«Ямб то»’ общинахана илена’’ ненэця’’ ӈобкана ма’’люрмамдо’ ӈуда таркахана толава’ пир. Пыдо’ хэбидя ялу’ маня’’сидна’’ тотрев’ нисеты’’ мэс’’. Ӈопой ӈарка ялядо’ – ты’ яля. Тикы ялям’ тэри’’ тарем’ нисетыдо’ хаебю’’. Тарця яляхана «Ямб тон’» маркад’ ӈод’’ мядонда’’ тосеты’’.
«Ямб тохона» илена’’ хибяри’’ тыдо’ ӈока ни’’ӈа’’, тарем’ ӈод’’ хэбидя яля тось, ты’ яляхана сян’ тым’ хадасеты’’. Ты’ ӈамзамдо’ мядондито’ поӈгана тярцетыдо’, евэй пиресеты’’. Нум’ тарцям’ маниесь нерняна сава илм’ тэвраӈгу, ты’’ сенз’ ӈэӈгу’’. Хойхана мюсерта’’ хибярина’’ ӈарка ялямдо’ ӈатесетыдо’, ӈахакуд хамекосеты’’. Хэбидя яля тось мядырмыдо’ евакодарев’ хаесеты’’ – хусувэй пиртар мядоманзь ӈэдаласеты’’. Нюкцидо’ нянандо’ ханасетыдо’. Ӈацекы’’ ӈод’’ тарця ялям’ теневабнандо’ тара. Пыдо’ нерня’ илевнда’’. Хасава’’ ӈацекы’’ тыпэрманда, не’’ ӈацекы’’ мяд’ пэртяӈэ таравнда’’.
Хой не мякана манзаяда ӈока ӈэсеты. Мяд’ манзаянда’ хавна, некоцяр по’ ямбан’ сэдорасеты, хэбидя ялян’ паской ной паныдамдо’ сэдсеты’’. Нянэй не сэдорась мел’’ ӈэбнанда нив’ тара. Едэй сэдвы нояцямда ӈарка яляхана нидо’ манэ’’тадо’.
Теда’ лаханая, «Ямб тохона» ӈока теневанин’ иле’’. Сян’мэвна ты яляхана таня тэворӈадамзь. Ӈопой тарем’ торомдавы няв’ Вера Ламдо. Пыда школахана тоходанавада яӈгусь. Тарем’ ӈод’’ тикы некоцям’ харта нюта’’ сава тохолкодаӈэ, воспитательӈэ нюмдеӈгув. Вэсакода Николай Прокопьевич тыбэртя. Тюку яля’ ӈод’’ тыда пэрць явнанда мюсерӈа, тэси’’ илда яӈгуд нив’’. Хойхана пыди’ нюкциди’ сояць, вадыць – тет хасава нюди’, сидя не нюкцяди’. Мал’’ нюди’ хойхана иле’’, хой’ манзаям’ харвась пэрӈа’’. Небя, нися ихиня маймбцо.
«Ямб то»’ няна илена’’ пирибця’’, наны’’ хойхана мюсермам’ сямянд сава илӈэ’ тасламбидо’, тикахад’ саваркам’ тены’’ похо’’на ни’’ мание’’. Илдо’ тэхэ’’тато’ пере. Сава ил’ е’’эмня хусувэй ӈамгэдо’ тэворӈа’’.
Хойхана мобильной связь’ яӈгобнанда’ ӈод’’, хусувэй мякана интернет таня, хусувэй хибяринд’ телефонда таня. Ханяӈэхэна интернетхана ӈамдёсь наны недамдо’ хосеты. Тарем’ сидя по’ тяхана ӈацембой хасава Иван Тайбарей некоцядамда хось. Алина Сигуней Таймыр я’ тер, тамальӈгана Дудинка маркана ӈавар пиребадаӈэ тоходанавысь. Сидя по’ ямбан’ скайп’ тя ниди’ лаханакурць мэ’’ӈахась. Тикы’ пуд’’ ӈобт’ тэвась идэйӈаханзь, Москва март’ тось ниди’ нертей манэ’’ядинзь. Таняд Иван Алинанда’ ня’ мят’ тоӈаханзь. Тарем’ ӈарка’ явна мюсерта хасава, Таймыр я’ тер’’ некоця’ ня ниди’ ховэхэнзь, теда’ ӈобкана илеӈаха’, не нюкцямди’ вадабихи’. Ил’ нерня’ миӈа.
Тюку ялян’ таслась общинахана сидя юд’ мян’ мякана си’’ив ю’’ тет’’ мяд’ тер’’ иле’’, нисянато’, иринато’ илм’ мэць вымна мюсерӈа’’. Сян тэдо’? Тикым’ нянэй ненэця’ сяхаӈгарт нида хэтаӈгу, тикы вадета ни’’ӈа.
Теда’ «Ямб тохона» илена’’ нина’’ сямянд тарана хэбидя ялямдо’ ӈате’’ – Ты ялямдо’ мэ’’манзь пилю’’ ирий’ нертей яляхана ма’’лаӈгуд’’.
Ненэця’’ поӈгандо’ пирдырта’’ – тэхэ’’на нидо’ нердемба ӈэдалёрта’’. Пирдырмахато’ янамбовна манзаито’ поӈгана по’ ямбан’ хамекуць, тыдо’ яӈгревы’’, нензаминдидо’ хамадавы. Хибя тюку по’ нердеӈгу’’, хибям’ сямянд’ ныхытаӈэ, сямянд’ меретаӈэ нюмдеӈгу? Нерняна товнда яля’ манэ’’лабтаӈгуда. Тюку ялян’ хэтась – ӈарка яляхандо’ тыбэртя’’ хамяку.
Ӈока по’’ ямбан’ «Ямб тохона» пирдырта’’ поӈгана Яков Семенович Соболев мяд’ тер’’ нерняна минзьты’’, пыдо’ ӈока мядонзэйм’ мякандо’ ханасеты’’. Нюда’’ нисямдо’ маниесь нерняри’’ ӈэсеты’’. Пыдо’ манзарась тенева’’, ныланась тенева’’. Тюку по’ ӈод’’ нум’ сиддо’ мание.
«Ямб тохона»’ илена’’ ненэця’’ ябдана хибяри’’. Пыдо’ харто’ тыдо’ пэрць, харто’ ямдо’ сахарамбась иринато’, нисянато’ хаевы илм’ нерняри минредо’. Илан’ мэёвна сырта’’ хибяри’’, харто’ ныхыто’ енась илена’’. Мядудо’ лэтби’’, нюдо’ вадаби’’. Тарця хибяри’’ нерня’ ӈод’’ ӈэвдо’ тю’’у пэрць илеӈгу’’, нерня’ӈод’’ ябдо’ таняя!
Перевод на русский язык
Праздник по имени ЖИЗНЬ
Члены общины «Ямб то» крайне редко собираются вместе. Для них не существует праздников, которые привыкли отмечать мы с вами. А вот День оленя – особый день. И это редкий случай, когда можно побывать горожанину в гостях в общине «Ямб то».
Оленей у большинства единоличников немного, но в этот святой день, называемый у ненцев Хэбидя яля, по давней традиции щедро угощают всех прибывших свежим мясом. Угостил людей, не оставил без внимания духов и тем самым обеспечил помощь свыше и благословение на лучшее будущее. К празднику семьи оленеводов готовятся заранее. Тундровые стойбища в это время словно сиротеют – все, кто может, уезжают на праздник. Обязательно берут с собой детей, даже самых маленьких. Дети должны видеть все своими глазами, потому что мальчики – будущие оленеводы, а девочки – мастерицы. Женщины готовят к празднику нарядную одежду, сшитую в течение года и украшенную национальными узорами. Ненецкая женщина – не просто хозяйка большого чума. Она главный технолог, дизайнер, мастер по пошиву национальной одежды, организатор ее демонстрации публике – людям стойбища. На одном из таких праздников я познакомилась с Верой Ламдо. Она никогда не училась в школе. Но ее смело можно назвать хорошим учителем и воспитателем своих детей. Муж Николай Прокопьевич – оленевод. Он и сегодня на боевом посту, без оленей не мыслит жизни. В тундре родились и выросли их дети – четыре сына и две дочери. Желание ребят после школы остаться в тундре в родном стойбище родители только приветствовали.
Молодежь свой образ жизни считает самым правильным и не стремится променять родительский чум на блага цивилизации.
Хотя в тундре нет мобильной связи, но телефон и интернет имеется в каждом чуме. Так, к примеру, молодой оленевод Иван Тайбарей благодаря интернету познакомился со своей будущей женой Алиной Сигуней. Она училась на повара в Дудинке. Общались по скайпу почти два года, а встретившись в Москве, оказалось, что это самый близкий для них обоих город, больше не расставались. Иван увёз Алину в свою тундру. «А чего было ждать? Мы и так два года ждали», – говорит он. Сейчас у молодой семьи подрастает дочь.
На сегодня в общине семнадцать чумов, сорок семь семей продолжают дело предков. Какое количество оленей выпасают на своих пастбищах единоличники? Точную цифру никто не назовёт. У ненцев не принято озвучивать численность имеющегося поголовья.
В этом году трудолюбивый народ «Ямб то» ждёт любимый праздник – День оленя, который будут отмечать 1-2 августа.
И снова будут главные спортивные состязания – гонки на оленьих упряжках. Главы семей и их сыновья в течение года готовятся к гонкам, подбирают оленей в упряжку. По шагу, выносливости они должны соответствовать передовому оленю – нензаминдя и во всем слушаться слова и жеста хозяина. У каждого оленевода свои секреты обучения оленей, поэтому каждая упряжка, стартующая в гонках, уникальна. Оленеводы азартно гоняют упряжки на скорость – радуются и досадуют, горячатся и непроницаемо гордятся победой. Великолепное зрелище! Мальчишки, набегавшись наперегонки, устанавливают шест и мечут тынзей, соревнуясь в меткости и ловкости. Самой спортивной в общине «Ямб то» многие считают семью Якова Семёновича Соболева. Да это и не удивительно, ведь отец семейства – человек сильный по натуре, с твердой волей, чувством юмора. Примеру отца следуют и дети. Все они обязательно участвуют в спортивных состязаниях. И как результат – семья Соболевых из праздничного стойбища всегда уезжает со множеством подарков. На мой вопрос: «Как удается сохранить спортивную удаль?» – Яков Семёнович отвечает с улыбкой: «Ежедневный труд оленевода, вот и вся премудрость»... Ненцы общины «Ямб то» – счастливые люди. Они с гордостью продолжают дело своих предков, живут, бережно храня обычаи и традиции своего народа, создают семьи, рожают детей. А значит, жизнь продолжается. Значит, и уникальной культуре северного народа, непременно быть и развиваться.
