Вы здесь

Илӈгана тарана маймбцо

Хибяри’’ поӈгнандо’ тарем’ лаханасеты’’: хурка яхана хибяри иле, пыда ӈоб’’  тарця ӈэӈгу. Филиппов’’ Нельмин Саляхана ӈахэт иле’’, пыдо’ манзарась теневана’’, хибярихина сава ӈэсеты’’. Ӈэсынандо’ илена’’ хибяри’’ ӈод’’ тарцям’ маниесь сиддо’ сахарамби’’.

Ӈахы похот тарем’ миӈа, Филиппов тенз’ мэта нюдо’ ӈока ӈэсеты’’, хуркари серкана мел’’ ӈэвы ӈэсеты’’, семьидо’ мэё’’, сатавна илена’’. Надежда Николаевна ӈока по’’ ямбан’ садикхана, школахана ӈавар’’ пиребадаӈэ манзарась. Олег Александрович’ кочегарӈэ таравысь. Самляӈг нюмди’’ вадаӈаханзь. Няхар’’ не’ нюди маркана иле’’, манзара’’. Хасава нюди’ Саляхана илевамди’ минреди’. Филиппов ӈоб’’ яӈганя нюти’ ню’’, сямянд ӈаркади’ Марина си’’ив яӈганя пода, пыда маркана социально-гуманитарной колледжхана тоходана, тохолкода ӈэӈгу, нюдяко ӈацекы’’ тохолабӈгу. Сямянд’ нюдяконди’ мат’’ ирийда.
Мято’ тер’’ ӈарктадо’, нисядо’ манзарась теневана хибяри, хусувэй серт’ мэёвна сырта, ида мята’ тер’’ нита’’ нямна пили’’ нярк-насеты. Инда лата хибяри.
Пыда илан’ мэёвна сырта. Хуркари манзаям’ саваривна сертабада, ивъер’’ манзарана ненэця’. Ил’ ӈока ӈамгэн’ тохолавэда, ӈока ӈамгэм’ тенева: халям’ ханзер’’ сертась, ся’’ня ханева ёльць турӈа, ся’’ня ӈодям’ ма’’ламбава ёльць, ӈамдэд’’ мадабась. Пыда енирць теневана, хуркари  ӈавор’’ пиребась мел’’. Нюкциди’’ вадабаванди’  мальӈгана сава нядаӈгодась. Хусувэй теневанамда нюхута’’ тэврада, теда’ нюта нюху’’ ваде’’ӈада.
Пухуцяда Надежда Николаевна мунд’ ӈэда, илебей некоця, ӈока ӈамгэм’ теневаван’ харвана.
- Пунрабцода яӈгу, - Надежда Николаевна тарем’ лахана. – Тарем’ ӈэдараха’, валакада тей яля нини’ хонархынинзь, тюнями’ мэ’’ӈанись, мале таӈок по’’  ӈобкана илени’.
- По’’ ӈопой ялядарев’ хаюдарха’, - Олег Александрович ненда вадам’ нерня’ вэӈгалада. – Ханзер’’ нини’’ хойнись? Мань клубан’ кинон’ сырманзь тодамзь... таняна Надяв сэвтедамзь. Ӈацембой, паской пирибцяком’ манэ’’ӈадм’, пыда яханана’’ строительной компанияхана манзарась. Сеян’ мэёвна еримясь. Тикы яляхат ӈобкана илени’.
Надежда Николаевна мята ибам’ лэтбада не, нюта’’ нямна ида пили’’ няркна. Пыди’ вэсаконда’ ня’ мале пон’ илеӈаха’, илеванди’ ямбан’ хуркари’’ сер’’ таняць. Хуркари серкана ниди’ нядабась илевамди’ нерняри минреди’.  
Ил’ харта тарця. Салмуй ни’’ӈа, Филиппов мякана’ ӈод’’ тарцясь. Тарем’ ӈэбнанда’ ӈод’’ Олег Александрович, Надежда Николаевна мяти’ тер’’ илм’ салмрамбась ӈобкана тет юкад’ вата по’’ ямбан илеӈаха’. Ниди’ нядабась нерняри пэрӈади’.
- Илевахана хуркари сер’’ танесеты’’, мань нен’ вадам’ нисьтыв мадабю’’ – вадамда Олег Александрович нерня’ минреда. – Ихинян’ тарем’ нибнанда ӈа, мунзипой тарпсетыв’. Некоцяв’ сава не, пон’ ненда ни’’ӈа.
- Ням’ хамадаба илесь тара, - тарем’ Надежда Николаевна таслабида. – Вадам’ хэтва нерцю, сян’ мэвна ибедорць тара, ханзер’’ хэтась. Хамадабась, вэвако вада мэёвна сеян’ теберӈа. Мякана ням’ лэтбась илесь серо’’ӈа.
Тарем’ Филипповха’ илеӈаха’. Нюди’’ вадаӈаха’, нюти ню’’ вадабась нядаӈгуху’. Нянди’ сырць, ихиня саварха’. Пыди’ хусувэй серкана ӈобкана ӈока по’’ ямбан’ миӈаха’.
Тюку ирий 8 яля – «День семьи, любви и верности». Тикы яляхана Дворец культуры’ «Арктика» мякана хибяри’’ ма’’лаӈгуд’’, ханяӈы’’ ӈобкана ӈока по’’ ямбан’ иле’’. Округханана’’ 70 мяд’ тер’’ медаль «За любовь и верность» ня’’амгу’’, тарця медальм’ Филипповха’ ня’’амгуху’. Нянди’, ихид ӈэда вада’’!


Перевод на русский язык

Моменты жизни – близкие душе

В народе говорят: в природе человек становится таким, каков он есть на самом деле. Так вот, семья Филипповых, обосновавшись в Нельмином Носе, поразила сельчан трудолюбием, радушием ко всем окружающим. Своим трудом они заслужили всеобщее уважение, которое намного дороже, чем все благодарности, должности и награды.

Поколениями у Филипповых всегда было много детей. Они славились талантами, семьи их были крепкими, надежными. Надежда Николаевна много лет проработала в детском саду, поваром в школе, Олег Александрович – кочегаром. Воспитали пятерых детей. Три дочери живут и трудятся в городе, а сыновья в родном поселке. У Филипповых 11 внуков, самой старшей – Марине 17 лет. Она учится в социально-гуманитарном колледже, будет учителем начальных классов, а младшей внучке всего полгода.
У главы семьи – все лучшие черты фамилии: трудолюбие, добросовестность, заботливость. Даже улыбка – открытая, привлекающая, чуть застенчивая – тоже выдает Филипповых. Человек он добросердечный, но все знают, что тверд. Его трудно отвлечь от дел: улыбнется, как бы извиняясь за свою занятость, но работу не прекратит.
Все умеет делать, заготавливает рыбу разными способами, охотится, метко стреляет и хорошо готовит, а главное, обожает детей. Свое трудолюбие и умение им и передавал, а теперь – и внукам.
Верная супруга его – Надежда Николаевна – отзывчивая женщина, всем интересующаяся.
– Даже не верится, – говорит Надежда Николаевна. – Кажется, только вчера познакомились, сыграли свадьбу, а уже столько лет вместе.
– Как один день пролетели годы, – подхватывает разговор Олег Александрович. – Однажды пришел в клуб фильм посмотреть, там и увидел свою Надежду. Молоденькая, красивая, она работала у нас в строительной компании. И зацепило… с тех пор мы вместе. Сыграли свадьбу в Щельяюре 1 октября 1975 года, а потом переехали жить в родной поселок Надежды – Нельмин Нос. Здесь и обосновались.
Вся жизнь Надежды Николаевны – хранительницы семейного очага – сопереживание детям. Вместе с Олегом Александровичем она всегда рядом со своими ребятами, будь то срывы и неудачи, взлеты и радости. Всегда ищут возможность помочь и быть полезными своим детям.
Жизнь не бывает гладкой, и Филипповым она порой преподносила огорчения. Но Олег Александрович и Надежда Николаевна уже более сорока лет берегут то, что помогает человеку выплыть в бурном житейском море – свою семью.
– Когда возникали небольшие трения, я разворачивался и уходил не говоря ни слова, – делится Олег Александрович. – Никогда с женой не спорил и не пытался доказывать, кто в доме главный. Нужно уметь уступать. Она вспылит немного, а потом также быстро успокаивается. Отходчивая Надя у меня.
– Надо быть терпимее, – считает Надежда Николаевна. – Прежде чем что-то сказать, лучше хорошенько подумать, ведь слово может ранить сильнее поступка. И, главное, уважительное отношение друг к другу. Филипповы вырастили детей, и продолжают заботиться о них, уже взрослых, столь же трепетно и нежно, как было это в раннем детстве.
На таких семьях стоит земля, в них хранятся нравственные основы общества. Может быть, потому так тянутся к ним люди, а теперь и к их детям. Как бы там ни было, все дети и внуки стремятся в отчий дом. А еще они знают, что если есть голова на плечах, есть руки и желание трудиться – выход из всякого трудного положения непременно найдется.
8 июля, в День семьи, любви и верности, во Дворце культуры «Арктика» 70 семей округа будут награждены медалью «За любовь и верность», такую награду получат и Филипповы. Поздравляем!