«Заполярная финноугория» тарем’ нюмдевы ӈарка ялям’ округханана’’ тетимдэймэвна мэ’’ӈаваць, хаювы ныланава яляхана Красной’ ӈэсыхына ваерась. Тарця ялям’ нэбвахана округна’’ ерв ӈуда’ ӈылӈэ тарана нява’’ Ольга Старостина округна’’ ервӈэ тарана Александр Цыбульской хэбидя яля’ ет’ хэтвы вади’’ тэврась.
– Маня’’ яханана’’ хуркари тэнз’ мэта’’ хибяри’’ ӈобнзер иле’’, хусувэдо’ харто’ культурамдо’ тю’’у минре’’, харто’ вадамдо’ мэ’’ӈа’’. Яхана’’ турта’’ хибяри’’ тарця серм’ маниесь пысанзеты’’, -Ольга Валентиновна мась. – Сямянд савада – хусувэй тэнз’ мэта хибяри харта тэнзанда невхы илм’ теневась нерняри яда, паӈгуда тенесь иле.
Приморско- Куйской депутат’’ ӈэвахана мэна Леонтий Чупров яндахат товы’’ хибярихи’’ ихид миндя вадида’’ хэтась: – Сидда’’ яханана’’ маниесь маймбцо, ӈарка ялява’’ сававна ваерая. Тарця ӈарка яля’ харта гимнада таня – «Мы- финно-угры» сё, вадида’’ маня’’ яна’ тер’’ хасава Валерий Ледков падвы. Тюку яля’ ӈэсыхынана’’ илена’’ хибярина’’ манэ’’лабтабидо’ – ханзер’’ хари’’ культурамдо’ сахарамбидо’, мел’’ хибярина’’ сертавы’’ манзаи’’ манэ’’ӈада’’.
Ненсянда’ ӈод’’, культура’ харад фойехэна сян’ выставка’’ манзарась. Поӈгнандо’ хибяри’’ тэвравы’’ сидяӈг’’, мел’’ хибяри’’ ӈудаха’’на’’ сэдвы’’, сярвы’’, паӈгалмы’’ манзая’’ ӈокаць. Поӈгнандо’ ӈэрм’ ненэця’’ мэта’’ ембдяр’’, пива’’, ниня’ ӈарка мядеко, ӈухуко’’, туця’’, падко’’, лэмбарахана мэта’’ ӈаворико’’. Ты’ хобахад сертавы’’ манзая’’ ӈокаць, нойхад, пяхад, лэхэд мадавы манзая’’ тянё ниць’ ӈа’’, ӈодякоход ма’’лавы манзая’’ таняць. Тарця яляхана Краснойхана Омахад, Нельмин Саляхад, маркад товы’’ мядонда танець. Пыдо’ е’’эмняндо’ мел’’ некоцяха’ Лилия Тайбарей, Екатерина Тайбарей мастер-классхана хусувэй харванан’ манэ’’лабтабидинзь – ӈамгэ ханзер’’ сертабада, харвана’’ –ӈухуком’ ембпиць.
Тюкумэвахана ваеравы «Заполярной финноугорияхана» «Печорянка»’ фольклорной ансабльхана хыно’’та’’, тарана’’, «Илебц»’ театрхана сянакода’’ ненэциена’’ ӈобнзер’’ хамадавы’’ манзаямдо’ манэ’’лабтаць.
Невхы похо’’на ӈысма’’, ненэця’’ ӈэвтаванзь нито’ мят ӈэдалёрцеты’’, тюн’’ мэцьты’’. Ханзер’’ ӈэвтасеты’’, тюндо’ минзьты’’ – тикым’ сценахана манэ’’лабтадонзь.
…Тюнтавандо’ ёльцяӈгана хибяри’’ сава ембдяродо’ тюлцеты’’, ханудо’ падтасеты’’, тым’ хадасеты’’. Сян’ яля’’ тюнтасеты’’. Тюндо’ сава ихиня мэцьтыдо’, сянакосеты’’, поӈгнандо’ пирдерцеты’’. Хасава’’ хан’ нимня санарцеты’’, ныхыдо’ хорпасеты’’, тынзям’ моепасеты’’. Не’ ӈод’’ харто’ манзаидо’ пэрцеты’’.
Тюнтава хойхана ӈарка серӈэ’ ха’’мурӈа, ненэця’ недамдо’ хосаяванзь ӈахы’’ яха’’ тэворцеты’’. Ӈа’’и’’ похот тарем’ миӈа.
Краснойхана тамна ӈопой «Заполярная финноугория» ӈарка яля’ ваера. Тарця ялям’ хибяри’’ мале ӈатесетыдо’. Сидя по’ ваерась ненэця’’ӈани’ ӈобкана ма’’лаӈгуд’’.
Перевод на русский язык
Финно-угры Заполярья
Четвертый раз фестиваль «Заполярная финноугория» в минувшие выходные прошел в поселке Красное. Открывая праздник, заместитель губернатора округа Ольга Старостина от имени главы региона Александра Цыбульского поздравила всех участников с этим знаменательным событием.
– В праздники и будни наш многонациональный округ удивляет приезжих своим гостеприимством и бережным отношением к культуре народов, его населяющих, – подчеркнула Ольга Валентиновна. – Но самое главное – он является хранителем огромного духовного пласта жизни тысяч людей, его исторической памяти.
Председатель совета депутатов Приморско-Куйского сельсовета Леонтий Чупров напомнил, что у фестиваля есть свой гимн-песня «Мы – финно-угры», которую написал земляк из Красного Валерий Ледков.
– Отрадно, что и в нашем заполярном поселке люди сохранили живую нить культуры, связывающую поколения. И еще одно свидетельство тому – выставка красновских мастеров, развернутая в фойе ДК, – сказал он.
Действительно, ярмарка впечатлила своим разнообразием и красотой. Чего только не выставили на обозрение народные мастера! Национальную одежду, обувь, крохотные чумы, куклы-нухуко, сумочки-туця, украшения и многое другое. Техника произведений северян разная – мех, замша, сукно, бисер и почти везде присутствует его величество Олень.
Для нашего сурового края это животное – символ жизни, без него она теряет смысл. Для всех желающих мастера Лилия Тайбарей и Екатерина Тайбарей провели мастер-классы. На праздник в Красное прибыли гости из Омы, Нельмина Носа, Нарьян-Мара.
Главное действие фестиваля проходило на сцене – спектакль « На долгий путь благославите» в исполнении фольклорного ансамбля «Печорянка» и ненецкого театра «Илебц». Артисты впервые показали и напомнили зрителям, как ненецкий род объединялся с народом коми. Приезжали в стойбище и сватали невест, играли свадьбы.
Женщины открывают старинные сундуки, надевают на свадьбу расшитые узорами и унизанные разноцветными суконными ленточками нарядные паницы и сарафаны, доставшиеся им в наследство еще от бабушек. Мужчины наряжаются в праздничные малицы и пимы. Проходит свадьба весело и шумно. Жених прыгает через нарты, демонстрируя свою ловкость, догоняет упряжку невесты, показывая умение управлять оленями, накидывает тынзей на хорей. Есть испытания и для невесты: на выносливость и на знание, как вести себя в чуме, насколько скромна и воспитана.
На сцене замолкли последние звуки завораживающего действа, но зрители даже не поняли, что спектакль закончен. Только потом вспыхнул шквал аплодисментов и …ожидание продолжения чуда, которого ждут от традиционного праздника «Заполярная финноугория».
Такие встречи, бесспорно, содействуют сохранению духовного богатства и исторического наследия финно-угров, приумножению межнационального согласия в регионе. Праздник дарит радость общения и доброе настроение всем его участникам и зрителям. Именно такие мероприятия являются объединяющими и предоставляют возможность выйти на новый уровень мастерства.
