Ил’ харта тарця хибярир’ сояӈгу, илеӈгу, манзараӈгу, тикахад’ ёльцянда’ тэвась яӈгумда.

Ся’’ха ӈацекы сояӈгу, теневасьтыва’’. Ӈобкарт’ хибярир’ яӈгуманда ёльць’ ехэрада. Илевандо’ ямбан ӈокаюв’ хибярина илевамдо’ сава ихиня мэ’’цьтыдо’.

Маня’’ яханана хусувэй по’ харта нюмда танесеты’’. Теда’ товы сидя ёнар’’ самлязимдей’ яӈганя пова’ округханана ӈацекы поӈэ’ таславы’’. Ӈацекына яханана хусувэй по’ сояӈга; ӈацекына сававна вадюданва’’ е’’эмня хусувэй ӈамгэдо’ танедарха’.

Тюку по’ нюртей ирийна еркы’’ яля’’хана Коткинохона илена’’ хибяри’’ харто’ ӈэсындо’ со’’яма ялям’ мэ’’манзь ма’’люрӈаць.

Тюку яля’ «Харючи вэсако» лаханако’ пудана пелям’ толара’’. Хибя тюку лаханаком’ наӈгадяӈэ’ толаван’ харвабнанда. Хаювы яляхана ӈадибермы «Ялумдхана» ӈани’ пелядо’ хоӈгуда’’.

Маня’’ яханана мел’’ хибярина ханярина иле’’. Округна хусувэй ӈэсыхына ӈудидо’ мэта’’ нина’’ таня’’, маркана ӈод’ тянё вани’’ӈа’’. Тарця нина’’ манзаи’’ хуркари’’ выставкахана маниесьтына’’, ханяӈэна мел’’ нина’’ мастер-класс’ манэ’’лабтабасьты’’.

Мел’’мана сэдорана не’’ ханярина таня’’. Няръяна маркана тарця не’’ тянё ни’’ӈа’’.

Нянэй ненэця’’ тенз’ мэта хибяри’’ ӈэрм’ яхана ханярина иле’’. Тыдо’ пэрць вымна сян’ юр’’ по’’ ямбан мюсерӈа’’. Пудана юр’’ по’’ ямбан ӈока несэй ненэцие’’ илевахана ӈадимяць. Ненэця’’ луци’’ манзаи’’ торомда’’, харто’ паднава серуна ӈадимя’’. Вадакуна’’ ма’’ламбада хибярина книги’’ падби’’. Нейко Янгасова вадако’’ книгам’ ма’’лась.

Нёр Туӈгосе’’э ӈани’ тарем’ ма: – Пыдар сидя хабтаркамд тэмд’ ми’’ӈанаси’’. Хурка мань ӈод’’ сидя хабтарками тэхэюни митадм’. Пыдар мяканд хэхэр’’.

Лаханавэюм’ тальняю’ пыда ӈэдалэй’’. Пон’ нись мы’’ пой ӈутокани нултавонода. Тарем’ мамонода.