Вы здесь

Ялумд’’

Приятно получать награды за труд из рук руководителя

Хусувэй хойхана мюсерта хибяри тэсавэй хибяри, тэси’’ ил’ нив’ яӈгу. Тэхэд’ хибяри’ хусувэй ӈамгэм’ хомби: тикы ӈавар’’, ембдяр’’, мяд’ ея’’, тэхэ’’на ненэця’’ ӈэдалёрӈа’’. Ты’ сямянд’ тарана’’, тикахад’ ненэця’’ иле’’. Сяхаӈгова «Няръяна ты» колхоз’ мэбета колхозӈэ’ толысь. Тыдо’ ӈокаць, толырта сава похона сидя яӈганя ёнарт’’ тэворцеты. Ӈэсынандо’ илена’’ хибяри’’ ӈокаюв’ пелядо’ колхозхана манзаранаць.

  Екатерина Тайбарей – идейный  вдохновитель ненецкого коллектива  «Нянэй сё»

« Хуркари тенз’’ мэта’ хибяри’’ культурадо’ няхатато’ яӈга, хусувэндо’ харта паӈгда. Тикада сава ӈэ’’нив. Тарця сер’’ нув’ панраха’, ӈопой тебтамда ха’’аврась, минханда ӈани’ сер’’ маниеӈгур’’, – тарця вади’’ Екатерина Тайбарей ненэцие’’ фольклорной коллектив’ «Нянэй сё» ервота хэтась.

«Нянэй сёхона» хыно’’та’’ не’’ харто’ манзаямдо’ харвась минредо’, нида’’ нерня’ пэртя Екатерина Петровна Тайбарей. Тикы’ коллектив’ хибярина’’ теневадо’, сиддо’ ханярина маймбась ядабтабсеты’’, сиддо’ хэбидя яляха’’на, региональной, международной фестивалька’’на ӈатесеты’’.

Ӈэрёйӈэ’ хэсь тыбэртя’’ тянембёвна таӈгалмъяд’’. Холмортана’’ яля’’ пуняна хаи’’, ты’’ падева’’ ёльцьхад’ нылана’’. Тыбэртя’’ янамбовна сывы мюсерць яхато’ хамяку’’. Сыра’’ мэ’’эмда ембдеродо’ вандакохот’’ нэкалпи’’. Хой’ тер’’ нина’’ тыто’ толыр’’ тасламби’’, забоян’ тэвравнда тыдо’ яӈгремби’’. Раиса Яптуне Таймыркана илена паднана, сян’ по’’ тяхана «Ненэця’’ экологической календарьм’» падвысь. Таняна хор’’ ирий’ нямна тарем’ падна.

Уютно Елене Михайловне среди близких людей

Елена Михайловна Талеева округханана’’ Нюдя’ яхана тыбэртя ненэцие мякана соявысь. Тикахад’ школахана тоходанась, тохолкоди’’ институтм’ Ленинград’ маркана ёльцесь. Пыда тохолкодаӈэ’ тоходанвамда ёльце’’махаданда харта со’’явы яхананда манзараван’ харвась. Няръяна март’ тось окронохона нянда’’ мавыць: пыдар’ нянанд’ серота манзая’ тедари яӈгу, воспитательӈэ’ манзараӈгун’.

Теперь Анна Сулентьева шьет ненецкую одежду и сувениры

Невхы’ похо’’на’’ тандая пенсиян’ тарпвы’’ хибяри’’ мале пухуцяӈэ’, ириӈэ’ толабасьтына’’. Тены’’ похо’’на ӈокаюв’ тарця’ хибярина’’ ӈани’ сер’’ илан’ сырӈа’’. Пенсиян’ тарпась, ӈахэт’’ минревы’’ манзаидо’ хаесь ӈармбэй хибярина’’ тэри тарем’ ӈопой яхана ни’’ хасена’’. Ханя’’ валакада пенсияхана мэна’’ хибярина’’ ни’’ тэвор’’, хуркари’’ серкана пыдо’ нердеван’ харва’’.

Ветераны школы – главные гости юбилейного вечера

Вэба’’ ирий сидя ю’’ тетимдэй яляхана Индига’ ӈэсыхына илена’’ хибяри’’ школандо’ хасуюр’’ пом’ мэ’’ӈаць. Ӈарка яляхандо’ сававна хамадавыдаць. Ихиня сомбой концертхана ӈацекы’’, тохолкода’’ хыно’’ӈаць. Школандо’ историям’ ваде’’ӈаць, невхы сидяӈг’’ ӈокаць, мядонзэй’’ ня’’марпиць. Ӈока хибярихит’’ ихид’ миндя’’ вади’’ намдаць, поӈгнандо’ А.В.Мяндин’ округхы

 депутат’’ собрания’ председатель, Таймырской колледж’ манзарана’’ , тикахад’ Финляндияхад’ Инари’ мар’’ центр’ образования мякад’ видеопоздравлением’ ня’’амвыць.

  Участники окружного конкурса «Профессионал года-2016» –  Людмила Соболева (слева) и Наталья Талеева

Нельмин Саляхана ненэця’ вадам’ минрена тохолкода Людмила Соболева тюку по’ ваеравы «Профессионал года -2016» округхы’ тохолкоди’’ конкурсхана нердесь. Канин’ выӈгана мюсерта ненэця’ мякана соявы некоця. Нюдяко ӈэванда’ мальӈгана ибедор’’ нивакы’’, по’’ ваерась ӈацекы’’ тохолабдаӈэ’ хэбсу’’. Тохолкода манзаян’ тэри’’ тарем’ ниць’’ тэв’’, тэри’’ тарем’ ӈамгэхэрт ни’’ ӈадибер’’.

Хибярией, выӈгана мэнов’’, харад’ ӈэсыхына иленёв’’, Мань лахарёхон’ инзеледов’’. Тюку ирийхана    няхарамдэй «Ӈэрм’ классической сё’’ яля’’» фестиваль ваерась. Москвахад Дмитрий Коган опера’ сё мэта «Опера гала» «Московской камератанда» ня’  Няръяна Март’ товысь.

Тарця’ юнм’ манэкава не’ нюв билет тэмдавась ӈэдарав. Билет’’ тамна мирдапада’’ нивы’’ӈа’’. Тикэхэвана культура’ манзарани юндалтамба пяни’’, таняна ю’’ по манзарабэям’ нидум’ ӈа’, ӈав илеван сер’’ культуран’ нядаӈгуманзь.

Хусувэй хибяри харта нюмда. Со’’явана сер’’ нюмдава ня’’амбива’’. Нюмӈгад хибярит’ ил’ ӈод’’ ханянэхэна’’ пересеты’’. Ямалкана илена паднана нем’ Галина Тахолим’ мань мале сидя юкад’ вата по’’ ямбан теневав’. «Ямал-Регион’» телерадиокомпанияхана национальной программы’’ хамадабада дирекция’ таня, тарця’ дирекцияхана ю’’ по’’ ямбан ӈобкана манзаранись. Хусувэй сертабада манзаянда сертабаваханда пысасетыдм’. Пыда нянэй не, ненэцие’’ культурам’ теневана, тю’’ури минрена. Манзараванда’ ямбан ненэця’ вадам’ нерня’ пэртя.

Душевная песня – радость для ветеранов Дома престарелых

Округна’’ хусувэй ӈэсыхына ӈармбэй хибярина’’ е’’эмня клуб’’ манзара’’, таня’ мале ниня’’ манзарана’’ хибярина’’ ма’’люрцеты’’. Пыдо’ ӈобкана’’ харто’ танеда серудо’ тасламбсеты’’, хусувэй серкана нидо’ нядабась илевамдо’ нерня’ минредо’. Луца’ вадавна хэтась: - « Клуб’ общения пенсионеров». Тарця’ клубха’’на мэна’’ хибярина’’ хусувэй по’ округна’’ еркы’  маркана ма’’ласьтыд’’. Тюку’ по’ ӈод’’ округна’’ ӈэсыхы’’на илена’’ нина’’ Няръяна март’ турӈаць. Округхы клуб’ общения пенсионеров фестиваль’ си’’ивумдей’мэвна Няръяна маркана ваерась.

Маня’’ округханана’’ юр’’ си’’ив ю’’ некоммерческой организация, пыдо’ хуркари серо’’мана’’ манзара’’. Няръяна маркана тарця организация’’ нертей ярмаркадо’ ваерась. Тарця’ серм’ хамадавы’’ вадавна: - Тюкохана мэвандо’ е’’эмня маня’’ 38 заявкам’ ня’’маваць, мал’’ пыдо’ ярмаркахана харто’ манзаидо’ манэ’’лабтабаӈгу’’.

Алексей Пичков ненэцие’ паднана, ты’ саполана’ ирий няхар’’ юдимдей толыркана ёнар’’ хасуюёнар’’ няхар’’ ю’’ тетимдей похона Канин’ выӈгана мюсерта ненэця’ мякана соявысь. Нюдякоходанда Шойна’ ӈэсыхына илесь, таняна’ школамда ёльцесь. Харта со’’явы ямда мэнена хибярись, со’’явы янда’  нямна падвы манзаида тянё’’ ни’’на’’.

Маня’’ яханана’’ сян’ тенз’’ хибяри’’ харто’ культурамдо’ лэтбась иле’’, нито’ культурам’ ӈод’’  теневаван’’ харва’’. Хуркари’’ яляхана хэвняд товы’’ хибяри’’ тарцям’ манэць пысасету’’.

Яханана’’ няхар’’ ю’’ си’’ив территориальной землячество’’, национальной диаспора’’. Пыдо’ е’’эмняндо’ Клуб земляков’  таня, ханяна  хибяри’’ ма’’люрцеты’’, ӈобкана минрена’’ манзаидо’ тасламбсеты’’.

Дарья Кустышева – гостеприимная хозяйка

Округханана’’ хуркари тэнз’’ мэта’’ хибяри’’ поӈгнандо’ сававна иле’’. Тарем’ ӈод’’ Хорей-Веркана ненэця’’, ӈысма’’, луца’’ хынёси илевамдо’ мэ’’ӈадо’. Ӈока хибяри’’ тикы’ ӈэсыхына иле’’, ханяӈы’ таняна’ илевандо’ ямбан манзараць, нюдо’ вадаць. Ӈокадо’ сава вади’’ намдувнда’’. Тюку яля вадин’’ Дарья Алексеевна Кустышева’ нямна падбин’. Хорей Верхана’ мэван’ мальӈгана тикы’ не’ нямна ӈока ихиня сомбой вади’’ намдамась.

Родная тундра, ее просторы – все это дорого юбиляру

Андрей Николаевич Талеев Саляхана илена’ ненэця’. Тюку’ ирий’ самлязимдей яӈганя толыркана си’’ив ю’’ помда ядтась. Пыда ӈэсыхынанда теневана хибяри. Теневана’’ нита’’ вадавна: - нямбара, ёнекад, лэмбаранда лата ненэця’.  Со’’яма яляхананда ӈока ихид’ миндя’’ вади’’ намдась. Пыда илеванда’ ямбан ӈокавна манзаравы, пухуцянда ня’ нюди’’ вадавэхэ’, не’ нюнди’ нюкци’’ маниевэхэ’.

Страницы