Округханана’’ по’ ямбан тоходанавы’’ ӈацекына’’ тохолковамдо’ ёльце, нерняна няхар’’ ирий’ ныланавамдо’ мэта’’.

Пыдо’ е’’эмняндо маркы, ханяӈы’’ ӈэсыхы школаха’’на’’ тюку ирий’ нертей яляхат’’ лагерь’ нёдо’ нэвы. Таняна ирий’ ямбан ӈацекы’’ ныланаӈгуд, тикы е’’эмня яӈга ныланава программа’’ хамадавы, хуркари’’ мэкад сер’’ ваераӈгу’’, мастер-класс’’ таневнда’’, ӈацекы’’ поӈгнандо’ пирдырта’’, ихинандо’ сомбой сянаковидо’ танеӈгу’’, и’’ӈутна проект’’ сертамбаӈгу’’, экскурсияха’ тэворта…

Хусувэй ӈацекы – ныланавахана ялуда’ сававна ваераӈгу’’, ӈока мэкад ӈамгэм’ манэта, ныхыдамдо’ ма’’маӈгу, ӈобнзер’ манзарась тоходанаӈгу.

Мале’ си’’ив яля’ ямбан лагерь’’ манзаидо’ минре’’, хусувэй хув’ ӈацекы’’ маймбась таня турӈа’’, ихинандо’ сомбой мероприятияха’ тэворӈа’’, сава тарана сер’’ сертамби’’. Ӈацекы’’ культура’, спорт’, толаӈгова’ хардаха’, музейха’ ядэрӈа’’.

Тарем’, тюку ирий’ няхарамдэй яляхана Нельмин’ Саляхана лагерькана ныланана’’ ӈацекы’’ велосипед’ Всемирной ялям’ мэ’’ӈаць. Пыдо’ е’’эмняндо « Мань нями’ – велосипед» спортивно-развлекательной программа ваерась. Тарця мероприятием’ хамадавы’’ ӈули’’ нерде’ ваде’’ӈадонзь, ханяхад велосипед’ ӈадимясь. Тикы’ пуд’’ дорожной знак’’ манэ’’лабтаць, ханзер’’ ӈэдалёрць таравам’, техника безопасности правила’’ ваде’’ӈаць. Тарця лаханакурмидо’ ёльце’’махад, ӈацекы’’ велосипедхана ӈэдалёрць пирдырӈаць. Мероприятием’ хамадавы вадавна, ныланава ялямдо’ ӈацекы’’ сававна мададонзь, сава ихина мякандо’ хаяць.

Искатель’ ӈэсыхы толаӈгова’ хардахана манзарана’’ «Росинкам’» нюбета лагерькана ныланана’’ ӈацекы’’ е’’эмня « Всё это Пушкин, добрый гений» нюбета сказочно-библиографической сянаковам’ хамадавыць. Теневана паднана Александр Сергеевич Пушкин’ ил’ нямна лаханакурӈаць. Ӈацекы’’ ӈока мэкад’ ӈамгэм’ торомдаць, Пушкин’ вадабавы Арина Родионовна, поэтм’, нюдяко ӈэванда мальӈгана, ӈока сава серт’ тохолавэдась, хари’’ вадам’ мэневан, луци’’ тэнз’ культуран’, традицияха’. Тикы’ пуд’’ не ӈацекы’’, хасава ӈацекы’’ мэнена поэтна’’ падвы вадако’’омна’’ ядэрманзь хаяць, ханяӈэхана ӈацекы’’ хуркари’’ мэкад сер’’ ӈатевыць. Вадако’ пускэцям намдась, ӈацекы нюмдебидось ӈамгэ’ вадако, персонажда’ нюмдебиць, вадакоход нэкалмы’’ ӈавори’’ нюмдебиць. Сава ихина ваеравы мероприятием’ ӈацекы’’ пон’ тенеӈгудо.

Округна этнокультурной центр «Мел’ манзарана» хардахана Светлана Попова ӈацекы’’ е’’эмня мастер-классм’ хамадавысь. Мел’’мана манзарана нява’’ маркы’ тетимдей школахана тоходанана’’ ӈацекы’’ няюв манзарась. Ӈобкана пыдо’ нянэй нюдяко мядеком’ – сувенир, тикахад мядонзэйӈэ серота, открыткам’ сертаць. Ӈацекы’’ харвась манзараць, мал’ пэдаваць.

Тарем’ ӈацекы’’ лагерькана ныланавандо’ нертей си’’ив ялудо’ ваераць. Нерняна тамна ӈока яля’’ таневнда’’, сиддо’ мэкад мероприятие’’, сян’ тэнз’’ пирдырма’’, мастер-класс’’, экскурсия’’, сава нумӈгана пэдаран’ тэвормадо’ танеӈгу.

Ӈацекы’’на’’ сававна ялудо’ ваерая’’, нерня’ тоходанава’’ е’’эмня ныхыдамдо’ ма’’лая’’, несэй сава нядамдо’ хоя’’.

Перевод на русский язык

Время ярких впечатлений

Вот и наступили долгожданные летние каникулы. В Нарьян-Маре и посёлках округа 1 июня открыли двери пришкольные лагеря.

Ребят ждёт насыщенная смена. Каждый день в лагере – это шанс раскрыть новые таланты, развить лидерские качества, научиться работать в команде и найти друзей. С самого утра на территории школ царит атмо­сфера радости, веселья и приключений.

Так, в Нельмином Носе 3 июня дружно отметили Всемирный день велосипеда. Для школьников провели спортивно-развлекательную программу «Мой друг – велосипед». В начале
мероприятия ребятам рассказали об истории происхождения любимого ими транспортного средства. Затем повторили дорожные знаки, правила езды и техники безопасности, поговорили о средствах индивидуальной защиты. После познавательной беседы юные велосипедисты участвовали в спортивных соревнованиях. Как сообщили организаторы, этот день прошёл на максимальной скорости, с драйвом и в отличном настроении.

А в библиотеке посёлка Искателей для детей из лагеря дневного пребывания «Росинка» провели сказочно-библиографическую игру «Всё это Пушкин, добрый гений!». Юных читателей познакомили с основными жизненными вехами поэта. Много интересного рассказали о его няне – Арине Родионовне, вырастившей Александра Сергее­вича, привившей ему любовь к родному языку, русской народной культуре и традициям. Затем девчонки и мальчишки отправились в путешествие по волшебному миру сказок, где их ждали разнообразные приключения и интересные задания. По отрывкам из произведения отгадывали его название, по описанию – персонажей, называли предметы из сказок. Мероприятие получилось увлекательным и полезным.

А в Доме мастеров «Мел’ манзарана» Этнокультурного центра НАО Светлана Попова провела для юных посетителей мастер-класс по декоративно-прикладному творчеству. Под руководством опытного мастера второклассницы городской школы № 4 с помощью цветной бумаги, клея и деревянных палочек сделали макет чума и волшебную подарочную открытку.

Впереди у ребят ещё много интересных мероприятий, познавательных мастер-классов, спортивных состязаний, интеллектуальных игр, творческих проектов, увлекательных занятий, экскурсий и вылазок на природу.

Пусть эти дни станут для школьников временем незабываемых открытий. Отличного всем лета!