Вы здесь

Ӈарка мяд’ тер’’ небя

В тундре каждая женщина мастер, а дочери – главные помощницы

Вера Ламдо хойхана соявы не, школахана нись тоходан. Тарем’ ӈод’’ пыда сита сава тохолкодаӈэ, воспитательӈэ нюмде тара. Нюда’’ сава хибяриӈэ вадавы. Тикы не мале ӈока по’’ ямбан «Ямб’ то’» общинахана иле, таняна хаюпи. Хойхана нюда’’ соявы’’, вадёвы’’. Мат’’ нюда’’ – тет’’ хасава, сидя не нюда ӈоб’’ хойхана иле’’.

Вэсакода Николай Прокопьевич’ тыбэртя, илеванда’ ямбан тэхэ’’на мэна, хой’ илм’, манзаям’ теневана. Тюку ялян’ тыбэрць хойхана мюсерӈа, тэси’’ илм’ нида хамадамбю. Нюда’’ сава хибяриӈэ’ вадавы. Хасава’’ нюда’’ тыбэртя’’. Хойхана мюсерта’’ ненэця’’ нюкцито’ школа’ пуд хойхана илевась хаюрмам’ саву’’ӈадо’. Ӈацембой нюдо’ хусувэй тарана’’ серт’ тохолаӈгудо’.
Вера Григорьевна самляӈг ю’’ похонанда хусувэй мякана танеда манзаямда саваривна пэрӈада. Пыда мядм’ ибам’ лэтбада, няданда мята’ тер’’нита’’ ил’ пере’’. Не мякана манзаяда ӈока ӈэ’’нив – мяд’ мюй тавдась, мядндер’’ нид’’ ӈавлась, сэдорць, евась хэвнда нит’’ ӈавори’’ ёльцьӈгана хамадась. Хусувэй не манзаян’ Вера Григорьевна не’ нюхуюда тохолась. Теда’ пыди’ небякомди’ хуркари’’ серкана нядабиди’.
Хусувэй илӈгана тарана’’ серт’ пыди’ небяхаюда, нисяхаюда тохоладись, нисяда Валей Григорий Николаевич, небя хасада Устина Егоровна. Теда’ Ламдо мякна мале’’ нюта ню’’ вадюдана’’.
Ӈарка явна мюсерта’’ ненэця’’ мале нертей тецьда яля’’ тось сывы’ мюсерць яхато’ тэвыдаць, те’ ёльцяӈгана забой’ манзаидо’ ёльцевы’’. Ӈэрм’ яхана’’ хаер’’ то, нертей сэвнда’ мэта ирийна’’ нертей яля’ пиркана манэ’’янаць. Пэвндя яляхат’ нылась, хойхана мюсерта’’ ненэця’’ нарэй’ товнда манзаяхато’ хамякось пяӈгудо’. Тамальӈгана манзая’’ ӈока ӈэсеты.
Вера Ламдо мась: – Ӈарка пэвдэй ирий’ ваяртава’’ – тикы ирий тянембовна саӈговосарка, яляда хэм’’, пэби’’. Саць ӈэдалёрць ӈаха’’ нин хант’’, пэвсюмда. Тедахава мале савов. Хаер’’ тю’’уня миӈа, яляда ямбумдана, вы’ ява’’ несэюмдана. Маня’’ ӈод’’ тарцява’’. Яляркаӈэ хэсь манзаина’’ ӈокамзеты’’. Юнуй’ ёльцяӈгана еям’ сэдбасьтыва’’. Мальця, паны сэдбавам’ пилю’’ ирийхад мале пяӈгур. Мюсерма сер’’ сэдорасьтыва’’.
Хойхана ненасянда’ ӈод’’ тарем’ ӈэсеты. Сырэй’ ёльць тандая тута, ялякор ӈодь ямбаркаӈэ хантана пяӈгуда, хой’ не мале нерня’ сырта. Сэдъита’ нямна ибедорта. Хойхана хусувэй не мел’’ ӈэбнанда тара. Хусувэй сертавы манзаяда мел’’мана сэдвы ӈэбнанда. Сэдорава серкана не тохолкодаӈэ ил тара.
«Ямб тохона» илена’’ ненэця’’ ябдана хибяри’’. Пыдо’ илевандо’ ямбан харто’ явнандо’ невхы по’’ тотрев’ мюсермы’’ нито’ илм’ мэ’’ӈа’’. Нянэй мякана иле’’, пыдо’ харто’ яндо’ ервӈэ тара’’. Общинахана ӈацембой хибяри’’ тянё ни’’ӈа’’, едэй семья’’ ӈадиберӈа’’, ӈацекы’’ сояӈга’’. Харто’ илевамдо’ нерня’ хибяхартан нись ена’’ минредо’. Сававна илева е’’эмня хусувэй ӈаворидо’ тэворӈа’’. Хусувэй мякана электричество таня, яля, иба. Пирибця’’, наны’’ компьютерм’ мэць тенева’’, социальной сетьхана паднась ханяӈы наны’’ пирибцядамдо’ хосьты’’, мякандо’ тэврасьтыдо’. Тарем’ ӈарка явна мюсерта’’ нина’’ иле’’. Харто’ вадавнандо’ лахана’’, ненэцие’ культурам’ тю’’у минредо’.

 

 

Хозяйка большой семьи

Вера Ламдо никогда не училась в школе. Но ее смело можно назвать хорошим учителем и воспитателем своих детей. Вот уже много лет живет она с мужем душа в душу в общине «Ямб то». В тундре родились и выросли их дети – четыре сына и две дочери.

Муж Николай Прокопьевич – оленевод с большим опытом работы. Он и сегодня на боевом посту, без оленей не мыслит жизни. Хорошими помощниками стали дети, все сыновья работают в оленеводстве. Желание ребят после школы остаться в тундре в родном стойбище родители только приветствовали. И готовы в любую минуту поделиться жизненным опытом.
В 50 лет Вера Григорьевна умело управляется со своим большим хозяйством. Она хранительница семейного очага, выполняет в чуме любую работу, создает уют и тепло в семье. Ведь в суровых северных условиях от хозяйки во многом зависит семейное благополучие. Женщина следит за тем, чтобы в чуме было чисто, опрятно, чтобы все были сыты и обуты. Этому она научила и дочерей, которые во всем помогают матери.
Традиции семейного воспитания Вера переняла от своих родителей – Устины Егоровны и Григория Николаевича Валей. А сегодня в семье Ламдо уже подрастают внуки.
С наступлением первых заморозков тундровики успешно перекочевали на зимние пастбища, провели забой. Сейчас, с возвращением солнца в заполярный край, чуть передохнув от полярной ночи, оленеводы начнут готовиться к весенним работам. Это не менее ответственный период в жизни кочевников.
– Позади декабрь – Месяц большой темноты, сложный во многих отношениях: день очень короткий, быстро темнеет, – говорит Вера Ламдо. – В это время стоим на месте, далеко не уедешь. Сейчас все позади. Солнце с каждым днем поднимается все выше, день становится длиннее, тундра постепенно оживает, а вместе с ней и мы. С наступлением светлых дней работы у женщины становится больше: надо заняться ремонтом зимних покрышек для чума, сшить новые нюки, теплые меховые малицы, паницы, обувь, головные уборы к следующей зиме.
Вот так – эта зима еще только вступила в свои права, а женщины тундры думают уже о будущей. Каждая из них – мастер своего дела. Даже обыденная традиционная одежда порой выходит из рук мастерицы настоящим произведением искусства. И главный учитель в этом – сама жизнь!
Ненцы общины «Ямб то» – счастливые люди. Они сохранили многовековой уклад: живут в добротных чумах, создают семьи, рожают детей. В каждом чуме, внешний вид которого не изменился за несколько столетий, сегодня есть элект-ричество, бытовая техника. Молодые оленеводы свободно общаются в социальных сетях, даже находят там невест и привозят в родное стойбище. Значит, жизнь продолжается.