Вы здесь

Ӈэрм’ ява’’ – маня’’ ӈобнзер’’ хардава’’

Сообща решаются все жизненно-важные вопросы коренных народов  Арктики (в центре Михаил Погодаев – председатель Ассоциации  «Оленеводы мира»)

Ӈока по’’ тяхана Норвегияхана Тромсё’ маркана яндахат тыбэртя’’ ма’’люрӈаць, тамальӈгана харто’ е’’эмняндо’ международной профессиональной организациям’ сертась идейдаць. Тарем’ Ассоциация’ «Оленеводы мира» ӈадимясь.

Тарця ассоциация я’сяр’ ниня илена’’ тыбэрти ӈобт’’ ма’’лаби, пыдо’ ӈобкана танеда серудо’ тасламбидо’, толырто’ тянё ненэця’’ ил’ нямна лахана.
Тюку по’ хор’’ ирийхана Швеция Йокмокк’ маркана маттамдэймэвна я’ сяр’ ниня илена’’, манзарана’’ тыбэртя’’ ма’’лёямдо’ мэ’’манзь ма’’лаӈгуд’’, луца’ вадавна хэтась - Всемирный конгресс оленеводов ваераӈгу.Тыбэртя’’ ассоциация председательӈэ Михаил Погодаев тара. Пыда’ ня’ лаханакурмав’ Москвахана Баренцев Евроарктической регионхана илена’’ толырто’ тянё ненэця’’ нертей саммитхана танясь.
Михаил Погодаев Сакнт -Петербург маркана государственной университет экономики и финансов ёльцевы. Пыда кандидат экономических наук, 2007 похона диссертациямда падась. 2009 похона пыда сита международной организация Ассоциация’ «Оленеводы мира» правление председательӈэ тэраць. Тамна пыда президент Института циркумполярного института оленеводства Университета Арктики, член правления Международного центра оленеводства (Норвегия).
Лаханакурмани’ мальӈгана Михаил тыбэртя’’ ассоциация манзарава’ нямна тарця вади’’ хэтась.
- Маня’’ тыбэртя’’ хибяри’’ ня’ манзарава’’, организациява’’ тарця хибяри’’ ӈобт’’ ма’’лаби. Тыбэртя’’ толырто тянё ненэця’’ ӈопой мяд’ тер’’ тотрев харто’ манзаидо’ тасламбась нерня’ миӈа’’, тыдо’ пэрӈа, яндо’ серу тасламби.
Тюку яля’ хэтась Ӈэрм’ яхана хуркари несэй сер’’ ӈадимдана’’. Нумда несэюмдана, ӈэрм’ ян’ турта’’ ӈокамдана, яна’ мюня танеда ӈавори’’ тю’’улпада харто’ манзаидо’ пэрман’ харвана’’ таня. Тикахад ӈэрм’ яхана илена’’ толырто’ тянё ненэця’’ ил’ ӈод’’ ӈани’ сер’’ миӈа’’. Невхы похот иринато’, нисянато’ минревы манзаидо’ пэрмы ненэця’’ манзаяхана несэй сер’’ ӈадиворӈа’’.
Хусувэй несэй ӈадимы серт’ толырто’ тянё ненэця’’ хамадёбнандо’ тара. Ӈэрм’ яхана нумда хусувэй по’ ибаркаӈэ’ хантана, тикахад сяхарт яӈгувы сер’’ ӈадиворӈа. Небой по’ та’ мальӈгана саць ибась, тикахад’ Ямалкана мюсерта’’ ненэця’’ маян’ еримяць. Ты’’ ӈахы похот яӈгувы хабцяӈгана хаӈгулыдаць. Сибирская язва – тарця хабцяӈгад ӈока тыдо’ хавыць. Тарця серт’ мюсерта’’ ненэця’’ нивыць хамадю’’. Тикахана ЯНАО правительство’, ямалкана илена’’ хибяри’’ хурка серт’ еримамдо’ мер’’хамадась тарана манзаи’’ сертаць. Хабцям’ хабтадось. Теда’ серудо’ савума.
Мань ихинян тарця. Тыбэртя’’ вадан’ инзелесь тара. Пыдо’ харто’ ямдо’ сававна теневадо’, нумда хурка  ӈэвам’ харто’ яханандо’ по’’ ямбан’ тасламбидо’, харто’ ватовнандо’ маниедо’. Сян ёнар’’ по’’ ямбан’ тикы’ явна мюсерць тыбэртя’’ нумда нямна ӈока ӈамгэм’ тенева’’, хуркари товы маян’ еримбнандо’ тенева’’ –ханзер’’ ӈэсь тара. Тикы теневанамдо’ тохолабась, манзаяхана мэць тара.
Тыбэрма сер’’ нерня’ пили’’ танеӈгу. Валакада хурка ӈэӈгу? Мань ихинян тарем’ ӈэбнанда таранарха. Тыбэртя харта тыда ӈэбнандо’, харта тыда пэрпата. Тикахана серуда сававна минда’’. Хусувэй хибяри харта таслабнанда тара, ханзер’’ ӈэбнанда сава. Харвабнанда тоходангу, харвабнанда манзараванзь ханта, харвабнанда харта бизнесм’ сертаӈгу, янда, тыда’’ падаркана таслаӈгуда, общинам’ сертаӈгу. Тены’’ похо’’на «Тытэртя» ӈока ӈамгэм’ теневабнанда тара. Экономика серу таслабнанда, бухгалтерской учет, юриспруденция, логистика серу’’ теневабнанда.
Теда’ ёльцяда тарця, общинам’ минрена хибяри, харта тыда пэртя ӈока серкана, падаркана таслерта танебнанда тара. Тарем’, маня’’ Якутияхана ӈопой ӈэсыхына ханяна ӈокаювдо’ тыбэртя’’ колледжм’ нэван’ харвава’’. Таняна тыбэртя манзаян’ ӈацекына’’ тохолабӈгуна’’. Тены’’ по’’ илевахана хусувэй серкана теневана’’ хибяри’’ тыбэрма’ серкана манзарабнандо’ нив’ тара.
Ты’’ хэвхана соя’’вы, вадювы хибярина ӈани’’ ил’ ни’’ тара. Тарця хибяри маркана сяхарт ни’’ илеӈгу, илеван ни’’ харваӈгу. Пыда тыда, ямда мэнена. Хойхана мюсермахад’ саварка ил’ е’’эмнянда яӈгу. Хусувэй тыда танеда хибяри мюсерць ямда, тыда’’ нюхута, нюта нюху хаеван’ харвэйда. Тарем’ пили’’ ӈэсеты, тарем’ нерня’ ӈод’’ ӈэбнанда тара. Тикахана варёва мэць илеӈгува’’, ябдаӈгува’’.
Мань хадан’, ирин’ хэвхана вадыдамзь, мюсерӈаманзь, ты’’ илм’ нюдякоходан’ маниевась, теда’ манзаяӈэ мэ’’ӈав. Тикахад ябдам’, ихинян саць сава.
Маня’’ яханана’’, Якутияхана, 2017 по’ мюсерта мяд’ тер’’ поӈэ таславы. Депутатна’’ « Мюсерта мяд’тер’’ нямна» закон ня’’маць. Тарця закон’’мана яханана’’ мюсерта хибярина’’ илеӈгу’’, манзараӈгу’’.


Перевод на русский язык

Арктика – наш общий дом

Много времени прошло с того дня, когда оленеводы мира собрались в городе Тромсё, в Норвегии и создали свою международную профессиональную организацию.

Ассоциация «Оленеводы мира» объединяет оленеводческие народы из десяти стран и занимается развитием коммерческих, культурных и профессиональных связей между народами и распространением информации о них.
В августе нынешнего года в Швеции, в городе Йокмокк пройдет VI Всемирный конгресс оленеводов. С председателем ассоциации Михаилом Погодаевым я встретилась в Москве, на первом Саммите коренных народов Баренцева Евроарктического региона (БЕАР).
Михаил Погодаев закончил Санкт-Петербургский государственный университет экономики и финансов. В 2007 году успешно защитил диссертацию на соискание научной степени кандидата экономических наук. Спустя два года был избран председателем Правления международной организации Ассоциация «Оленеводы мира». Президент циркумполярного института оленеводства Университета Арктики, член правления Международного центра оленеводства (Норвегия).
– Михаил, расскажите о тех проектах, реализацией которых занимается Ассоциация.
– Мы создали организацию не по политическому признаку, а по профессиональному. Главное, чтобы наша большая семья, состоящая из коренных малочисленных народов, занимающихся оленеводством, объединилась в использовании своих ресурсов.
Сегодня в Арктике стремительно происходят глобальные изменения. Меняется климат, территория стала доступнее благодаря развитию современных технологий, осваиваются многие богатейшие месторождения полезных ископаемых. Меняется социальная ситуация, и все это заметно сказывается на положении коренных малочисленных народов, которые испокон веков вели здесь традиционную хозяйственную деятельность. Коренные народы нуждаются в разработке планов по адаптации к изменениям климата в Арктике, а также к таким чрезвычайным ситуациям, как сибирская язва. К примеру, на Ямале вовремя локализовали угрозу. На сегодняшний день проблема в ЯНАО решена, но для нас это показатель того, насколько важно быть готовыми к подобным ситуациям. На мой взгляд, здесь очень важно прислушаться к самим оленеводам. Они имеют обширные знания о природе, биоразнообразии, климате. На протяжении тысячелетий народы накопили знания, как выживать в этих условиях. И, конечно же, нужно уделять большое внимание сохранению и развитию традиционных знаний. Есть ли будущее у оленеводства? Да, будущее есть, но я считаю, что это будущее только частное. Когда есть заинтересованность и мотивация. Наша задача: дать эту возможность и право выбора. Учиться или работать, создавать частный бизнес, оформить землю, оленей и создать общину. В настоящее время профессия оленевода подразумевает знание экономики, бухгалтерского учета, юрис-пруденции, логистики и многих других дисциплин. Сейчас руководителям общин и частникам волей-неволей необходимо это все знать. Так родилась идея создания в Якутии в оленеводческом поселке колледжа оленеводства. Конечно, стоит понимать, что есть сложности финансирования такой системы, но мы думаем, что это единственный путь, потому что, если вы создаете систему образования для людей, ведущих кочевой образ жизни, без учета специфики этого образа жизни, вы не дадите им соответствующего образования.
Ну, а что касается «цивилизации и прогресса», да и счастья, то каждый понимает их по-своему. Я могу вас заверить, что, если вы сейчас всех оленеводов переселите в город и предоставите им лучшие условия – квартиру, машину, работу, все-все предоставите, они не будут пользоваться всеми этими благами. Потому что для нас природа – это наша основа, это наше как бы духовное начало, мы хотим жить на этой земле, развивать свое дело, разводить оленей и передать знания своим детям, чтобы они чувствовали себя на своей земле счастливыми гражданами родной страны. Я в детстве был очень счастлив. Жил с дедушкой, бабушкой, кочевал, видел этот мир, природу. Для меня это все было незыблемым, это душевное счастье, оно в каждом из нас сохраняется всю жизнь. Нынешний, 2017 год в Якутии объявлен годом кочевой семьи. Депутаты Ил Тумэн приняли базовый республиканский закон «О кочевой семье», который устанавливает статус уникального типа семьи. Впервые в законе раскрыто и дано определение кочевой семьи и кочевого образа жизни, что дает возможность законодательно закрепить право коренных малочисленных народов Севера вести кочевой образ жизни и пользоваться конституционными правами. Инициаторы законопроекта видят причины упадка отрасли оленеводства в том, что в тундре исчезли кочевые семьи. Ведь испокон веков кочевые семьи оленеводов, ведущих кочевой образ жизни, следовали за источником своего существования – оленями – по тундре и тайге. Законом определены меры государственной поддержки кочевых семей. Ведется работа для сохранения и развития коренных малочисленных народов Севера, но нерешенных проблем и задач еще много. Поэтому необходимо объединить усилия, консолидировать силы общества и работать, повышая уровень жизни. Самое главное – это улучшение качества жизни людей, особенно тех, кто сегодня проживает в экстремальных условиях Крайнего Севера и занимается традиционной хозяйственной деятельностью.