Ханяӈы’’ округханана ӈока по’’ ямбан илевы’’, манзаравы’’ хибяри’’ манзаидо’ ёльцесь, пенсиян’ тарпась илевась ӈани’ ян’ ӈэдаласьтыд’. Тарця хибярина янда’’хана иле’’.

Таӈы ядембада яля’ еркана сисьда (пэвдя) наро’ поӈгана хабарта’ яхадей нюкцяда соя. Хабарта’ яхадей ӈардавнанда ӈарка’’я ӈэвы, тарта ябти, сермавнанда тюнзибяраха ӈэвыю Нюкцяхавада тарта нямна сита пыдавы, тэ’’муй, ӈули’’ хорова’ суюраха. Ӈэкцяхабида ӈули’’ ябтакоця, тарця ӈэ ниня нува серта яӈгода’ то’’ола, тадри’ мальва’ то’’олхари’’. Хахабида ӈалекоӈаленд, тэваси’ хараха’’.

Тюку по’ пудана ӈарка сайнорма ваера’’махад’ си’’ив ю’’ пом’ ядтаваць. Си’’ив ю’’ по’’ тяхана ты’’ ниць ирий хасуюдимдей яляхана ханярина илена’’ хибяри’’ сава юнм’ намдаць – вэвко’ сайнорма ваера.

Тюку яля’ пилю’’ ирий маля маттамдэй’ толырта. Тарця ириян’ тэвась округна хибяри’’ ты’ ялямдо’ мэцьты’’. Ты’ – ненэця ил’. Ты’ нянэй ненэцям’ ӈавламбида, ембпида, яндамна’’ ядэлада. Тэси’ нянэй ненэць’ илда яӈгуд’ нив.

Ханяӈы’’ лаханако’’ ямб ӈэсьты. «Писяко’ вомде’’ма» лаханаком’ ӈахакуд’ газетахана падбива’’. Толанзёван’ харванар’ тенева. Тюку яля’ лаханако’ пудана пелямда толада’’.

Писякор хоре’’энда хабидяр’ ни’ танэй’’, тикахад тёры’’ӈа: – Я’ ӈарка’’ тода’’, мэдамда хададм’ ханесэва’’ яхада’’. Нерде ху’’ларка’’, харуэс’’ то’’. Хоре’’э’ сэв’’ тук’’ лабцейд’’. Писякор ма: – Пыдахавар яханабцар вэва, ӈани’ ӈармэрка нид тохарӈая’’.

Округханана тыбэртя’’ ненэциена нянэювна мюсертина’’, невхы по’’ тотрев’ иламдо’ минрена’’ хибярина тамна Ӈарка яхана, Канинхана иле’’, таняна варёмдо’ мэць манзара’’. Нюдо’ хэвханандо вадамби’’, харто’ вадамдо’ мэ’’ӈа’’, паӈгудо’ ханяд’ мимам’ тенева’’.

Я’ мал няна ӈока’’ манзаидо’ теневана’’ ненэця’’ иле’’, харвась’ харто’ манзаяханато’ манзара’’. Пыдадо’ нерня’ пэртя’’ хибяридо’ хэвхы’ округханана ханярина иле’’.