Вы здесь

Тет ю’’ по’’ ямбан’ ябда’’

Крепкая и надёжная семья Выучейских – пример для подражания

Неняӈг’ ирий сиднтетимдей яляхана округханана’’ «День семьи, любви и верности» ӈарка ялям’ мэ’’ӈаваць. Тарця яляхана мяд’ тер’’ ханяӈы тет юкад вата по’’ ямбан’ ӈобкана иле’’ медаль «За любовь и верность» ня’’марпи’’. Тюку по’ ӈод’’ тарця ялява’’ ваерась.

Сидя медальм’ Нельмин Носан’ ханаць. Мяд’ тер’’ хэбидя яляхана маркана тарця медальм’ Василий Степанович, Оксана Алексеевна Выучейскойха, Герасим Павлович, Александра Дмитриевна Вылкаха ня’’амӈаханзь. 

Выучейской, Вылка мяд’ тер’’ илевади’ ӈобт’ то’’олсараха’. Сяхаӈгава ӈока по’’ тяхана ниди’ ядабтавэхэнзь, мэнелмэхэнзь, ӈобт’ тэвась иламди’ мэ’’ӈади. Нюди’’ вадабихинзь, колхозханандо’ манзараӈаханзь, мяти’ ибам’ лэтбихи’, нюди’ сяӈаха’, нюти’ ню’’лэтбихи’. Тарем’, теда Выучейской семьяхана 11 нюти’ ню’’. Выучейской мяд’ тер’’ мэё паӈгхад пере’’, семьидо’ ӈарка ӈэсеты’’, манзарась теневана хибяри’’, мякнандо’ сававна илена’’ ӈэсеты’’.

Василий Степанович’ ӈод’’ харта тэнзда савам’ мэ’’ӈада: инда сава хибяри, манзарась теневана, нита’’ нямна ибедорта. Оксана Алексеевна 42 по’ ямбан’ манзара, ӈахакуд пенсияхана мэбнанда’ ӈод’’ манзараямда хаеванзь тамна ни’’ ятна. Хардахананда’ ӈод’’ ӈопой яхана хасенана ни’’ӈа’’, пили’’ масьтёда некоця. Выучейскойха’ тет нюмди’ вадаӈаханзь, мал пыдо’ образованием’ ня’’маць, теда’ ӈод’’ вадювы нюди нисетыди’ юрбю’’, хусувэй серкана нядабасетыди’. 

Нюкцити’ нямна илеванди’ ямбан’ иди’ няркнасеты. Выучейской не’ нюди’’ тохолкода манзаян’ тоховыць, теда’ Няръяна маркана манзара’’. Пыдо’ ӈод’’ тарем’ еримбнандо’ нисяндо’, небяндо’ мят’ маймбась тэворцеты’’. 

Тамна ӈопой Саляхана илена мяд’ тер’’. Герасим Павлович, Александра Дмитриевна Вылкаха’. Хасаваюм’ Красной’ тер’’, неюм’ Саляхад перена. 

Сян ю’’ по’’ тяхана Герасим мядоманзь Салян’ товысь, пирибцяком’ сэвтесь, тюнм’ мэць таня илелъмыць. Таняна мале тет ю’’ по’’ ямбан’ ӈобкана илеӈаха’. Илеванди’ ямбан’ ниди’ нядабась нерня’ миӈаханзь, теда’ ӈод’’, ӈарка хибяриӈэ’ хэсь, ниди’ мэнесь илеӈаха’. Александра Дмитриевна я’’авлада не, илеванда’ ямбан’ мер’’ юркурта, мякнанда хусувэй ӈамгэда сававна сертавы ӈэсеты. 

Герасим Павлович ю’’ по’’ ямбан’ тыбэртяӈэ тарась, тикахад’ ӈэсын’ илелъяць, миртяӈэ манзарась. Пыда’ ӈод’’ хуркари манзаяхана манзарась теневана, мел’’ ненэць’. Сейда илеванда’ ямбан’ хуркахарт манзаяхад писеты тоса, хурка манзаям сертась тарабнанда Герасим Павлович сертаӈгуда. Саляхана ӈока харад’ мел’’ нита’’ ня сертаць, тенад ненэця’’ тикы’ харадхана мяд’ терсавэй иле’’. Ӈока ӈамгэм’ илӈгад тохолавы ненэць’. Тарабнанда ёрманзь ханта, ханеӈгу, таӈы ёльцяӈгана тарабнанда ӈодям’, тудаком’ мяканда тэвраӈгу. 

Хойхана соявы, вадювы хибяри хуркари манзаям’ тенева. Тикахад иле, мята’ тер’’ сяӈа, нядаби. Пухуцяда Александра Дмитриевна я’’влада некоця, бухгалтерӈэ колхозханандо’ ӈока по’’ ямбан’ манзарась. Пили’’ вэсаконда, нюта’’ хэвхана мэсеты. Хуркари серудо’ ӈобкана таслабсетыдо’. Нерня’ ӈод’’ тарем’ ӈэя’’, ябдая! 

Выучейской, Вылка семьяха’ тет юкад вата по’’ ямбан’ ниди’ нядабась, лэтамбась иле, нюдо’ сава хибяриӈэ вадаць. Тарем’ илевахана хуркари илӈгана ӈадимберта саӈговота сер’’ нензеларкась мадабада. Пыдо’ мято’ тер’’ сахарамбась нерня илевамдо’ минредо’. 

Илесь яханандо’ ӈод’’ тикы семьи нидо’ саву’’ядо’’. Тарцям’ намдурць ихиня нив’ сава ӈа’’. Илан’ ивъер’’ сырта’’ семьяхат ява’’ ныхыдамда ма’’лаби, тарця семья’’ паӈгудо’ тенева’’, харто’ тэнздо’ ватом’ нюхуто’ тэврамбидо’. Нюдо’ ӈани’’ харто’ нюхуто’ вадетадо’. Тарем’ ныхыта семья’’ ӈадиберӈа’’, ханяна хибяри’’ нидо’ мэнесь, нядабась илевамдо’ мэ’’ӈадо’. 


Перевод на русский язык

Сорок лет счастливы 

Сразу две медали «За любовь и верность» в этом году отправились в Нельмин Нос. В торжественной обстановке в преддверии праздника Дня семьи, любви и верности эти награды вручили Василию Степановичу и Оксане Алексеевне Выучейским, Герасиму Павловичу и Александре Дмитриевне Вылкам.

Судьбы этих семей схожи. Встретились, полюбили друг друга один раз и на всю жизнь. Трудились на благо колхоза, свои дома обогрели теплом очага, дорожат детьми и внуками, которых в семье Выучейских уже 11. 

У Выучейских всегда было много детей, они славились талантами, семьи их крепкие и надёжные. У Василия Степановича – все лучшие черты фамилии: трудолюбие, добросовестность, заботливость. Улыбка – открытая, привлекающая, чуть застенчивая – тоже выдает Выучейских. Оксана Алексеевна, невзирая на свой солидный трудовой стаж, а это ни много ни мало 42 года, не спешит расстаться с работой. Да ещё домашнее хозяйство на ней. Выучейские вырастили четверых детей, дали всем образование и продолжают заботиться о них, уже взрослых, столь же трепетно и нежно, как это было в раннем детстве. Вся жизнь Оксаны Алексеевны – сопереживание детям. Дочери получили педагогическое образование, работают в Нарьян-Маре и всегда с удовольствием спешат в родительский дом…

Сорок лет семейной жизни отметили Герасим Павлович и Александра Дмитриевна Вылки. Глава семьи родом из Красного, она – из Нельмина Носа. Приехал Герасим за невестой, да так и остался после свадьбы жить на родине жены. В народе говорят: в природе человек становится таким, каков он есть на самом деле. Поразил молодой муж родственников своим трудолюбием, радушием к окружающим. Александра с удивительной лёгкостью справлялась с обязанностями хозяйки: вставала рано, готовила, пекла, обо всех заботилась. Герасим Павлович 10 лет трудился в оленеводстве, затем осел в посёлке и занимался строительством. Редко встретишь в современном мире такого умельца. Он не просто много знает, он знает всё: как сооружать и ставить запоры на реке, заготавливать разными способами рыбу, как охотиться, ладить капканы, собирать ягоды и грибы. Тундровая жизнь закалила его характер, и по сей день это помогает ему в повседневной жизни. Он умеет метко стрелять и хорошо готовить. Главное – обожает детей. Своё трудолюбие и умение им передавал, а теперь – внукам. Его верная супруга Александра Дмитриевна отзывчивая, всем интересующаяся. Всю жизнь проработала бухгалтером.

Они с Герасимом Павловичем всегда рядом с детьми. Несмотря на срывы и неудачи, взлёты и радости любят детей и от чистого сердца стараются помочь.

…Семьи Выучейских и Вылок вот уже сорок лет берегут то, что помогает человеку выплыть в бурном житейском море – семью. Они заслужили всеобщее уважение, которое намного дороже, чем все благодарности, должности и награды. На таких примерах держится земля. Любовь и верность – залог крепких семей.