Ты’’ ниць ирий’ 9 толыркана яна’’ сямянд ӈарка хэбидя ялям’ мэ’’ӈаваць.
Яндаха’’на’’ илена’’ хибяри’’ ваеравы юр’’ по’ сямянд’ пилкабтёда сайнорма пирдалёва ялям’, Победа 81-ей пом’ ядабтаць.
Округна’’ хусувэй ӈэсыхына митинг’’ ваераць, яндаха’’на’’ сайнорма’ похо’’на’’ ӈадимы сё’’ соць, стих’’ толабада танець, солдат’ хаскам’ пиревыць…
Тамбир’ ӈарка яляхана маня’’ сайнормы’’ ненэця’’ е’’эмня ӈадимдевы тен’ хэван турцетыва’’, сайнормы нина’’ ед’ ӈэвна’’ хаврабсетыва’’, тылхана
манзаравы’’, саю’ похо’’на ӈацекы’’ ӈэвы хибярихи’ сейхад минда’’ вадина’’ мэцетыва’’.
Нельмин’ Саляхана тоходанана’’ ӈацекы’’ тюкумэвахана «Вахта памяти» акциям’ минрець. Ӈэсынандо’ илена’’ хибяри’’ «Бессмертный полкхана » ядаць. Ӈэсы’ тер’’ ненэця’’ сайнормы нито’, перенито’ сидяӈг’ ня’’амбась, ӈамдэд’, лабак’ минарць, сё’’ мэкая’ ӈэсындо’ ӈарка сехэрэвна ядась, Победа тен’ ӈэсонд’ тэвыдаць.
Победа яля’ митинг Николай Марюев, Малоземельской сельсовет’ нерм’ пэрта нэдась. Тикахад… мунзипой нуць, тен’ хэван тэвравы ӈамдэдо’ масибтець, ниня’ сата музыка’ мунхана сайнормы’’ ненэця’’ нюбе’’ хэтамбиць. Пыдо’ ӈока’’, Апицын Афанасий Степанович, Апицын Пётр Андреевич,
Выучейской Михаил Дмитриевич, Выучейской Григорий Прокопьевич, Косков Семён Дмитриевич, Талеев Михаил Иванович, Талеев Василий Михайлович, Тайбарей Прокопий Филиппович…
Яля’ ямбан ӈэсы’ тер’’ ныланаць, няхато’ сейхад минда вадидо’ мэ’’ӈаць, тылхана манзаравы’’ нито’ няюв лаханакурӈаць, сайнормы’’ нидо’, сайнормахана ӈэвндо’ хавравы нидо’ тензебтембиць, хыноӈаць, победной вальсхана’ тараць.
Тикы яляхана ӈэсындо’ школахана ӈаварм’ пирембада’’ солдат’ хаскам’ пиревыць, ӈэсы’ тер’’ нидо’ мядолабтамбиць.
Саляхана илена’’ хибяри’’ хусувэй хардахана ӈарка сайнормахана мэвы’’ ненэцието’ тен’ лэтбидо’, нидо’ тенейдо’.
Перевод на русский язык
Мы помним и гордимся…
В Ненецком округе широко отметили 81-ю годовщину Победы советского народа в Великой Отечественной войне.
В каждом населённом пункте прошли памятные мероприятия, в течение дня звучали песни военных лет, читали стихи, угощали солдатской кашей…
В этот священный день мы склоняем головы в память о погибших земляках, отдаём дань уважения труженикам тыла и детям войны.
В Нельмином Носе несли Вахту Памяти учащиеся поселковой школы. Нельминносовцы присоединились к акции «Бессмертный полк».
Колонна сельчан с портретами родных и близких – участников боевых действий – украшенная флагами, цветами, разноцветными шарами, с песнями прошлась по улицам посёлка к памятнику Победы.
С поздравительной речью выступил глава Малоземельского сельсовета Николай Марюев. Обратившись к землякам, он напомнил о значимости события, важности передачи исторической памяти подрастающему поколению, пожелал мирного неба, здоровья, процветания нашей великой стране.
…Минута молчания, возложение венков и цветов, под тихую музыку озвучены имени участников-малоземельцев Великой Отечественной войны. Их множество: Апицын Афанасий Степанович, Апицын Пётр Андреевич, Выучейский Михаил Дмитриевич, Выучейский Григорий Прокопьевич, Косков Семён Дмитриевич, Талеев Михаил Иванович, Талеев Василий Михайлович, Тайбарей Прокопий Филиппович…
В течение дня в посёлке царила праздничная атмосфера. Люди поздравляли друг друга, общались с тружениками тыла и детьми войны, рассказывали истории своих героев, пели песни и танцевали победный вальс.
В этот день каждый житель испробовал солдатскую кашу, с душой приготовленную поварами местной школы. Все согревались горячим чаем.
Добрая память о героях Великой Отечественной войны жива в каждой семье.
