Вы здесь

Латышев’’ тэнзадо’ мэё

В Канинской тундре встретились супруги Латышевы  и прожили в согласии более полувека

Тюку яля’ вадав’ Анастасия Кирилловна Латышева’ нямна ӈэӈгу. Тикы некоця теда’ Несьхана иле. Пыда’ ня’ лаханакурма саць мэёвна сеян’ еримберӈа, ӈока ӈамгэм’ теневана не. Невхы илм’ тенена, тены по’’ илӈгана илена.

Неняӈг’ ирий’ 12 яляхана Анастасия Кирилловна 80 помда ядабтась. – Мань саць паской яхана, Канин’ выӈгана соядамзь. 1932 по’ неняӈг ирийхана ебцотако тёр’’ намдаць. Семьява’’ ӈаркась, нисява’’ ӈарка сайнормахана яӈгумась. Небява’’ сидна’’ вадась, нисяси’ вадюданась нензел’’ нись ӈа’’. Пирдалеваць.    
Мария Филипповна Бобрикова, Анастасия Кирилловна’ небя, илда нензел’’ нивысь’ ӈа’’, нюта’’ хэвхана пон’ илевысь. Сава некоця ӈэвысь. Сита янда’ тер’’ нида’’ сахарамбиць, нюда’’ небямдо’ саць мэнедонзь,нядабидонзь. Нюта’’ ню’’ хадамдо’ сяӈадонзь, тенедо’. Пуданда сава недам’ хаевы не,нита’’ ихиня пилибт’’ илевнда.
-Мань небян’ тотрев’’ ӈобтарем’ хусувэй сава ӈамгэн’ пунрыдм. Небя хэтвы вада ныхын’ пунрым’, сава серм’ минреван’ пунрыдм’. Небяхадан ӈока савам’ минредм’, сими ӈока саван’ тохолась. Пыда сими илан’ тохолавы. – Анастасия Кирилловна янамбовна вадамда минреда.
Анастасия Кирилловна сиднтет похонанда иланда ӈокаюв пелям’ хойхана мюсерць мэ’’ӈадась, самляӈг юкад вата по’’ ямбан’ мякана илесь. Хойхана соя’’вы, тикахад Саляхардахана медучилищем’ ёльце’’ махаданда Няръяна мякана фельдшерӈэ манзарась, хаюпа хэ’’мяхаданда вэсаконда’ Поликарт Иванович Латышев’ ня’ мюсерӈась. Вэсакода Канин’ яхананда бригадирӈэ манзарась, манзаямда теневана ненэцясь.
Анастасия Кирилловна’ ня’ лаханакурмами’ ӈокась. Ханяхад’ Латышев’’ тэнз’ миӈа, перенита’’, нум’ нямна, ӈацембой хибяри’’ нерня’ ханзер’’ илевам’ – мал’’ ваде’’ядась.
- Теда’ ил’ тарця. Пирибцяко школамдо’ ёльцесь харто’ ӈэсыхытато’ хан’’ӈа’’. Тоходанвась хэсьты’’, тикы’ пуд’’ хардахандо’ нисьты ту’’. Ни’’ харва’’, ӈэсыхына илевам’, хойхана мюсермам’ пилю’’ӈа’’. Хойхана илесь сибиць вуни’’ӈа’’, мяд’ манзая’’ ӈока ӈэсеты. Сэдорась теневава’’ ӈарка сер’’. Маркана илевар’ ӈани’’ сибиць ӈэдакы, хусувэй ӈамгэда хамады. Тикахад теда’ ӈэсыхына несьда хасава’’ ӈока, пирибця’’ яӈгу’’. Тарем’ маниесь, хой хасавако лэк вуни’’ӈа’’, манзарась теневана’’. Нисянадо’ тохолавы’’ наны’’. Ёрць тенева’’, тыдо’ пэрӈа’’, сава ханена’’. Хойхана ӈани’’ сер’ ӈэсь ханзер’’ илеӈгун? Невхы похот тарем’ миӈа, хойхана сямянд тарана ӈавор’’ – халя, ты’ ӈамза, тиртя’ ӈамза..- тарем’ Анастасия Кирилловна ибедорӈа.   
- Тоходанась тара – тены’’ похо’’на тоходанава саць тарана сер’’. Ӈока ӈамгэм’ теневась тара, хойхана’ ӈод’’ тоходанавы хибяри’’ тара’’. Хибяри’’, ты’’ хаӈгурцеты’’, хабцядо’ хурка, ханзер’’ савумдась ӈани’ тенева тара. Тикы’ е’’эмня тоходанась тара’’ нив.  Хуркари’’ едэй закон’’ ӈадиберӈа’’ – хибя’’ вадетыда? Валакада ӈацембой хибярина харто’ яханандо’ илебнандо’, харто’ вадамдо’, хари’’ тэнз’ культурамдо’ теневабнандо’ тара, нерня’ минребнандо’, нибнандо’ юрбю’’. - тарця сер’ нямна Анастасия Кирилловна лахана. – Ив’ ӈацембой хибяри нерня’ илева’’ нямна теда’ няркна. Хар’’н ню’’хун пили’’ тарем’ лаханасьтыдм’: нядаӈговам’ хэвняхад нёда ӈате’’, тоходанада’’, манзарада’’, хари’’ нямнанда, нюта’’ нямна ибедорӈада’’. Мань илеван’ ямбан’ манзарадамзь, хибяхартан’ нисьтыдм’ ена, нерня’ минзьтыдм’. Тарем’ ӈэбнанда нив’ тара.
Анастасия Кирилловна Латышева ӈарка хибяри. Ӈарка илм’ мэ’’мы, илеванда’ ямбан хасенам’ ехэравы. Илеванда’ ямбан’ хуркари сер’’ таневакы, тикым’ пыдрида тенева. Тарем’ ӈод’’ мань ихинян’, Анастасия Кирилловна ябдана не ӈэдараха’. Тикы’ нямна хонравась?  – Ябданакэдм’ хадри? Тюку ялян’ хэтась тарем’ мададм’. Илевав’ сававна миӈа, вэсаков саць сава хибярись. Самляӈг по’’ тяхана яӈгумась. Тикы’ илӈганан’ сямянд ӈарка мая. Ӈанида мал’’ сава.
Си’’ив нюв’ хойхана сояць, мал’’ вады’’, манзара’’. Тет’’ хасава нюв тыбэртя’’. Мяд’ терсавэй Канин’ явнана’’ тыдо’ пэрць мюсерӈа’’. Нюн’ ню’’, нюн’ ню’’ ню’’ вадюдана’’. Маймбцо. Мань илевав сибиць нись ӈа’’, савада ӈобтарем’ ӈокась. Нюн’ ню’’ ил’ сававна мимбнанда тара. Харто’ ямдо’ теневая’’, харто’ ямдо’ сахарамбась илея’’, тикахана тамна ӈока по’’ ямбан’ хибярина’’ явнандо’ тыдо’ пэрць мисерта’’. Мань ихинян’ тарем’ ӈэбнанда тара.


Перевод на русский язык

Крепкий род Латышевых

Каждый человек, на мой взгляд, при личной встрече вызывает определенные впечатления и эмоции. Тут никакие рекомендации не помогут: либо он вам по душе, либо нет. Анастасия Кирилловна Латышева подкупила меня сразу. Она просто светилась добротой к людям и ко всему живому.

Как много помнит и знает эта женщина! Она любит окунуться в прошлое, рассказать, как в ладу с природой жили ее земляки. Мне запомнилась та встреча, разговоры о прошлом канинских ненцев, о своем роде, о нынешнем житье-бытье.
Вот Анастасия Кирилловна словно не спеша заглядывает в другой мир, говорит о своем детстве.
– Я родилась в красивом месте северного края, в Канинской тундре, – рассказывает она. – Ранним комариным утром 12 июля 1932 года огласила окрестности своим первым криком. Семья была большая, отец погиб в Великую Отечественную, вырастила нас мама. Ей, конечно, было трудно. Но мы выстояли.
Мария Филипповна Бобрикова, мама Анастасии Кирилловны, прожила нелегкую, но долгую жизнь. Была доб-рой, справедливой и мудрой женщиной. Ее уважали земляки, ее любили дети, ее помнят внуки. Мария Филиповна оставила яркий след в памяти всех, кто был с ней знаком.  
– Как и мама, верю в силу материнского слова, в доброту солнечного света, – рассуждает Анастасия Кирилловна. – Она показала мне все самое доброе и прекрасное. Она научила меня жизни.
На днях земляки поздравляли Анастасию Кирилловну с юбилеем. Из своих 80 лет она полвека кочевала в тундре. После окончания Салехардского мед-училища работала в Красном чуме фельдшером. Там познакомилась с будущим мужем, знатным канинским бригадиром Поликарпом Латышевым.
– Меня волнует, что девушки после школы уезжают из своих поселков. Учатся, а потом домой не возвращаются, – продолжает Анастасия Кирилловна. – Не хотят, наверное, жить среди комаров летом и на морозе зимой. Да и в оленеводческой жизни нужно все делать самой. Шить одежду мужу, детям, себе. В городе все готовенькое. Из-за этого ребятам на селе невест не хватает, многие холостыми остаются. Хотя тундровые парни не из ленивых. И рыбу выловят, и оленей выпасут, и на охоту сходят. А как по-другому?
Женщина считает: детям, конечно, учиться надо. Им ведь жить в современном мире. Да и нужно знать, чем болеют олени, как их лечить. Да и про новые законы кто расскажет, как не дети?
– Если живешь на своей земле, то и родной язык, культуру отцов и дедов надо знать, я так думаю, – делится Анастасия Кирилловна. – Переживаю за будущее молодых. Своим детям всегда говорила: не ждите помощи со стороны, учитесь, работайте, сами думайте о себе и сыновьях.
Анастасия Латышева, как многие оленеводы старшего поколения, большая оптимистка. На вопрос «считает ли она себя счастливой?» убежденно и горячо отвечает, она – не просто счастлива, а очень счастлива.
– Нисколько не жалею о том, как прожила жизнь. Не поменяла бы ее ни на какую другую. Пять лет прошло как потеряла мужа. Очень хороший был человек. Это мое большое горе. В остальном жизнь и судьба удались, – скромно  улыбается моя героиня. – В тундре родила семерых детей. Четверо продолжают наше семейное дело, трудятся оленеводами. Вместе с семьями  кочуют по Канинской тундре. Подрастают внуки и правнуки. Да, жизнь была напряженная и тяжелая. Хочу, чтобы внуки свою жизнь смогли прожить так же. Пусть и они растут преданными родной земле, тогда еще много-много лет будут кочевать по тундре славные потомки древнего рода Латышевых.
Этим и объясняется ее оптимизм, ведь она из старого поколения ненцев, сильного, крепкого, работящего и жизнелюбивого.