Тюку яля «Сюнсэв пирибтя» повесть’ пелям’ толада’’.
Мани’ Лиданд ня’ августхы вымна ӈэдалё ханярӈани’. Янд вэкна мале ялэмдата пара. Августанд нюртей яля’ выӈгнанд нюртей ӈамгэр табцворӈа. Тедахава’ нувот няра мал’ нумгэхэ’’на пудабтавыраха. Тю’’уна, ӈэва’’ни’ ниркахана, яляко сюнраха туӈэ Ӈэрм’ нумгэр я’’лесада. Тикар пили’’ ӈоб’’ яхана ӈэдава. Сита ӈэвадярципой’’ валакада Си’’ив Со’’омар сюре’’ле.