Несьхана си’’ив яля’’ ямбан манзаравамда этнографической экспедиция’ ёльцедась.

НАО’ музейной объединение’ этнография няби искусствоведение’ отделхана манзарана’’ няхаюна’ Лариса Латышева, Галина Конькова манзаиди’ минреванди’ сер’’ Канин’ я невхы ӈэсын тэворӈаханзь. Таняна илена’’ хибяри’’ няюв манзараӈаханзь, Канин’ я’ тер’’ мел’’мана сэдорана’’ не’’ манзаи’’ манэ’’сарӈаханзь.

Тюкумэвахана ӈэдалёрмаханди’ сер’’ музейхана манзаранаха’ ӈарка манзаям’ сертаӈаханзь.

– Тарем’ хэтанзь, хусувэй тикы ӈэсыхына илена хибяри хари’’ тэнзда ил’ мэсым минрена. Мани’ ӈока хибяри’’ торомданись, мал’ пыдо’ Канин яхана соявы’’, вадювы’’, ӈока по’’ ямбан хойхана мюсермы’’, те’ ёльцянд ларьха’’нато’ сомбоковна хойхана мэ’’мы’’ ембдяродо’, тэхэ’’на’’ тарана тердо’ лэтамбидо’. Тарця тер’’ поӈгана хой паны’’, паской ӈамгари’’, сава’’, мякана тарана’’ тер’’. Мани’ тарця хибяри’’ хонись, хибя’’ невхы похо’’на’’ ӈадимдевы’’ теркоцидо’ сяхари’ музеян’ тэвраӈгудо’. Тарця хибяри’’ ня манзараӈгува’’. – тарця вади’’ Лариса Латышева, округна’’ музейна’’ этнография’, региональной искусствоведение’ отдел’ нермбэртя хэтась.

Ӈэсы’ тер’’ харвась маркад’ товы няхаюто’ ня манзараць, теневанидо’ ваде’’ӈаць, ӈамгэ’ ханзер’’ сертамбада манэ’’лабтабидонзь.

Ольга Артемьевна Латышева’ луца’ вадавна хэтанзь – материальной культура’ ӈавори’’ манэ’’лабтась, тарця тердо’ мякнандо’ тенад мэ’’эйдо. Тикы’ хавна ваде’’ӈадась ханзер’’ Канин’ не’’ паныдо’, мальцидо’, пивидо’ сэдбада’’, ханяхад сэдорава’’ ёльцяӈгана тарана’’ ной’ тэмдабасеты’’; сяха’ паным’, мальцям’ сэдбавахана тарана’’ хобам’ хобсеты’’. Хусувэй сэдъя’ харта ёльцяда тане.

Тамна мэкад’ сер’’, ненэця’ тер’’ поӈгана тохоцяхад паӈгалмы’’ ни’’, тем’’ тане’’. Ханяхад тарця ӈадимы’’? Тарем’ ӈэвы сер’’, сывы мюсерць хой’ тер’’ ненэця’’ пэдара ӈэсонд’ тэвормы’’ ӈэсеты’’, мюсевандо’ сер’’ сехэры поӈгана ӈэсыкоця’’ хаюрцеты’’, таняна илена’’ хибяри’’ няюв тэворцеты’’. Лавкахана ӈаврадамдо’ тэмдаӈгу’’, ненэць мирдаць танедамда мирдата. Тарем’ нидо’ торомдась, нидо’ нядабась ӈобнзер’ няхато’ тэвормы’’ ӈэсеты’’. Хойхана мюсерта’’ не’’ хардахана илена’’ луци’ нехэ’ тохосхад ни’’, тем’’ сярась табадасеты’’. Луци’ не’’ е’’эмня хой’ некоця пенахад, хобахад таранадамда сэдаӈгу.

Валентина Григорьевна Ардеева хойхана мюсермы некоця, тыбэрма сер’’ ветеран не нюнда’ Анна Егоровна’ няюв невхы танё’’, сави’ падта’’ми’’, тюнтана савам’ манэ’’лабтаӈаханзь. Тарця савам’ мэта Надежда Фёдоровна Ардеева’ сидяӈг’ музейна’’ архивхана тане.

Этнографха’ ӈока мэкад’ ӈамгэм тыбэрта Павел Чупровхад’ намдӈаханзь. Хойхана мюсермы ненэця’ ваде’’ӈадась ся’ ёльцяӈгана палаткам’, ханм’, тюрм’ мива’’ е’’эмня тарана пям’ тэврамбава ёльць, хурка яхад. Хурка пяхад тарана ӈавори’’ сертабада’’. Тикы’ хавна, Павел Егорович хойхана мэта палатка’ ханзер’’ сертабавам хэтась, пухуцяда Наталья Егоровна, падта’’мам’ манэ’’лабтась.

Александра Фёдоровна Баракулева не нюнда’ Ольга Михайловна’ няюв Канин’ няна’’ мэта сывы не ембдяр’’ – паным’, няндуй савам’, невхы сярвы ним’ манэ’’лабтаӈаханзь. Александра Фёдоровна мэкад некоця, пыда ӈока’’ ненэцие’ хобцоко’’ тенева’’, ханяӈы хобцокода’ харта падвыда’’. Ханяӈыдо’ музейхана манзарана няхаюна’ падарт’ падвыди’.

Нина Семёновна Конькова невхы мята’ тер’’ сидяӈг’’ манэ’’лабтась, ханяхад паӈгдо’ мимам’ сававна теневана не, генеалогической древомдо’ падаби. Нина Семёновна музеян’ мякнандо’ ӈока по’’ ямбан мэ’’мы невхы теркоця’ ми’’ӈась, пяхад мадавы хидя’’ – пу тасьти, паской луцяко’.

– Несьхана харто ямдо’ мэнена’’, мел’’мана манзарана’’, хари’’ паӈгудо’ тенена’’, невхы тердо’ лэтбада’’ хибяри’’ иле’’, хусувэй мяд’ тер’’ пэдава’’. Сидни’ хусувэй серкана сававна нядабиць. Ханярина сидни’ маймбась ядабтабиць, сяйлабтамбиць, невхы танеда тердо’ манэ’’лабтабиць, теневанидо’ ваде’’ӈаць. Мал’ хибярихи’ ӈарка вадами’ хэтбини’, ихид’ минда вадини’ Таисья Егоровна Ванютан’ ӈэдарамбини’! – тарця вади’’ Лариса Прокопьевна хэтась.

Тамна экспедициян’ тэвормы няхаюна’ анкетирование’ манзаям’ сертавэхэнзь, Европейской ӈэрм’ яхана тены’ похо’’на’’ илена’’ ненэця’’ религиозно-идентичной научной исследование’ нямна 25 хибярим’ хонравэхэнзь.

Несьхана илена’’ хибярихи’ Тыко Вылка’ нямна хамадавы «Великий человек Новой Земли» нюбета выставкам’ манэ’’латаӈаханзь.

Перевод на русский язык

Бесценное культурное наследие

В селе Несь завершила работу семидневная этнографическая экспедиция.

Специалисты отдела этнографии и регионального искусствоведения Музейного объединения НАО Лариса Латышева и Галина Конькова посетили старинное село.

Для специалистов музея общение с местными жителями и знакомство с рукотворными работами канинских мастериц – ключевой аспект подобных выездов.

– Практически каждый житель села – обладатель культурного наследия. Мы познакомились с людьми, которые родились и выросли на Канине и на протяжении многих лет кочевали по тундре. До сих пор они бережно хранят в своих ларях национальную одежду и предметы оленеводства. Среди традиционного убранства – одежда, украшения, головные уборы, предметы быта. Нам удалось выявить потенциальных сдатчиков, с ними будем продолжать собирательную работу, – рассказала заведующая отделом этнографии и регионального искусствоведения Лариса Латышева.

Жители села охотно общались с этнографами, делились знаниями и умениями.

Ольга Артемьевна Латышева показала предметы материальной культуры, которыми её семья пользуется до сих пор. Также она поделилась секретами изготовления традиционной канинской одежды и обуви, рассказала, где жители тундры покупали ценное сукно, как подбирали шкуры для шитья паниц и малиц.

Интересно, что среди предметов быта были тканые пояса и подвязки для пимов и тобоков. Оказывается, во время зимних кочевий тундровики часто проезжали деревни лесной зоны, закупали необходимые продукты, производили бартерный обмен. Таким образом были налажены дружеские отношения с местным населением. Женщины тундры заказывали русским мастерицами тканые предметы из шерсти.

Ветеран оленеводства Валентина Григорьевна Ардеева с дочерью Анной Егоровной продемонстрировала старинные накостники, украшения для шапки и уникальный свадебный головной убор. В фондах музея хранится фотография Надежды Фёдоровны Ардеевой именно в этом уборе.

Особый интерес этнографов вызвала встреча со знатным оленеводом Павлом Чупровым. Во время беседы мастер предоставил ценную информацию о сезонности и географии выбора древесины для изготовления палатки, саней и хорея. Кроме того, Павел Егорович поделился технологией строительства традиционного жилища – палатки, а его супруга, Наталья Егоровна, дополнила рассказ схематическим рисунком.

Александра Фёдоровна Баракулева с дочерью Ольгой Михайловной показали полный комплект канинской зимней одежды – паницу, шапку няндуй и старинный тканый пояс. Хозяйки дефилировали в традиционных нарядах и даже предложили сотрудникам музея примерить их. А ещё Александра Фёдоровна любит загадывать ненецкие загадки, сама их придумывает. Некоторые загадки сотрудникам музея удалось записать.

Жительница села Нина Семёновна Конькова любезно провела экскурс в прошлое с помощью старинных семейных фотографий, поделилась историей своего рода, показала генеалогическое древо, над которым работает. Нина Семёновна передала в музей уникальные предметы быта, деревянную посуду ручной работы – тарелку (пу тасьти) и расписную поварёшку, которыми долгое время пользовались в семье.

– В Неси живут истинно любящие свой край мастеровые люди, ценители и хранители семейных реликвий, и каждая семья – находка. Все жители села были необычайно радушны: угощали чаем, показывали свои сокровища и охотно помогали нам в работе. Спасибо всем, огромная благодарность нашей гостеприимной хозяйке Таисье Егоровне Ванюте, – поделилась напоследок Лариса Прокопьевна.

Также участники экспедиции провели анкетирование в рамках научного исследования религиозно-культурной идентичности современных ненцев европейского севера, в которой приняли участие 25 человек.

А ещё специалисты музея порадовали жителей села выставкой «Великий человек Новой Земли», провели экскурсии для воспитанников детского сада, учащихся школы и взрослого населения.