Маня’’ яханана’’ валакада хэбидя ялям’ мэтава’’. Тыпэрта’ ӈарка ялян’ хамяковадо миӈа’’.
Ил’ мэсы’’
Тарця ялян’ хамяковам’ оргкомитет’ тасламбида, таняна манзарана’’ нина’’ мале’ сянмэвна ма’’лыць.
Пудана’ ма’’лёвадо саво’ ирий пудана толыркана танесь. Тамальӈгана тарця сер’’ ваде’’ӈаць. Хусувэй по’ тыпэрта’’ хозяйство’’ поӈгнандо’ пирдырцеты’’, хурка хозяйство’’, бригада’’ манзараваханандо’ тюку по’ нерня’ тарпвы’’ , хибя’’ еся’’ премия’’ ня’’амӈгу’’ мале’ таславы’’, ханя, хурка яляхана тирта’ ӈано’’ тиӈгуд’’ ваде’’ядонзь.
Тюку по’ округханана’’ тыпэрта’ ялява пилю’’ ирий’ нертей толыр’’ мальӈгана ваеравнда’’. Тыпэрта яля’ ед яханана’’ тарця сер’’ ваеравнда’’, ненэця’’ поӈгнандо’ пирдырта’’, ваеравы по’ ямбан манзаяханандо’ нердевы’’ оленеводческой хозяйство’’, бригада’’ нюмдеӈгу’’, илека’’ хадабавы ханена’’ ненэця’’ cава вади’’ намдувнда’’, мядонзэйдо’ танеӈгу’’. Ӈокханда тюку по’ ӈарка ялу’’ мэ’’ма ед таславы еся’’ толыр’’ сидя ю’’ мат’’ миллионхад ва’’ӈа’’, ӈокаювда транспортан’ мэ’’эмнда.
Тюку по’ ханяна тыбэрта’ яля таневнда, таня тирта’ ӈано’’ тиӈгуд’’.
– Маня’’ яханана’’ тыбэртина’’ тюку по’ ӈопой ёнар’’ няхар’’ юр’’ самляӈг ю’’ тонна’’ ты ӈамзам хамадаць – тикы юр’’ мат’’ ю’’ тоннавна небой поход ӈокарка.Тикы саць сава, яханана’’ ӈавар’’ танева серкана тэхэ’’на’’ мэнина’’ сава нядаӈгода’’, яна’’ экономикам’ нядабавадо’ ӈади. Ваеравы похона сававна манзаравы’’ тыпэрта’’ бригада’’, хозяйство’’ пилю’’ ирийхана нюмдеӈгуна’’, Ты пэрта хэбидя яляхана. – тарця вади’’ округна’’ губернатор Ирина Гехт хэтась.
Хурка хозяйство’’ тюку по’ нерня’ тарпвы’’, тикы нямна оргкомитетхана вадам’ НАО’ департамент природных ресурсов няби АПК сельской хозяйство сектор’ главной консультант’ Алексей Ардеев нюмдейдась.
Манзаяханандо’ сямянд сававна манзаравам’ манэ’’лабтавы’’: нерняна СПК «Путь Ильича» миӈа, председательто’ Михаил Лагейской, нябимдей местам’ ханавы’’ СПК «Харп», председательто’ Надежда Канева; няхарамдэйӈэ хэвы’’ – Ненэцие’ агропромышленной компания, генеральной директорто’ Леонид Чебыкин .
– Тарця вади’’ яӈга хэтась тара’’, тыпэрта бригада’’ отраслевой пирдырмахана нерня’ тарпвы’’ манзарана’’ мал’ СПК « Путь Ильича» манзарана’’, няхар’’ бригада. Нертей местан’ тарпвы си’’ивумдей ӈэсы, бригадирто’ Геннадий Чупров, нябимдейӈэ’ хэвы – маттамдэй бригада, нерм’ пэртядо Василий Лагейский, няхарамдэй’ си’’ивумдей бригада тыпэрта’’, Пётр Ануфриев бригада’ манзарана’’, – Алексей Ардеев тарця вади’’ хэтась.
Ӈамгэ несэй ӈадимя, 2026 похона хэбидя яля’ мальӈгана ваеравнда’’ спортивной состязанияхана нерня’ тарпвы пирдырта’’ премия’ есяндо’ толыр’’ ӈокамдавы. Оргкомитетхана тарем тасладонзь. Нерняна оргкомитет’ муниципальной образования’’, хозяйство’’ няюв ӈобнзер’ таслаӈгудо, ханзер’’ ӈарка ялудо’ мэтыдо, ӈамгэм’ тамна сертась тараӈгу. Тамна муниципалитетха’’на’’, хозяйствохо’’на’’, общинаха’’на’’ Тыпэрта хэбидя яля’ ёльцяӈгана тыпэрма серкана ӈока по’’ ямбан манзаравы ненэциедо’ ма’’лаӈгу’’, пыдо’ няндо’ ихид минди’’ вади’’ мэта’’.
Тамна, пилю’’ ирий’ нябимдей яляхана Красной’ ӈэсыхы культура’ хардахана хусувэй по’ танеда мероприятие’ ваераӈгу. Тыпэрта ялям’ танена мэтадо’, мядондидо’ ӈате’’. Няръяна маркад Красноян’ автобус’ танеӈгу: Морской портхад 11 сясхана тарпаӈгу’’, пуня’ Краснойхад 15 сясхана.
Тыпэрта яля – ӈарка яля. Те’ ёльцяӈгана хойхана манзарана’’ нина’’ таӈга’’. Сырэй манзаравидо’ пуняна хаи’’, нарэй тэтнава’’ ялудо’ ёльцевы’’, теда’ хэбидя яля’ пуд’’ янамбовна сывы мюсерць яхато’ хэванзь хамяковидо’ пяӈгу’’. Теда бригада’’ ӈобкана ма’’лы’’, ваеравы по’ ямбан манзаравидо’ тасламби’’, манзаяханандо’ ныхытидо’ нюмдеби’’. Ӈарка яля ёльцяӈгана отраслевой пирдырмахана нердевы нидо’ нюмдебава’’ хавна хойхана манзарана’’ нина’’ ед’ ханярина культурно-массовой мероприятие’’ таневнда’’, округна’’ ерв’’ тыпэрта’’, хозяйство’’, община’’ манзарана’’ няюв нерня’ манзаравидо’ тасламбаӈгу’’.
Ти’, тарем’ тюку по’ Тыпэрта ялява’’ ваеравнда. Хойхана мюсерта’’ нина’’ хоӈгува’’, лаханакурць нятына’’, ӈарка яля’ ед сава вадина’’ мэтава’’.
Перевод на русский язык
Когда тундра собирается вместе
В Ненецком автономном округе готовятся к Дню оленевода.
Регион уверенно приближается к главному празднику жителей тундры. Его ждут не только те, кто работает в оленеводстве, но и жители оленеводческих посёлков и деревень, а также ветераны, которые не один десяток лет посвятили этой отрасли.
На очередном заседании организационного комитета по подготовке и проведению традиционного праздника участники подвели итоги отраслевого соревнования среди оленеводческих хозяйств и бригад: определили победителей, согласовали получателей денежных премий и утвердили предварительный график полётов к местам праздничных мероприятий.
Традиционно праздник будет отмечаться в начале августа. В рамках празднования Дня оленевода в этом году предусмотрен ряд мероприятий: спортивные соревнования, награждение оленеводческих хозяйств и лучших бригад за достижение высоких производственных показателей, а также поощрение охотников за отстрел хищников. Общая смета проекта составила порядка 26,3 млн рублей – львиную долю из них составляют расходы на транспорт. С учётом финансовых возможностей в этом году сократили количество вылетов в оленеводческие хозяйства: полёты выполнят только в те стойбища, где непосредственно пройдёт праздник.
– В этом сезоне наши оленеводы заготовили 1350 тонн мяса – это на 160 тонн больше, чем годом ранее. Хороший результат для одной из значимых отраслей экономики округа, большой вклад в обеспечение продовольственной безопасности региона. Лучшие оленеводческие бригады и хозяйства по традиции будут отмечены в начале августа, в рамках празднования Дня оленевода, – рассказала губернатор Ирина Гехт.
Главный консультант сектора сельского хозяйства управления сельского хозяйства и торговли департамента природных ресурсов и АПК НАО Алексей Ардеев сообщил, что в этом году лидером стал СПК «Путь Ильича» (председатель – Михаил Лагейский), второе место – СПК «Харп» (председатель – Надежда Канева), третье – Ненецкая агропромышленная компания (генеральный директор – Леонид Чебыкин).
– Отдельно хочется отметить, что среди победителей в отраслевом соревновании оленеводческих бригад – сразу три бригады из СПК «Путь Ильича». Первое место – бригада № 7 (бригадир – Геннадий Чупров), второе – бригада № 6 (бригадир – Василий Лагейский), а третье – бригада № 7 (бригадир – Пётр Ануфриев), – сказал Алексей Ардеев.
В 2026 году произошло увеличение премий для победителей спортивных состязаний, которые пройдут в рамках праздника. Как пояснили в оргкомитете, суммы выросли за счёт перераспределения средств: часть хозяйств в этом году отказались от проведения локальных торжеств.
Сейчас организаторы ведут переговоры с муниципальными образованиями и хозяйствами, прорабатывают детали проведения мероприятий. В муниципалитетах, хозяйствах и общинах одновременно с празднованием Дня оленевода будут чествовать ветеранов оленеводства.
Финальное событие праздника традиционно пройдёт в Доме культуры посёлка Красное 2 августа. Для гостей из Нарьян‑Мара организуют трансфер: автобус отправится из морского порта с остановками по маршруту в 11:00, обратно из Красного – в 15:00.
День оленевода приурочен к знаковому моменту в ежегодном цикле оленеводческой жизни – окончанию летнего выпаса оленей и переводу стад на осенние пастбища. В это время бригады собираются вместе, подводят итоги за прошедший год и чествуют лучших в профессии.
Помимо чествования победителей отраслевых соревнований, в программу торжеств, посвящённых Дню оленевода, входят культурно‑массовые мероприятия и рабочие встречи представителей органов власти региона с оленеводами, руководителями хозяйств и общин.
По материалам gubernator.adm-nao.ru
Справка «НВ»
1 августа 1932 года в Ненецком округе впервые был проведён профессиональный праздник оленеводов – День оленя. В 2025 году знаменательному дню вернули название – День оленевода. В этом году будет отмечаться в 94-й раз.
