Хаювы ирий’ 30 толыркана Россиянана’’ илена’’ толыродо’ тянё ненэця’’ хэбидя яля’ ваерась.
Тарця яляхана округна’’ толаӈгова харад’ ӈэрм’ отделхана манзарана нина’’ «Современная антология народов России. Поэзия.» едэй книга’ презентациям’ сертаць.
Зоя Ивакилева ӈэрм’ отдел ервота мась, тюку яля’ маня’’ толыродо’ тянё ненэця’’ хэбидя яляхана ма’’лыва’’. Тарця ялям’ тюку похона нертеймэвна мэ’’ӈава’’. Россияна’’ Президент’ 2025 по’ носиндалава ирий’ тетимдей яляхана ӈадимдевы ватовна тад’ нерня таневнда.
Толаӈгова’’ хардахана ма’’лавы’’ нина’’ едэй книга’ нямна лаханаць. Антологияхана 229 паднана’’ манзая’’ ма’’лавы’’, мал’ манзая’’ мэта юр’’ по’ пудана сидя ю’’ самляӈг по’’ ямбан 57 хуркари тэнз’ хибяри’’ вадавна падвы’’, луца’ вадан сертавы’’ стихотворения’’, литературной вада’ нямна Россиянана’’ илена’’ ненэця’’ паднава’ традиция’ нямна падвы’’ манзая’’. Тикы’ хавна паднана’’ биографической справка’’ тане.
Антологияхана танеда ӈокаюв’ стихотворения’’ тены’ похо’’на’’ паднана’’ сертавы’’ манзая’’. Тикы книгам’ тены’’ похо’’на’’ танеда вада’’ энциклопедияӈэ’ нюмдембась серо’’ӈа.
Толаӈгова’ харад ӈэрм отделхана ваеравы ма’’лёвахана И.П. Выучейской нювм’ нюбета социально-гуманитарной колледжхана лекарь’ манзаян’ тоходанана’’ танець. «Современная литература народов России. Поэзия.» антологияхад мэвы стих’’ толабиць, ненэця’ вадавна падвы’’ Лукерья Валей, Галина Тайбарей, Надежда Салиндер манзая’’ , Владимир Санги нивх’ вадавна падвы стих’ колледжхана тоходанана’’ намдаць.
Студент’’ ӈод’’ тохолавы стихдо’ толабиць. Марсель Кувандыков хари’’ вадамда’ теневана хасава, башкирской вадавна стихм’ хэтась, тохолкодадо’ Ольга Валерьевна Малышева марийской вадавна падвы манзаям’ толась.
Толаӈгова’ хардахана ма’’лёвандо’ ёльцяӈгана студент’’ ӈока несэй манзаи’’ толаць, несэй вади’’ намдаць. Ваеравы мероприятием’ пон’ тенеӈгудо.
– Толаӈгова’ хардахана’’ турӈада’’, ӈэрм отделан’ тюӈгада’’, хари’’ вадавнанда падвы’’ книга’’ толабида’’! – тарця вади’’ ма’’лёва пуданана Зоя Ивакилева’, Надежда Талеева’ хэтӈаханзь.
Перевод на русский язык
Читайте на родном языке
В Ненецкой окружной библиотеке имени А. И. Пичкова презентовали антологию «Современная литература народов России. Поэзия».
Презентация издания прошла в День коренных малочисленных народов Российской Федерации.
Многоязычная антология включает в себя оригиналы поэтических произведений 229 авторов, созданных за четверть века и написанных на 57 национальных языках. Также это художественные переводы стихотворений на русский язык, обзорные очерки о литературных языках и поэтических традициях народов России, краткие биографические справки об авторах антологии.
Большая часть стихотворений переведена современными русскими поэтами, которые продолжают развивать традиции отечественной школы перевода. Эта книга, по сути, не что иное, как своеобразная энциклопедия живых национальных языков.
В антологию включены произведения современных ненецких поэтов нашего региона – Лукерьи Валей, Галины Тайбарей, а также представительницы Ямала Надежды Салиндер.
Участниками литературного мероприятия стали студенты Нарьян-Марского социально-гуманитарного колледжа имени И.П. Выучейского, будущие медицинские работники.
Зоя Ивакилева, руководитель отдела Севера, сообщила учащимся о том, что 30 апреля в России впервые отмечается День коренных малочисленных народов Севера, который был утверждён Указом президента РФ от 4 ноября 2025 года. И символично, что презентация проходит именно в этот день.
На мероприятии прозвучали стихи известных в округе поэтов Лукерьи Валей, Галины Тайбарей, Надежды Салиндер, а также популярного среди северных народов нивхского поэта Владимира Санги.
Студенты с удовольствием озвучивали стихи из антологии. Марсель Кувандыков с гордостью прочёл стихотворение на родном башкирском языке, педагог Ольга Малышева – на марийском, звучали стихи и на таджикском языке.
Напоследок студенты поблагодарили специалистов библиотеки за познавательное погружение в мир поэзии народов нашей великой многонациональной страны.
Посещайте чаще отдел Севера окружной библиотеки, читайте книги на своём языке. В этом вам помогут сотрудники отдела Зоя Ивакилева и Надежда Талеева.
