Тюку по’ округна’’ хусувэй ӈэсыхына ненэцие’’ вадам’ нерня’ минрева’’ е’’эмня хуркари’’ мероприятия’’ ваераӈгу’’. Яханана’’ ирий’ ямбан’ ненэцие’ вадам’ нерня’ пэрма, лэтамбава, нерняна’’ танева’ е’’эмня ханярина лаханаӈгува’’.
2018 по’ маня’’ яханана’’ тыпэрма сер’’ поӈэ нюмдевы. Ненэцие’’ паднава’’ сер’’ яляха’’ таславы сер’’ тикахад переӈгу’’. Ирий’ ямбан’ хуркари’’ манзая’’ сертавы’’ ӈэӈгу’’, поӈгнандо’ ненэця’ вадам’ минрена’’ тохолкода’’ пирдырма’’, литературной вечер’ танеӈгу’’, ханяӈы паднана Василий Ледков’ соя’’ма ялян’ хадавы ӈэӈгу. Тюку по’ ӈарка пэвдэй ирий’ 16 толыркана ненэця’ паднана’’ 85 пода пангусь. Ӈарка паднана няна’’ нямна вадина’’ мэтава’’.
Тикахад нерняна товнда похона учёной лингвист’, самодийской вадам’ нерня пэрмы не’, нертей ненэця’-луца’ вадавна падвы словарьм’ сертавы Наталья Митрофановна Терещенко соя’’ма ялям’ мэтава, 110 пода пангусь. Ненэця’ е’’эмня словарьм’ сертавы’ хавна Наталья Терещенко Антон Петрович Пырерка’ пухуця’, ненэцяӈгат ӈадимы нертей учёнойва’’, тикы’ нява’’ 1941 сайнорма похона яӈгумась. Вэсаконда яӈгу’’махад пыда Антон Петрович пявы манзаи’’ нерня сертабидась.
Тамна тюку по’ нерняна товнда ирийхана 65 помда паднана’’ Лукерья Валей ядабтамби, пыда’ соя’’ма ялянда е’’эмня ма’’лёвава’’ танеӈгу.
Нарьяна маркана ненэцие’ паднава’’ сер’’ нямна хамадавы яля’’ мальӈгана падтаӈгода Павел Выучейской’ выставка ваераӈгу’’, таняна падтаӈгода’ няна’’ манзаи’’ манэ’’тава’’.
Ненэцие’ паднава яля’’ пудана сюртяв’ тол тяха’ ӈамдась хибяри’’ ненэцие’ вада нерня таневам’, ханзер’’ мимам’ тасламбаӈгу’’.
Перевод на русский язык
Стартовали Дни ненецкойписьменности–2018
Во всех населённых пунктах округа в течение месяца пройдут тематические мероприятия, нацеленные на сохранение, развитие и популяризацию ненецкого языка.
В этом году организаторы связали их с Годом оленеводства в НАО. В программе – конкурсы учителей ненецкого языка, литературные вечера, посвящённые 85-летию ненецкого классика Василия Ледкова, а также к 110-летию со дня рождения учёного – лингвиста, специалиста по самодийским языкам, автора первого ненецко-русского словаря Натальи Митрофановны Терещенко. Наталья Митрофановна была супругой первого ненецкого учёного Антона Петровича Пырерки. После его гибели в 1941 году при защите Ленинграда, она продолжила начатое им дело.
Во время дней ненецкой письменности пройдут юбилейные торжества ещё одного ненецкого писателя и поэта Лукерьи Валей. В этом году она отмечает 65-летие со дня рождения.
В Нарьян- Маре, в рамках Дней ненецкой письменности, откроется персональная выставка картин художника Павла Выучейского.
И завершатся эти дни встречей за круглым столом, его участники выработают программу дальнейших действий по сохранению и развитию родного языка в Ненецком округе.
