гости» хотела повернуться к двери, но Лидия Григорьевна, жена Анатолия Ивановича, спокойно сказала: «Нет у нас никаких гостей. Это Анатолий Иванович сам поет». Удивительно! Сюдбабц исполнялся горловым пением. Очень интересно, не всякий тундровик владел таким исполнением эпоса ненецких былин.
Вообще-то ненецкий язык потребовался работнику кооператива «Кочевник» Ивану Михайловичу Рожину, который вызвал сына Анатолия, работающего в Архангельске, в тундру для облегчения общения при торговле с покупателями, не владеющими русским языком.
При открытии в 1931 году комплексного техникума Иван Михайлович направил сына на учебу в торговое отделение, но судьба Анатолия круто изменилась.
Г. Д. Вербов, преподававший ненецкий язык в комплексном техникуме в Оксино, заметил старательно изучавшего русский и ненецкий языки студента, и предложил ему перевестись на педагогическое отделение, что и сделал Анатолий.
Григорий Давыдович, ученый, после годовой экспедиции в Большеземельскую тундру и преподавания в городе возвращается в Ленинград, а студент Анатолий Рожин, к тому времени свободно владеющий ненецким языком, назначается преподавателем ненецкого языка.
С тех пор Анатолий Иванович работает преподавателем ненецкого языка, инспектором окружного отдела народного образования (окроно), опять преподавателем и внештатным ученым. Правда, у него был вынужденный перерыв, когда Анатолий Рожин ушел защищать родину от фашистских захватчиков.
Он прошел славный боевой путь в оленно-транспортной части Карельского фронта. Освобождая страну от врагов, А. И. Рожин дошел до Норвегии и вернулся домой в октябре 1945 года c боевыми наградами. В 1949 году ему была вручена медаль «За трудовое отличие», а в 1957 году указом Президиума Верховного Совета РСФСР Анатолию Ивановичу Рожину присвоено звание «Заслуженный учитель школы РСФСР».
Его, такого пытливого, объехавшего весь округ от Канина до Урала, изучившего нюансы звучания ненецкого языка, в народе называли «Ӈарка луца – Великий русский. Ӈарка хибяри – Великий человек». А. И. Рожин, кроме преподавательской, занимался еще научной деятельностью в Московском научно-исследовательском институте (НИИ МО РСФСР) внештатным научным сотрудником, решая образовательные и научные проблемы.
В судьбе Анатолия Ивановича был хороший, превосходный помощник, учитель начальных классов, его жена Лидия Григорьевна, которую после окончания Сольвычегодского педучилища по распределению направили в Нарьян-Мар. Лидия Григорьевна, учитель школы № 1, была признана одним из лучших учителей округа и города Нарьян-Мара.
В 1989 году, во время поездки в Салехард на конференцию, я по пути останавливалась в Сыктывкаре. Показывала рукопись обновленного учебника «Ненэця’ букварь» Лидии Григорьевне. Рукопись она внимательно просмотрела, проанализировала отличия и сказала: «Для использования в новых условиях и с учетом изменившихся требований подходит. И Анатолий Иванович одоб-рил бы».
В 1991 году «Ненэця’ букварь» авторов А. И. Рожина и Р. И. Канюковой в Санкт-Петербурге был признан учебником XXI века. Анатолию Ивановичу в мае 2017 года исполнилось бы 105 лет, а в июне – 40-я годовщина его смерти. Более трехсот фольклорных произведений и рассказов А. М. Щербаковой и А. И. Рожина хранятся в архивах Архангельска. Есть труды Анатолия Ивановича в Музее антропологии и этнографии РАН им. Петра Великого (МАЭ РАН, в Кунсткамере).
Как педагог я могу сказать, что за XX век сложилась достаточно мощная база для изучения ненецкого языка. Ее заложили наши великие учителя Г. Н. Прокофьев, Н. М. Терещенко, А. И. Рожин. Создавать учебники по языку, который не является для тебя родным, – это больше, чем героизм! Анатолий Иванович Рожин останется жить в наших сердцах. Великого, знаменитого Рожина будем помнить всегда.

Роза Канюкова,
ветеран педагогического труда