Вы здесь

Ялумд’’

Сидя ёнар’’ няхарамдэй’ яӈганя по’ носиндалава ириян’ тэвына’’. Ваеравы’’ ныланава’’ яля’’хана округна еркы маркана сян’ ихиня сомбой сер’’ ваераць. Маркана илена’’, мядоманзь’ товы’’ хибяри’’ тарця серу’’ маниейдось.

Сямянд’ нюрте Няръяна маркана олимпийской’ тум’ ядабтаваць. Тум’ минревы’’ хибярина самляӈг’ юд’ мянаць.

Няхар’’ ирий’ ваерась Россиянана сырэй Олимпиада ваераӈгу. Тарця яля’’ха хамякова миӈа’’. Сочи’ маркана февраль’ ирийхана хуркари’’ яхат товы’’, хуркари’’ тенз’ мэта’’ нянэювна спорт’ мэнена’’ хибяри’’ яхана пирдырманзь’ ма’’лаӈгуд’.

Хаювы ирийна сидя ю’’ хасуюдимдей яляхана комсомол’ хасуюр’’ самляӈг пом’ ядабтаваць. Тикы яляхана комсомолкана мэвы’’, манзаравы’’ хибярина ӈарка ялям’ мэ’’ӈаць. Хор’’ ирий сидя ю’’ маттамдэй толыркана Няръяна маркана комсомольский конференция’ ваерась.

Нерняна товнда похона Россиянана Олимпиада ваераӈгу. Хуркари’’ яхат товы’’, хуркари’’ тенз’ мэта’’ хибяри’’ нянэювна спорт’ мэнена’’ маня’’ яхана пирдырманзь’ ма’’лаӈгуд’. Сидя ёнар’’ тетимдэй’ яӈганя по’ Олимпиадан’ ява’ сян по’’ ямбан хамякусь.

Хор’’ ирийна сидя ю’’ си’’ивумдей яляхана Няръяна маркы администрация’ актовый залхана ӈока хибяри’’ ма’’лэйдаць. Тикы яляхана хада’’ конкурс’ ваерась. Тарця хада’’, хуний тамна самляӈг ю’’ подо’ яӈгу’’; хада’’, хуний мер’’ хадаӈэ’ хэвыць. Мал’’ пыдо’ теда нюто’ ню’’ вадамбась нядаӈгу’’; нюто’ ню’’ няюв’ ӈобкана ныланасьты’’.

Тюку по’ комсомол хасуюр’’ самляӈг пода панысь. Тарця ӈарка ялям’ невхэна комсомолкана мэвы’’ хибярина мэ’’ӈадось. Няръяна маркана комсомольской конференция ваерась. Хибярина «Лидер» нюбета ДЮЦ мякана ма’’люрӈаць. Невхы похо’’на манзара’’мидо’ ваде’’ӈаць, лахарёдо’ тянё ниць’ӈа’’.

Теда’ валакада мань индкана сюреде поӈгэрта ӈамнерёнд ливарпэй сэв манэ’’ӈадм’.

Пуна тикыд лэкувна тарем’ ни’’ сюредеӈгу’’, – пыда ӈоб’’ лахана, – няйналтаӈгудо’! Тарця нумгана мале тыд хадохона нид хаеӈгу’’: суюд тамна ныхыси’’. Тюкохона нохор ӈо’’ ӈокава. Ирканани’ ӈани’ ханавэй’’ лэтмбада ябтот пидирма таня. Нохо’’ яхавар ханяна ваӈготирць таравамда тихинда теневада. Тиканд ӈэда ӈавламбидома. Сыранд ха’’амхана, синёхона енянд тотрев’ ханавэр ӈамгэхэртм’ вуни мание’’. Нохор тикырим’ нив’ ӈате’’: ябтонд ӈамнелада сар’’нюко тэврё ӈамда, су’’ляком’ нерон’ нюхулеӈгу. Тикар серота, пакос иленякои! Тад ӈо’’ тамна пинхадъива! – Нисяв сякни сылы’’, нирцьеда пыянда паха’ нид харомлэяд’’. Тоса юнра: – «Пыдхавар, хасавав нюв, хасуйхартар яр яӈгодарханю’’?»

Тохолкода’’ манзаядо’ тарця, пыдо’ илевандо’, манзаравандо’ ямбан харто’ тоходансеты’’. Ханяӈы’ мэвахана Няръяна март’ тоходанвась ма’’ласьтыд, ханяӈэна тамна хуркахова март’ тоходанвась хэсьты’’.

Маня’’ яханана Олимпиада’ нябимдеймэвна ваераӈгу. Ёнар’’ хасуюёнар’’ сидндет юдимдей пом’ хибярина тенедо’. Тикы похона Олимпиада – 80 таӈы’ ирийхана миӈась. Округна хибяри’’ Москва март’ тэворӈаць.

Пэвсюмдёда хэ’’нёкоця, иба. Пуна, хаерат сэйва’ нерцюна ӈоблад’ мандэл’’мана ябтуд вэнэлыд’’, ханяӈэхэва хубта хасрёхот хохорэт мун’’ хубна то’’, янда латава хабэвкут махатортараха вабцха’’на панна, сёто’ ӈардан’ мална лэ’’мород, сякцид си’’лада’’. Мерри’ неры ӈасьнало’’мандо’ тотрев’ мунод лакри’ хэлкада’’, выл немахата левналй’’, ензарюйраха тидамд мале тыт ӈэ’’ ла’’нари ӈэтпадарахада, ханяна таняна хадонд тавна су’’лякот, яхадет ниня ӈарка туро ӈод’’ нэрабарӈа.

Носиндалава ирий’ пудана’’ толыркана Саля’хардахана паднана’’ ненэцие’’ ма’’лёва ваераӈгу’’. Финно-угорский тензхад’ перена’’ ханярина илена’’, паднава’’ серм’ пэртя’’ ненэця’’ ӈобкана ма’’лась хэвхы округхана ӈоб’няд миндя’’ серудо’ таслабгу’’. Паднава серм’ Матрёна Ивановна Талеева ӈод’ хорпасьтыда, пыда падвыда толабасьтына’’. Тарця паднанина ӈод’ тамбир’ конференциян’ тэворпато’ сава ӈэӈгусь. Паднава серкана тарана ӈока ӈамгэм’ намдгуць.

Сава юнм’ сертабада

Маня’’ округханана ты’’пэртя’’ хибярина тыдо’ пэрць сян юр’’ мян по’’ ямбан вымна мюсерӈа’’. Тарем’ ӈокаювна иринадо’, хадунадо’ илець; нисянана илевамдо’ минредось. Теда ӈод’ хибярина ты’’пэрць хойхана иле’’.

Ямалкана манзарана’’ депутат’’ сертамбада манзаядо’ тянё нисьты’’ ӈа’’. Хусувэй по’ округханандо’ илена’’ ненэцие’’ нядамбава сер’’ нямна тарана’’ Закон’ ня’’амарпи’’, тикы нямна яханандо’ яӈга ня’’амвы программа’’ манзара’’.

Хусувэй по’ Санкт Петербург маркана «СеЗаМ» нюбета конкурс’ ваерасьты, ханяна паднана’’ хибяри’’ харто’ манзаидо’ манэ’’лабтабасьты’’. Тюку’ по’ ӈод тарця конкурс’ ӈока паднани’’ ма’’лась.

Ӈэрм’ яханана паднана’’ ненэциена хуркари’’ тенз’ поӈгана таня. Мал’’ пыдо’ харто’ вадавнандо’ падна’’. Ханяӈы паднана’’ манзаидо’ ӈарка хибяри’’ е’’эмня таславы’’, ханяӈы яӈга ӈацекы’’ е’’эмня падна’’.

Страницы