Тюку ирий’ 15 толыркана Нельмин’ Саляхана илена’’ хибяри’’ поӈгана сямянд’ ӈэрмбэй няндо’ юр’’ пом’ ядабтаць.

Соя’’ма яляхананда сельской хозяйство’ ветеран, саю’ по’’ ямбан тылхана манзаравы няндо’ мят янда’ тер’’, теневана нида’’, перенида’’ турӈаць.

Ӈарка нямдо’ вэдоманзь Малоземельской сельской советхана манзарана’’, ӈэсыхынандо’ ветеран’’ совет’ манзаравам’ тасламбада’’ тэворӈаць. Хусувэдо’ Мария Егоровнан’ ӈока по’’ ямбан ивъер’ манзараванда е’’эмня, сельской хозяйство’ манзаян’ ӈока ныхымда паклевы е’’эмня ихид’ минда вадидо’ хэтаць.

Мария Лаптандер илевада’ сибиць нись’ ӈа’’, тарем’ ӈод’’ мята’ тер’’ хэвхана ябдась, ивъер’ манзаранась, харта нида’’ саць мэненась, пыдо’ нямнандо ида’ пили’’ няркнавы ӈэсеты.

Лаханась ня’’амы нява’’ – хой’ тер’’ некоця, илеванда ямбан’ ӈока’’ маймбцом’, маям’ манэ’’мы. Пилкабтёда сайнорма’ по’’ ямбан, тикахад тоенана’’ сою’ по’’ мальӈгана пирибтяко пили’’манзарась, вадюданась.

Нюдя’ я хойхана 1926 похона вымна мюсерта’’ тыбэрта’’ ненэця’ мякана соявы. Тикы явна’ ӈахы’ похот’’ перенида’’ мюсермыць, тикахад небяда’, нисяда’ танямна тыдо’ танабавыць. Ӈодьбянда нюти’’ соявандо’ мальӈгана пыди’ – небяха’, нисяха’ мале’ теневаӈаханзь, нюди’’ иламдо’ харто’ яханандо’ мэтадо’. Тарем’ илевандо’ сер’’ хаясь.

Мария мер’ небяси’ хаись, не ӈацекым’ нисяда Егор Матвеевич Ноготысой вадабидась. Хэвхананди’ пили’’ ирида, сэвсяда хадада мэвэхэ’ ӈэсетыхы’. Не ӈацекы мякана’ сава нядаӈгодаӈэ’ таравы, нисянда’ хэвхана мэсеты. Нисяда’ ня ханеванзь тэворцеты, носи’’ тэврабсеты, тэхэ’’на’’ мэсеты. Хойхана манзая’’ ӈадясь нара мальӈгана ӈокамзеты. Ты’’ниць ёльцяӈгана ӈани’’ ӈацекы’’ няюв сую’’ еребасеты’’, тандая’ соявы’’ ныхысяда’ суюкоци’’ маниесеты’’. Сыра’ ӈани’’ хавыдава’’ мальӈгана ӈарка нидо’ нядабасеты’’. Ты’’ хобам’ нэкалпаӈгу’’, ты ӈамзи’’ матурпаӈгу’’… ӈопой яхана нисеты’’ хасена’’.

Тарем’ манзараванда’ сер’’ Егор Матвеевич не нюкцямда’ вадабидась, янамбовна ӈока илӈгана таравнда’ серт’ тохоламбидась. Тены’ похо’’на’’ ӈармбэй некоця’ ӈэцекы ӈэвы пода’ ихинанда’ лэтбида, хусувэй нисянда’ хэтвы вадам’ тенеда, хусувэй нисянда’ сертавы сава сер’’сейхананда’ лэтбида.

Невхы по’’ тензебтева сер’’ сёнзянда’ мюй сатавна масабтабсетыда’, инда’ ядэрць хайлакода ма’’ласетыд’’.

– Сайнорма’ това мальӈгана, мань самляӈг яӈганя’ повась. Тенев’, ханзер’’ ненэця’’ сайнорман’ хаяць, хойхана вэсако’’, пухуця’’, ӈацекэри’ хаиць. Хасава’’ е’’эйӈэ’ не’’ хаиць, ты’’ пэрцеты’’, ёрцеты’’, фронт’ е’’эмня тарана ембдяр’’ сэдбасеты’’, почтам’ тэво’’ласеты’’… Тамальӈгана саць тоенась, тарем’ ӈод’’ хибяхарт’ нисеты выдара’’, нидо’ нядабась нерня’ минзеты’’. Тикахад’ хоян’ сайнорма сусава юн’ тэвыць, тарця юнм’ маймбась ядабтаваць. Хусувэй фронтхад товы хибярин’ маймбасетыва’’, ӈобкана сайнормахана яӈгумы’’ нина’’ тензебтемсетыва’’, мято’ тер’’ нядабасетыва’’, – тарця вади Мария Егоровна хэтась.

Тамальӈгы’ похо’’на’’ илевы’’ ӈацекы’’ серци’ нисеты’’ мэ’’, сайнорма’ тэвась, лэркабт’ ӈарумдарха’ ӈэвыць. Ӈамгэм’ валакада, тамбир’ ныхыта некоця, нивакы манэс’’. Илевадо’ саӈговотась, ӈаврадо’ нисеты’’ тэвор’’, ӈокавна манзараць. Мария сававна тенеда, ханзер’’ Победа’ товы юн’ ядабтадонзь.

Тикы’ пуд’’ янамбовна ил’ савумда пядась, хозяйство’ ӈэта’’ ни’ нултаныць. Мария тыбэрта’’ поӈгана манзарась. 1949 похона сайнормахад мяканда’ Алексей Иванович Лаптандер тэвыць. По’ ваерась Мария хаюпа хаясь. Мяд’ терсавэй хойхана илець, тыдо’ пэрӈаць, И.П.Выучейской нювм’ нюбета колхозхана манзараӈаханзь. Алексей Иванович тэхэ’’на’’ мэнась, пыда – мякана хусувэй манзаи’’ минренась.

Тарем’ янамбовна сою’ по’’ пуд’’ илевадо’ савумданась, ява’’ ныхыдамда ма’’ла. Тыдо нядэядаць, ӈаврахана нензеларкаӈэ хаясь, ӈармбэй ненэця’’ е’’эйӈэ манзараванзь илебэй ненэця’’ тоць. Ныхыта’’, манзаи’’ теневана’’. Алексей, Мария Лаптандерха’ пон’ илан’ маймбась илеӈаханзь, вэсаконда’ яӈгумахад Мария Егоровна тамна пон’ хойхана мюсерӈась, нюда’’ манзаяханандо’ нядабавысь.

Сян’ по’’ ваерась, Мария Егоровна хардан’ илеванзь ха’’мыць, Нельмин’ Саляхана илелъяць. Те’ ёльцянд харта хардахананда иле.

Тылхана манзаравы, сельской хозяйство’ ветеран тамна мэйры’’, илм’ мэнена, хибярихи’’на’’ сава некоця.

Пыда илеванда ямбан’ хуркари’’ серт’ нисеты выдара’’, хуркари’’ саӈговота сер’’ таневахана нерняри’ минда не, илм’ мэнена.

Тюку яля’ Мария Егоровна не нюда хэвхана иле, не нюда – небякомда’ хусувэхэна нядамбида.

Мария Егоровна Лаптандер сейконда’ ибахана харта нида’’, нюда’’, нюта ню’’, перенида’’ ядимбдаби. Тамна нерня’ пон тарем’ ӈэя!

Перевод на русский язык

Секрет долголетия Марии Лаптандер

Cтарейшей жительнице посёлка Нельмина Носа 15 апреля исполнилось 100 лет.

В день рождения ветерана сельского хозяйства, труженицу тыла навестили земляки, родные и знакомые.

Побывали у старожила и представители администрации Малоземельского сельского совета и совета ветеранов Нельмина Носа. Каждый выразил Марии Егоровне благодарность за добросовестный многолетний труд, большой вклад в развитие сельского хозяйства.

Мария Лаптандер прожила нелёгкую жизнь, но наполненную семейным счастьем, честным трудом, большой любовью и заботой о близких.

Героиня нашего материала – обычная тундровичка, испытавшая на своём веку немало радостей и горестей. В страшное военное и тяжёлое послевоенное время проходили её юность, пора взросления.

Родилась в Малоземельской тундре в далёком 1926 году в семье оленеводов. На этих землях веками кочевали их предки, здесь пасли оленей её родители. Потому и при рождении детей родители были уверены, что их судьба неразрывно будет связана с родной землёй. Так и сложилось по жизни.

Мария рано осталась без матери, воспитывал девочку отец, Егор Матвеевич Ноготысый. Рядом всегда были дедушка и слепая бабушка. Девочка была первой помощницей по хозяйству, во всём держалась отца. С ним ходила на охоту, ловила песцов, выпасала оленей. Особенно много работы было весной. В период отёла с другими детьми смотрели за оленятами, выхаживали слабых новорождённых животных. И зимой, во время забоя, дети всегда были на подхвате. Помогали взрослым: снимали шкуры, разделывали туши…

Так в труде Егор Матвеевич и вырастил дочь, научил многим житейским премудростям. Пожилая женщина помнит детские годы, хранит в сердце каждое слово и каждый поступок отца.

Видно, что воспоминания тех далёких лет сильно бередят душу. И слёзы подкатывают от одних только мыслей.

– Когда пришла война, мне было лет пятнадцать. Помню, как уходили на войну мужчины, в стойбище остались старики и дети. Женщины заменили мужчин: пасли оленей, рыбачили, для фронта шили тёплые вещи, возили почту… Было трудно, но никто не сдавался, поддерживали друг друга. А потом с радостью встречали каждого земляка с войны; вместе переживали семейное горе тех, чьи родные не вернулись в родной чум, – вспоминает Мария Егоровна.

Детства у многих людей того поколения не было – война сразу всех сделала взрослыми. Чего только не пришлось пережить этой сильной духом женщине! Жили трудно, питались скудно, недоедали и много работали. Хорошо помнит Мария, как встречали долгожданную Победу.

Жить легче не стало: восстанавливали хозяйство. Были не менее тяжёлые послевоенные годы. Мария работала в оленеводстве. В 1949 году демобилизовался земляк Алексей Иванович Лаптандер. Через год Мария вышла замуж за фронтовика. У них сложилась большая семья. Пасли оленей в тундре, многие годы работали в колхозе имени И.П. Выучейского. Алексей Иванович был оленеводом, она – чумработницей.

Постепенно жизнь наладилась, страна прочно встала на ноги. В тундре произошли заметные изменения: восстановили поголовье оленей, на смену пожилым тундровикам пришли молодые оленеводы и чумработницы. Алексей и Мария Лаптандеры прожили многие годы, пока супруг не ушёл из жизни. После этого Мария Егоровна ещё много лет проработала в тундре, помогала детям. Успевала следить за большим хозяйством и ответственно  выполняла любую работу.

Немало лет минуло со дня смерти мужа. Мария Егоровна перешла на оседлость и постоянно живёт в Нельмином Носе.

Труженица тыла, ветеран сельского хозяйства не сдаётся возрасту, держится, на жизнь смотрит с оптимизмом.

В чем же секрет её долголетия? Ответ кажется простым – в умении радоваться жизни при любых обстоятельствах, как бы трудно ни приходилось.

Сегодня Мария Егоровна живёт вместе с семьёй дочери – опорой старенькой матери.

Внуки, правнуки по возможности навещают дом бабушки.

Многие годы Мария Егоровна Лаптандер своим теплом и мудростью согревает родных и близких. И пусть будет так ещё много лет…