Маня’’ яханана ты’ ялям’ ёнар’’ хасуюёнар’’ няхар’’ ю’’ нябимдей поход’ мэ’’ӈадо’. Тамальӈгы’’ похот’ вындер’ хибяри’’ ӈарка ялямдо’ мэ’’манзь’ ма’’люрӈа’’. Тюку по’ хусувэй выӈгана мюсерта’’ ненэциена ты’ ялямдо’ сиднтет ю’’ няхарамдэй мададось.
Канинхана мюсерта’’ ненэця’’ тюку по’ ӈарка ялямдо’ мэ’’манзь’ пилю’’ ирий’ нюртей яляхана ма’’люрӈаць. Надтей яха’ хэвхана маркад’ товы’’ тиртя ӈаном’ ненэця’’ ядтабиць. Хойхана илена’’ нина’’ мядондидо’ ядтабиць, тикы’ хавна тамна ӈока’’ тарана’’ ӈавори’’ хоян’ тэвраць.