Тюку по’ ӈарка пэвдэй ирий’ мат’’яӈганя толыркана ненэцие’’ паднана Василий Николаевич Ледков сидндет ю’’ пода пангусь. Тарця ялян’ паднана нява тенена’’ хибяри’’ хамяку’’. Маня’’ ӈани’ няна’’ манзаи’’ газетанана падбина’’. Нюртей падбадава’’ повесть «Нярмодана хубта».

Вэба’ ирий (сентябрь’) 26-28 толырка’’на Мордовия Республика Саранск’ маркана «Финно-угорский транзит: родственные встречи» фестиваль гала-концерт ӈась. Мале’ матадамдэй по’ тикы фестиваль финно-угорской’ хибяри’’ явна мюсерӈа.

Тюку ирий’ нюртей яля’’ мальӈгана сян по’’ ямбан ӈарка ялям’ мэцьтыва’’, тикы ӈармбэй хибярина е’’эмня таславы’’ яля’. Тарця ялям’ мэць маля торомава’’. Ӈармбэй хибярина ханярина иле’’.

Пыдами тыбэртяӈэ пэрць мань сянакудма, ӈэваханани ӈани’ «сэрако’’ неняӈгарид» поӈгэрӈа’’, тикыт хавна ӈамгэхэрт ӈэвахан вуни мий’’. Мань тикы сэр’’ неняӈгаха’’», хар’’н пыдахан, ӈэвахан неныдм’. Тикыринда ӈод’’ ин ӈу’’ то: «Небяхан юнрахарцюдм’!»

– Пыдар, Василей, ӈамгэ? – небяв пыса. – Мал’ пятанню’’! Сармикахад хунмбасан хыли? Ӈамгэр хадкэ?

– Ниӈэ.

– Са’’лимбада нохо ни тут’’?! – хадами ӈод’’ сэвда сюртявмла.

– Та ни-и, -ӈудам’ хоймлась, мань юнрадм’: – Тикы’’… «сэр’’ неняӈг’’»… мер’ тиӈгуд’’?

Вэба ирий’ сидя юдимдей яляхана Няръяна маркана «Арктика» КДЦ мякана сомбой выставкам’ нэць. Тарця выставкан’ товы’’ хибяри’’ саць ӈокаць. « К созданию чуда сердце приложу…» выставка’ таремъв’ нюмдевысь. Таняна ма’’лавы’’ хибяри’’ тянё ниць’ ӈа’’.

Хуркари’’ тенз’ хибяри’’ харто’ ӈудаханато’ сертавы’’ сянакудо’’ манэ’’лабтаць. Нянэй ненэця’’ ӈухуко’’ таняць. Маня’’ мел’’ нина’’ манзаи’’ таӈок сянако’’ поӈгана’’ маниесь ихиня’ савась. Нина Ивановна Баркулёва нюртей выставкада ни’’ӈа’’, пыда сэртавы манзаида тюку’мэвахана ӈод’ таняць.

Мордовияхана’ хуркари’’ яхад’ товы’’ мядонди’’ ядабтавась’ хамады’’. Саранск’ маркана Россияхана илена’’ финно-угорский тенз’ мэта хибяри’’ ма’’лаӈгуд.

Таняна вэба ирий’ пудана’’ яля’’ мальӈгана финно-угорский тензхад’ перена’’ ӈоб’яӈганя регион’ тер’’ национальной движение самлязимдей отчетно – выборный съезд’ ваераӈгу’’. Тикы яхана ваеравнда ма’’лёян’ манзаравась няхар юр’’ мян’ хибяри’’ товась’ ятна’’.

Тецьдов, ирабтёв’’!

Хад’’я, марабтёв’’!

Хаерл – танаӈгов’’!

Хаерл – мэбе’’ӈов!

Нюни’ нюи илеӈгу,

Пыда мер’ ни хаӈгу’’:

Пыда теда’ – Василей,

Илебядё Василей! –

Сёход яловорта сюртяв сята тамна сюртяваркаӈэ ханаба хадаеми хыно’’ӈась. Хадаеми си’’ми сялӈо’’омнан ня’’амбасава, саць яб’’мани нид мань ӈани’ пулыта нина тарасадма.