Вы здесь

Фактория’’ хойхана тара’’

Ямалкана агропромышленный комплексхана дирекция по развитию сельских территорий таня, таняна сян по’’ ямбан Евгений Вэрьевич Пурунгуй манзара. Пудана’ мэвна Саля’хардан тэворман’ мальӈгана пыда няюв лаханамась.

 

Пурунгуй Е.В. – Маня’’ округханана фактория’’ таня, ӈокханда самляӈг ю’’ тет фактория. Модульный комплекс (балок’’ танесетынё, есяхад сертавы) тикы то’’олха балок’’ государственный программа тя’ по развитию рыбного хозяйства и АПК окружной бюджетхад’ еся’’ тикан’ таславы. Тикы программам маня’’ сертамбива’’. Тарця балок’’ ( мобильный комплекс’ ӈэя) – банядо’ таня, пекарнядо’ таня. Советский времяхана фактория’’ таняцьнё – аптекадо’ танясь, сяйлавадо’ танясь, матлавадо’ танясь, тикахад’ холодильный складдо’ танясь, ялям’ табдадо’танясь. Тикы то’’олха фактория’’ ӈэя –комплекс’ – тикы няюв мань’ теда манзарадм.

Корр: Выӈгана мюсерта’’ ненэця’’ мюсевандо’ сер таня тэворта’’, тарана ӈаврадамдо’ тэмдаӈгу’’, таняна ныланаӈгу – тарця?

– Ти’, тикы е’’эмня сертамбю нинам’. Округна бюджетхад’ еся’’ таславы’’ миӈа’’ . Маня’’ окружной программава нерня минрева, манзараванда е’’эмня. Фактория’’ тянё вани’’ӈа. Манзаями’ ӈули’ савов. Хамадёда’’ комплекc’ яхандо’ тэврабю нинам’.

Федеральной Законодательствовна торги январь, февраль, март ирийхана, етри ӈопой яхана ӈамдю нивам. Хоян’ тэворць темальӈгана нива’’ пирас’’. Тарана’’ падарм’ хамандабива’’, пуна госзаказ’’ – торги, аукцион, конкурс – тикахад’ контракт пада тара. Мань’ тарця падро хамадабим’, хусувэй падар’ законмана сертаба тара’’нив.

Тикы падар’ падмадана малӈэ’: глава района, глава поселка мобильный комплекс’’ малӈэ тэвра тараӈгу нив.

Тикахад’ ям’ тасла тарава: ханя тарана балок’ тэраӈгува. Тарця я’ ӈэбнанда тара – ханяна хибярихина сава ӈэӈгу тэворць, мюсерць яндо’ поӈгана ӈэбнанда. Госзаказщиква маня’’, поставщик тарана ӈаву тэвраӈгудо. Хибя конкурсхана, аукционхана серо’’ӈа’’ – тикы поставщик’’. Пыдо’ комплекс’’ яхандо’ тэвраӈгу’’, таславы’’ яхана ӈамтаӈгудо’. Мал’’ хамендаӈгудо’, мал’’ таслаӈгудо’. Монтажный манзаи’’, электричество ӈэдакы – луца вадавна хэта- пыдо’ сертабидо’. Маня’’ сидна пуна’ хаӈа’’, ня’’амара’’. Луца’’ манзаямдо’ ся’’ня сертаӈгудо’, тикахана маня’’ хамандёда факториям’ ня’’амгува.

Корр: Евгений Вэрьевич, пыдар’ харт’ Я’малкана соявэн’, ты’’пэртя’’ ненэцие’’ мякана. Харт’ хойхана вадынась. Теда маниесь, хойхана мюсерта’’ ненэциеда ханзер иле’’?

– Маньзьван’ етри’ тэворцетыдм’. Пухуцяв’ ӈод етри’ ядэрцеты хой’ня. Теда ты’’ хадырма я’ Федеральный законодательствона няна’’ ванидо’ табю, общинан’ ӈани нидо’ табю. Ясипой хаёвась мэнархава, ими’ тарем’ ядэрӈа. Етри’ тикы сер’ нямна лаханасьтыдм’. Тэва ӈока. Ял’ тына’’ тане’’ним’ (частник ты’’ луца’’ вадавна хэтась.)

Теда ты’’пэртя’’ хамадабидо’ ӈока ты’’ ни’’тара, я’ тянё. Тикахад’ пиес’луца ям’ тахабтамбидо’, тикахана манзарама. Ява тикахад’ тамна тянёр’нив. Тикахад’ Таймыр’ няд илебця’’ тур’’ ним. Тикыд’ ӈани’ ты’’ ханабидо’. Илебця миграция ядо’ ӈэ’’нив, ям’ ӈани’ тахабтамбидо’. Ява луца вадавна мась: оформленной ни ӈа., тарця серу’’ таслась тара.