Вы здесь

Ялумд’’

 Этно-культурный центрхана манзарана’’ нина’’ ӈарка манзаям’ сертамби’’. Таняна манзаранина’’ хуркари’’ тенз’ хибяри’’ культурам’ нерня минревахана тарана серу’’ таслаби’’. Тикы’ хавна «Заполярьем’» нюбета ЛитОбъединение’ паднаван’ харвана’’ хибярина няюв’ манзара.

Хусувэй ирий харта нюмда таня. Теда маля нюдя пэвдэй ирийхана илева’’. Ханяӈэхэна нянэй ненэця’’ тюку ирий носиндалава ирийӈэ нюмдебидо’. Нюдя пэвдэй ириян’ тэвась выӈгана маля яха’’, токоця’’ саламбахана тондавы’’. Те’ ёльцяӈгана салабада маля наворӈава. Ялуна’’ хэбимдана’’, пий’’ ямбуворӈа’’. Хойхана илена’’ ненэця’’ поӈгарць варёмдо’ мэ’’ӈа’’, саламба ӈылхад’ халякоцям’ нэкалпи’’.

Нянэй ненэця’’ тыбэрма’ сер’ хавна маля ӈахэт’ хуркари’’ луца’’ манзаи’’ торумдаби’’, тарця манзаяха’ тоходана’’. Тикахад’ илевандо’ ямбан ивняндо’ ӈэда’’ манзаяханато’ манзара’’. Тарця хибярина округханана ӈока’’.

Тамна тарця хибярина таня’’, хуний маня’’ яханана соявы’’, вадювы’’, тоходанвы’’. Школамдо’ ёльцесь тамна нерня’ тоходанвась ӈани’ ян ӈэдалавыд’.

Носиндалава ирийна хасуюдимдей яляхана округхы’ музей хардахана маня’’ яна’ тер’’ хибярина ма’’люрӈаць. Тикы яляхана едэй хамандавы выставка няӈгартамбэясь. Тарця выставка ненэця падтаӈгода няна Нина Васильевна Валейской си’’ив ю’’ понда панва нямна сертабэй.

Маля ӈахакуд’ округханана «Илебц» театрава таня. Таняна сянакода’’ хибярина малӈэ’ харто’ вадамдо’ мэ’’ӈа’’, харто’ культурамдо’ теневана’’. Нянэй не’’, хасава’’, ӈацекы’’ ӈока’’ ихиня сомбой программам’ хамандаць.

Носиндалава ирийна юдимдей’ толыркад самлязимдей яӈганя толыр’’ ӈэсонд Санкт-Петербург маркана ӈарка ма’’лёва ваерась. Таняна хуркари ӈэрм яхад’, ӈэрм’ тенз’ мэта’’ ненэця’’ мю’’люрӈаць. Тюку по’ институт народов Севера синдтет ю’’ самляӈг пода паны.

Ваеравы ныланава яляхана, вэба ирийна няхар’’ яӈганя толыркана янда’’хана илена’’ хибяри’’ тэранзюць’’. Округханана тэранзёва сер’ ваерась’. Хибярина тэранзёвась ма’’люрӈаць.

Таддикахад’ тарем’ инзеленандо’ ӈари’’ ӈаркамбовна ма’’нив’: - Лакась Пукэй! Тикавахана сюдбя’ нюдя ню ӈэта ни’ санэй’’. Тикы няндо’ сана маним’’: - Некэй’’! Хэхэвов! Нылека товондов!

З.А. Двойникова

Округханана хусувэй ӈэсыхына ӈарка хибярина’’ иле’’. Мал’’ пыдо’ хари’’ яхананда соясь, илевандо’ ямбан манзараць. Теда, варёмдо’ мэць илевамдо’ минредо’. Тарця хибяри’’ Индига ӈэсыхына тянё ни’’ӈа. Ӈопойдо’ Зоя Алексеевна Двойникова. Тиман яхана соябэй, нюдяко ӈэванда мальӈгана ӈока небянда, нисянда няюв’ вымна мюсерӈась.

 

Раиса Яптунэ падвы

Вэба ирыхад пода мале селбита няю сюрхаледа.Танта ваера. Хусувэй яля’ тавна хув’ тецьдя’’ сах’’ ворӈа. Неро’ вэба’ мерця’ сер’ сарё тэсдаре’ ян’ тэсна’ то’’олха’’. Хохорэй иры пуданахна мале янта’’ серма тахруваӈэ ханӈа, ӈув’ янамбовна хаӈга.

Сывы ялэда’ навэд тальня миӈа’’. Сисако’, либирёко’, тохотабцо’ ӈэдакы мале’’ сеня’’ ӈана я’’ ӈыл лыӈгарэйдаць’. Я’’нийм’ вэба Иры пуданахна янабовна сыра тонтаба пяӈгуда. Выӈгана вадёдана пюӈгкоця, нерокоця, паёкоця мале ӈана вэбаси’’ вэрцорта, сыра панэдамдо ӈатена толха’’.

Саля’хардахана Елена Тимофеевна Пушкарёва иле, нянэй не, харта тензда Лапцуй. Илеванда ямбан ненэця’ вадам’ тю’’у минрена не’, ненэця’ фольклорм’ ма’’ламбада. Ма’’лавы’’ манзаида книгаӈэ’ сертамбида. «Пухуця нюи» лаханаком’ нябакоданда падвэдась, нюртей’ пелямда толара’’.

Валентина Чупрова

Сидя юкад’ вата по’’ тяхана Варандэйхана илевы’’ нянэй ненэця’’ илевась округна еркы’ март’ тоць. Хибяхова’’ тамальӈгана харвась’ товакы’’, хибяхови’’ ныхыри’’ тюкон’ тэвравакыдо’. Ӈэсымдо’ таладось, лавкамдо’ сусададось, свет’ ӈэсынандо’ яӈгусь, хибяри’’ манзаяси’’ хаиць. Ханзер’’ илеӈгун’?

Хаювы манзаида’ ӈока’’

Харта’ ямда’ мэневы, харта’ илевамда’ нерня тидхалембавы хасава, падтаӈгода ненэць’ Николай Апицын Индига’ ӈэсыхына илесь’. Тиман’ выӈгана мюсермы’ ненэця’ ню. Несяда, небяда илеванди’ ямбан хойхана илеӈахась, таняна хасава нюкцяди’ соясь.

Ӈахы’’ похот’ выӈгана тарем’ миӈа’’: хасава’’ тыдо’ лэтбасеты’’. Пыдо’ нядандо’ нянэювна мято’ тер’’ ил’ пере’’. Тыбэртя’’ хусувэй серкана сямянд’ нядаӈгодаӈэ’ тарана – не.

Ӈэсынандо’ манзарана лекарь’

Округханана Выучейской нювм’ нюбета ӈэсыкоця’ таня’’, ниня’’ ӈарка ӈэсы’. Ӈэсынандо’ юр’’ вата’’ хибяри’’ иле’’. Ӈокаюв’ хибяри’’ тикы ӈэсыхына со’’ямахадандо’ пилибт’ иле’’, тикахана манзара’’. Хибяри’’ харто’ ӈэсымдо’ ёльце’’ мэнедо’, тикада хусувэй серкана ӈади’’.

Страницы