Вы здесь

Ӈарка мяд’ тер’’ небя

Ветераны НО «Канин» не мыслят жизни без тундры и оленей. Надежда Ванюта (первая слева) в эти дни принимает поздравления

Ӈацекы ӈэвы пода’’ тензебтембнанда Надежда Ванюта сята салмуйӈэ хан’’ӈа’’. Пыда сэдорась мел’’, сава ихинянда ӈахы сэдвы панымда тюлцеты, маймбасеты ся’’ня нюта’’ е’’эмня сэдвы манзаида маниесьты. Хусувэй сэдъямда тенеда, сертавы манзаида ивнянда’ ӈэсеты’’. Тикы ембдяродо’ тэри’’ тарем мэсана’’ ни’’ӈа’’. Яӈга яляхана сербада’’.

Надежда Евменьевна харта тэнзда Сулентьева ӈэвы, Федор Тимофеевич’ ня ӈобкана самляӈг юд’’ мян по’’ ямбан илеӈаха’. Маӈгбада хибярихи’ ниӈа’’ ӈа’’. Нюди’’ – сава илебцади’, ӈоб’’ яӈгня нюкцяди – мат’’ хасава, самляӈг не’ нюди, нюти’’ ню’’ мале таня. Нюди’’ мал ӈарка хибяри’’, тоходанавы’’, манзара’’. – Мяд’ тер’’ нюдо’ ӈока ӈэбнандо’ тара. Тарця мякана ӈацекы’’ нись поеларамбю, нидо’ нядабась вадюданасеты’’, – тарем’ Надежда Ванюта тасламбида. Пыдо’ ӈопой яхад’ нямӈгандёсь нерня минзеты, поюдо’ поӈгнандо’ сава ӈэсеты’’, хибярихи’’на’’ ӈод’’ вэва нисеты’’ӈа’’. Ванютаха’ нюди’’ сава хибяриӈэ вадавыди’. Тикы’ е’’эмня ӈарка мяд’ тер’’ небя «Мать-героиня» орденм’ ня’’мась. 

Надежда Ванютам’ торомдавам’ мядонзэйӈэ тасламбив. Надя соя’’маданда Канин’ вымна небянда, нисянда хэвхана мюсерӈась. Школахана тоходанась, лавчикӈэ манзарась, тикахад ӈацембой тыбэртям’ Федор Ванютам’ ядабтась, хаюпа хаясь. Вынд’ танэяць, мядм’ пэртяӈэ манзарась пядась. Мяд’ манзая сибиць ни’’ӈа’’. Тарем’ ӈод’’ манзаяндо’ е’’эмня мюсерта не награды’’ сяхарт нисьты’’ ня’’марпю’’. Пыдо’ хасавито’ ня мюсерцеты’’, хусувэй яля’ мяд манзаидо’ пэрцеты’’. 

Тюку поход мяд’ манзаям пэртя нехэ «Почетная чумработница НАО» наградам’ мипӈгу’’. Тюку по’ тарця наградам’ сидя нехэ ня’’амӈгуху, ӈопойдо Надежда Евменьевна Ванюта. Мат’’ ю’’ мат’’ похонанда тикы некоця харта манзаямда сававна пэрӈада, мята ибам’ ӈока по’’ ямбан лэтбида, нерня минреда. Надежда ӈацекэӈэ небямда нядабась надурць, мальци, паны, пиби сэдбась тоховы. Нюда’’, нюта’’ ню’’ небяндо’ сэдвы ембдяро’ мэцетыдо’. Тикахад Надежда не’’ нюда’’ сэдорась тохолавы, пыдо’ ӈод’’ небямдо’ нядабась ӈока хойхана тарана манзаи’’ тохолавы’’. 

Ӈоб’’ яӈгня нюди’’ мале ӈахы’’ ӈарумы’’, харто’ мяд’ терсавэй, поӈгнандо’ нясъюмба иле’’. Нюдо’ ӈокаювдо’ хой’ илм’ мэ’’ӈа’’. Ванюта самляӈг хасава нюди’’ нисяндо’ тотрев тыбэртяӈэ манзара’’. Манзаядо’ ханзоць теневадо’. Пыдо’, сиддо’ тохолавы небяхандо’, нисяхандо’, ӈарка вади’’ мэцьты’’. Ӈарка хибяриӈэ харто’ нюдо мале’’ хой’ илӈгана таранан’ тохолаби’’. Нюдо’ мюсерць ям’ теневабнандо’, ты’’ хадырць ямдо’ лэтбабнандо’, тыдо’ яӈгремба’’, тыдо’ ӈэдалёрць мэць, ханм’ мись, сулурць теневабнандо’. 

Тарем’ ӈэбнанда Ванюта тэнз’ мэта’’ тыбэртя’’ пон тамна харто’ явнандо’ мюсерта’’, харто’ тыдо’ пэрта’’. Харто’ ямдо’ теневана’’, мэнена’’ хибяри’’ тарем’ илебнандо’ нив тара’’. 


Перевод на русский язык

Хозяйка большой семьи 

У Надежды Ванюты разглаживаются на лице морщинки, когда она вспоминает молодость. Любит наша собеседница по случаю разглядывать красивую национальную одежду, в которой выходила замуж. Обожает и ту, что шила для детей. Каждый шовчик знаком и дорог. Надевают ее по особым случаям.

Фёдор Тимофеевич и Надежда Евменьевна вместе уже почти полвека. Главное богатство, по их признанию, это дети. А их ни много ни мало – одиннадцать. Шесть сыновей и пять дочерей, и конечно же внуки. Все они получили хорошее воспитание и образование.

– В семье должно быть много детей. Тогда они растут дружными и во всем поддерживают друг друга, – убеждена Надежда Ванюта. – Крепнет не только родственная связь, но и связь с тунд-рой. Там чистый свежий воздух, искренние человеческие отношения, нет места для лжи и ненависти.

За достойное воспитание детей хозяйка большой семьи награждена орденом «Мать-героиня». 

Знакомство с Надеждой Ванютой стало для меня настоящим подарком. Надя с рождения кочевала с родителями в Канинской тундре. Училась в школе, работала продавцом, а потом повстречала молодого оленевода Фёдора и вышла за него замуж. Ушла в тундру, стала чумработницей.

Все-таки неправильно, что жены оленеводов не получали наград, хоть и трудились ежедневно в чумах и палатках. Но, кажется, справедливость восторжествовала. В канун Дня оленя Надежде Евменьевне присвоено звание «Почетная чумработница НАО».

Замечательная женщина, что и говорить! Хозяйка, помощница, деятельница. Создает уют и тепло в семье. С детства умеет обрабатывать шкуры, шить малицы, пимы. Дети и внуки с удовольствием носят национальную одежду. Этому героиня публикации научила и дочерей, которые во всем помогают матери. 

Одиннадцать детей давно уже взрослые, имеют семьи, дружны между собой. Все они сделали выбор в пользу традиционного хозяйства. Пятеро сыновей пошли по стопам отца – трудятся в оленеводстве. Отлично справляются со всеми жизненными невзгодами. Дети благодарны родителям за то, что те обучили их всем премудростям суровой тундровой жизни. Став взрослыми, они обучают уже своих детей умению ориентироваться в тундре, беречь пастбища, отбирать ездовых оленей, чинить и мастерить нарты. 

Семья Ванюты, на мой взгляд, это не та трудовая династия из газетных очерков прошлых лет, одержимых производственной идеей. Это традиционная ненецкая семья, в которой родственные связи определяют единство образа жизни и занятий. 

Вроде бы обычные ненцы-оленеводы. Ан нет! Таких осталось слишком мало. Наблюдая, как лихо управляются с упряжкой внуки из рода Ванюты, невольно думаешь, что за трудными километрами непременно последует разумная, добрая, нормальная жизнь, достойная этих людей.