Ӈэрм’ яхана ханярина ӈэя ӈока сава вадам’ намдувнда хибярина’’ иле’’. Хибяри’’, хуний харто’ яханандо’ иле’’, харто’ яханандо’ илевандо’ ямбан манзара’’. Тарця хибяри’’ хуркари тенз’мэта поӈгана тянё вуни’’ӈа’’. Нянэй ненэця’’ поӈгана ӈод тарця хибярина ӈока’’.

Маня’’ тэта’’ яхана илева’’, ты’’ ненэця’ ил. Невхы похот’ иринана, хадунана явнана тэкоцидо’ пэрць мисерӈаць. Тыбэрма сер’ тюку яля’’ ӈэсонд’ тэвы’’. Теда округханана юр’’ сиднтет ю’’ ёнаркад вата тэва’’.

Хэвхы округхана харто’ вадамдо’ мэта хибяри’’ яндаха’’на манзара’’. Харто’ вадамдо’ тю’’у пэртя хибяридо’ ханярина таня’’. Елена Николаевна Окотэтта маля ӈарка хибяри. Пыда илеванда ямбан ӈацекэхэ’’на манзарась, нюдяко ӈацекы’’ е’’эмня падвы манзаида тянё ни’’ӈа’’. Сидя ёнар’’ юдимдей похона Елена Николаевна « Лаханако’’» таремъюв’ нюмдевы книгада’ тарпыць. Тикахана ӈацекы’’ е’’эмня таславы лаханако’’ ма’’лавысь. Сидя лаханаком’ тюку яля’ ӈацекэхэ’’та толада’’.

Ябто

Ханена есанд’ ябто еремы. Ябто ханенам’ манэць, ня’’лыторць пэй:

Маня’’ яханана си’’ив ёнаркад’ вата нянэй ненэця’’ иле’’. Таӈок хибярихит’ валакада ёнаркад’ ватава хойхана мюсерӈа’’. Пыдо’ нянэювна харто’ иламдо’ мэта’’, харто вадавнандо’ лахана’’, харто’ паӈгудо’ теневана’’.

Санкт-Петербург’  маркана маня’’ округханана сяӈгова илевы’’, манзаравы’’ хибяри’’ тянё ни’’ӈа’’. Ханяӈэхэна пыдо’ ӈобкана ма’’люрцеты’’, ӈобкана хуркари’’ танеда серудо’ таслабсеты’’.

Лимбя ирийна тетимдей’ яӈганя яляхана тарпвы’’ газетана « Ӈэ’’ли ӈая тар’’» сюдбабц нюртей’ пелям’ толадаць’’. Сюдбабц яб’ ӈэ’’нив’. Тюку яля’ тамна ӈопой’ пелямда толада’’.

Тикаринда’ӈо’’ ваӈгари я’’мана пыди сюрбаяха’. Тайнани’ хунанани’ тёрсавэй’’ Сюдбя ирини мят’ тюдамнё: - Ирикэхэюн хадакэхэюн мэкацядамди минредамзь, хади’’ни поӈгад  ӈэдараӈахаюн, ӈахакавахана ниванӈгабяха хань.

Ваеравы по’ яхана яндахат’ турта’’ мядондина’’ ӈокаць. Хуркари’’ яхад’ хибяри’’ округхана харвась ма’’люрцеты’’. Нянэй ненэця’’ ӈод’ танесеты’’. Ӈарка’ пэвдэй ирийхана Саля’хардахад’ турта’’ мядондина’’ таняць. Ӈопой тарця не Елена Хабиевна Уфимцева.

Пыда хэвхы округхана иле, ӈока по’’ ямбан харта яхананда культура’ серу’’ пэрӈа. Елена Хабиевна - « Заслуженный работник культуры Ямала» нювм’ мэта’’. Няръяна март’ турмахана тарця лаханакурмами’ танясь. Толара’’, нями’ ӈаву’’ хэтась.